Lake Tekapo

am Lake Tekapo also eigentli am Lake Alexandrina hemmer bis jetzt dr schönsti stellplatz ka.
es isch zwar nöd bi dr hauptattraktion gsi, drfür au null touristisch.
mir hend dr ganz platz für üs ällei ka. es isch en see mit paar hüser und fixä wohnwäge vu de iheimischä. anschienend isch aber z saison vrbi oder kei feriäziit. es isch niemert det gsi usert mir und paar hasä.
wär sicher cool gsi mit de iheimischä det, aber es isch allei au sehr idyllisch gsi.
dr Lake Tekapo isch es wunderschönä see, wo am abed bekannt isch für sternä beobachtig.
und de wiä, mir hend z gfühl ka me chan d sternä direkt alangä. d milchstrass hemmer glaub nu nie gseh oder mal sicher nu niä soo intensiv⭐🌝 leider han ich keis stativ drbi, so git kei guäti nachtufnahme, aber z handy het ganz akzeptabli fotis gmacht.
mir hend d sternä a üserem see beobachtet. ganz ällei und wiiit weg vu de anderä touris.
wases aber sicher au gsi isch diä wohl chältisti nacht bis ez. gfrührpunkt hemmer erreicht ka. 🥶
mir hend kei heizig, hend aber au denkt es blibt bi de 20 grad, we in auckland. ja so ischs nöd hahaha je witr abä as chunsch desto chälter.
in neuseeland isch ez herbst. d jahresziitä sind genau umgekehrt, aber da ich dr herbst liäbä, ischs für mich diä perfekt jahresziit zum da si🍁🍂🍄

Hase sind vu de europäer igschleppt wordä. si sind ganz schädlich für diä iheimischä tier. uf neuseeland gits ganz viel tier wos nur da git. 🤩Read more