Hopkins

dur üserä osterumweg hemmer chlei mösä umplanä. kei tauche für üs uf placencia, aber es git ja zum glück alternativä. hopkins isch e chlises herzigs dörfli a dr karbikküstä in beliz. es isch e intressanti mischig zwüsched karibikbewohner und indigenä. so hemmer das bis ez nunig gseh, aber es isch cool und mir fühled üs wohl. d afahrt dahi isch defintiv au spektakulär gsi. dr kolibri hwy isch eini vu de schünstä strassä, womer bis ez gseh hend, als wäred mir zmitzt durä dschungel gfahrä.
beliz isch das einzigä land in lateinamerika wo englisch greded wird. nebedbi rededs au nu kreolisch, da chömer nöd mit hebä. si säged zwar ases eifach e schnellers, abghackts englisch isch, aber me as einzelni wörter vrstümmer nöd. ihres englisch het allgemein sehr e coolä slang.
leider isch de da aber au wiedr nüt usem tauchä wordä und au nöd us üserem plan b ä nachttour im jaguar schutzgebiet🤷‍♀️
aber mir nends sportlich mir hend ja uf derä ganzä reis schu unglaublich schöni natur und tier chänä gseh und erlebä. Beliz isch eher weniger öppis für spontanreisendi.
eis highlight hemmer de aber doch nu dörfä erlebä. es git da e ziit wo e lagunä ider nacht blau lüchtet. das sind mikroorganismä (algä) wo binerä störig ultrablaus liecht abgend. das ganzä spektakel heisst biolumineszenz.
es isch unglaublich faszinierend gsi, sobald e fisch vrbi gschwummä isch hets blau glüchtet und au wänn mir üseri händ dri bewegt hend, isch alles blau gsi. das ganzä wasser het gfunklet und sogar au uf üsernä händ.
das chamä nöd beschriebe das mussmä gseh ha.Okumaya devam et