Aramayı sıfırla
Andalusien roadtrip☀️ 🚗
  • Marlene-Dominic's Travel
  • Marlene-Dominic's Travel

Andalusien roadtrip☀️ 🚗

Marlene-Dominic's Travel tarafından 13 günlük bir macera Okumaya devam et
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
En yenisi başta
  • Gezinin başlangıcı
    12 Kasım 2023
    Marlene-Dominic's TravelAndalusien roadtrip☀️ 🚗Gezgin

    Marbella

    12 Kasım 2023, Ispanya ⋅ 🌙 20 °C

    Nach emnä entspanntä Flug vo züri uf malaga heimer üsä Fiat 500 in empfang gno. Gmüetlech simer de lostuckerlet uf Marbella. Dert simer durch die härzigä Gässli gschländeret u hei der Blick ufs Meer u d Sunnä gnossä. Natürlech hei die tollä Tapas nid dörfä fählä. Am Abä simer im Restaurant Rais toll ga ässä u hei üsä erscht feriä tag la usklingä.Okumaya devam et

    Çeviriyi gör
  • Marlene-Dominic's TravelAndalusien roadtrip☀️ 🚗Gezgin

    Estepona

    13 Kasım 2023, Ispanya ⋅ ☀️ 17 °C

    Zum Zmörgelä simer nach Estepona. Eigentlech super härzig gsi bis mer bim fridlechä Käfelä hei gsee wie vor üsnä ougä ä Abschleppcharrä mit üsem Fiätli isch verbi düüset. Zum Glück heimer nä de ganz ir Nechi wider chönnä ga holä 🚗Okumaya devam et

    Çeviriyi gör
  • Marlene-Dominic's TravelAndalusien roadtrip☀️ 🚗Gezgin

    Tagestrip nach Tanger 🇲🇦

    14 Kasım 2023, Ispanya ⋅ 🌙 21 °C

    Hüt simer am Morgä früe uf d Fähri vo Tarifa uf Tangier in Marokko 🚢. Nach emnä Stündli Fahrt über s ruhigä Meer simer inä anderi Wäut itoucht. Uf der Free Walking Tour heimer viu spannends über Tangier, Marokko und überä Islam gleert. Mir si dür es paar verschideni Quartier spaziert u hei der farbäfroh Märit bsuecht 🚶🍍🍖. Die ängä Gässli si wäuts härzig u d Ussicht vo obä im Kasbah über s Meer uf Spaniä mega schön. Natürlech het o s feinä Ässä nid dörfä fählä zämä mit emnä abartig süessä Münzatee 🍛🍵. Uf der Rückfahrt uf Tarifa hets ir ferni sogar no paar Delfinä gha. Sonä tollä Tag ☀️.Okumaya devam et

    Çeviriyi gör
  • Marlene-Dominic's TravelAndalusien roadtrip☀️ 🚗Gezgin
    ZaharaCadizHafemuur Cadiz2

    Tarifa, Zahara & Cadiz🌴☀️

    15 Kasım 2023, Ispanya ⋅ ☀️ 22 °C

    Hüt morge simer nach 2 Nächt in Tarifa no fein ga zmörgele... Leider isch in Tarifa absolut nüt los, scho fasch gspängschtig läär, aues wüu haut Näbesaison isch und d Surfer u Kiter nid ume sii. So het meh aus jedes zwöite gschäft u resti zue bis mindeschtens wiehnachte... Drum hei mir üs entschide witer z zieh richtig Cadiz.
    Ufem wäg nach Cadiz simer spontan abboge für as Meer u im chline aber mega härzige Örtli Zahara glandet. Ä churze Spaziergang am Strand u e rundi mit üsem carözii dürs dörfli u de simer wider ungerwägs gsi richtig Cadiz.
    Am Nami heimer Cadiz bi strahlendem sunneschiin u warme Temparature erreicht. Sogar ä churze Schwumm im Atlantik hetsech dr Domi gönnt während d Marlene am Strand gsünnelet het... Gäge abe heimer i dä änge Gässli d Orientierig verlore u üs eifach lah tribe bismer schlussendlech dr Sunneuntergang uf dr Stadtmuur gnosse hei... Meeeeega schön😍☀️
    Da aber Cadiz relativ chli u härzig isch gömer morn scho wiiter richtig Sevilla☺️.    Okumaya devam et

