Mauna Kea 🌈

und de isch doch au schu wieder üserä letschtä volli tag da uf hawai'i.
tagwach isch am halbi 4i am morgä. üsers ziel isch dr sunnäufgang ufem mauna kea. 🌋
mir hend dr sunneufgang schumal wellä gu luägä, sind de aber am benzin gscheiteret. chasch natürli bis ganz ufä fahre.
si hend da recht strengi vorschriftä.
dr mauna kea isch dr höchsti berg in ganz hawai'i 4'205 M.ü.M. wänn me d fläche unterhalb vu dr meeresoberflächi mit iberechnet, isch dr mauna kea dr höchsti berg vu der erdä mit 10'203 M.ü.M.
will er so höch isch und du bi null startisch musch ca. uf 2'300 en 30 minütigä stopp mache. es het au rangers wo das kontrolliered und dir de au frage stelled wes dir gaht und awiesigä gend wiäd am bestä ufä und abä fahrsch. eini vu de vorschriftä isch, as mind. nu en halbe tank hesch. tja das chömer nöd bütä, also mömmer bim erstä versuäch unverichteter dingä wiedr abe.
aber bim zweitä alauft klappts und mir gsehnd en wunderschöne sunneufgang.

uf big island isch dr bus gratis. ja me chan würgli gratis bus fahre. das bedüted aber au as würgli jede mitem bus fahrt. in amerika hets natürli bekannterwis sehr viel obdachlosi und leider au uf hawai'i. für si isch das natürli super.
mir hend ez zwar kei armi streunendi hünd me, drfür aber obdachlosi. au nöd würgli besser. diä armä lüt. amerika isch da defintiv es drittweltland. 😞

farmersmarket isch das ding uf ganz hawai'i. überall gits diä märt, wo frischi sache verchauft werded.
und am erstä abed hets gad ider nächi vu üserem hostel es streetfood festival. lümmer üs natürli nöd entgu. 🤤

mahalo hawai'i🌴🌋🐢🦎🌺Read more