Hilo

Nach zwe sehr intensive Täg heimers hüt chli gmüetlicher gno. Am Vormittag simer i Ken's Pancake House ga zmörgele. Das het 24 Stunde am Tag offe, isch ziemlich überfüllt und schmuddelig gsi. Ds Esse isch aber ganz guet und üse Ufenthalt uf jede Fall es Erlebnis gsi. Düre Tag simer zwe schöni Wasserfäll (d Rainbow Waterfalls und d Akaka Falls) ga aluege und chli ar Hilo Bay ga spaziere. Am Abä isch de no e Bsuech bim Night Market mit dr Chantal und äm Olivier (zwöi Kollege us dr Schwiz) agstande, wo mir lokali Choscht vo Foodständ hei chönne probiere, z.B. e Poke, das isch e rohe Fischsalat. Ufem Märit hets so richtig abeglärt. In Hilo sölls aber o täglich regne. So heimer ömu wenigstens ds richtige Hilo-Feeling erlebt.Читать далее