    Çeviriyi gör
  • Marlene-Dominic's TravelAndalusien roadtrip☀️ 🚗Gezgin
    1

    Seville

    18 Kasım 2023, Ispanya ⋅ ☀️ 16 °C

    Die letschtä zwöi Täg heimer in Seville verbracht. Hie ischs viu beläbter u d Stadt mit aunä verwinkletä Gassä würk härzig. Natürlech het o chli Kultur nid dörfä fählä. Darum simer ufnä Free Walking Tour🚶. Die isch aber leider nid so für viu gsi drum heimer üs de einisch dervo gschlichä u si is Apero🍷u derna bim Holel a Pool chli ga sünnelä ☀️. Nach seeeehr viu Tapas u Apero geits iz hüt mit üsem Fiätli wider witer 🚗💨.Okumaya devam et

    Çeviriyi gör
  • Marlene-Dominic's TravelAndalusien roadtrip☀️ 🚗Gezgin
    2

    Cordoba ⛪

    18 Kasım 2023, Ispanya ⋅ ☀️ 24 °C

    Ä witeri wunderschöni Fahrt dür rötlechi, hügeligi Landschaftä mit tuusigä vo Oliväböim bringt üs nach Cordoba. Die Stadt isch isch bekannt für d Mezquita-Catedral de Córdoba. E ehemaligi Moschee wo när zurä Kathedralä isch wordä. Der Innähof mit viunä Orangäböim würkt ruhig o wes viu Lüt het u dinnä isch d Architektur mega schön. Der Nami u Abä simer de der Nasä nachä dür d Gassä gschländeret u hei am wiudä Tribä i de Bars u Resti zuegluegt. Znacht hets andalusischi Spezialitätä gä - Flamequin und Puntas de Solomillo. Köschtlech 😍.Okumaya devam et

    Çeviriyi gör
  • Marlene-Dominic's TravelAndalusien roadtrip☀️ 🚗Gezgin
    2

    Granada und Alhambra

    19–21 Kas 2023, Ispanya ⋅ ☀️ 22 °C

    Üses Fiätli het üs dür ä wüunderschöni Gägend vo Cordoba nach Granada bracht.🚗. Da simer die letschtä zwöit Täg dür die beläbte Gassä gschländeret. Granada gfaut üs sehr mit aunä verschidene Quartier. Es het es arabisches Quartier mit chlinä orientalischä Lädeli u emnä Souk (arrabischi Art vo Märit), ä beläbti Shopping Gägend u es jüdisches Quartier. Derzue chömä die andalusischä Tapasbeizli u natürlech viu Chilene. Aus sehr abwächsligsrich. Sehr idrücklech isch o die bekannti Alhambra. Ä Feschtig schön ufem Hügu glägä womä dür die ganzi Alag (40 Hektarä!) cha spazierä u die idrücklechä Ornamänt u Gartäalagä bestuunä.
    Natürlech het o hie es Apero u es tolls Znacht mit Ussicht nid dörfä fählä.    Okumaya devam et

    Çeviriyi gör
  • Marlene-Dominic's TravelAndalusien roadtrip☀️ 🚗Gezgin
    Flamenquin - Andulisischi Spezialität🤤

    Malaga

    21–24 Kas 2023, Ispanya

    Üsä Feriäabschluss heimer in Malaga verbracht. Nach däm mer üsäes Chäreli hei abgä simer id Stadt u hei üses Air b'n'b bezogä. Mega zentrau gläge isches e super Usgangspunkt gsi für chli dür d Gassä z schländerä. Mir si immer wider eifach der Nasä na u hei üs chli la tribä. Einisch simer no ufä Märit u amnä Abä mau ufä Hügu fürä Sunneuntergang z luegä. Der Domi het no flissig sis Jogging-Training gmacht u het de einisch sogar Delfinä vo ganz nöch gsee diräkt am Strand 🐬. Süsch simer chli am Strand plegeret u hei nomau so richtig Sunnä tanket, hei natürlech guet gässä u öpe es Aperöli gnossä.Okumaya devam et

    Çeviriyi gör
    Gezinin sonu
    24 Kasım 2023
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga