Reset search
Hawaii
  • Anja Evangelisti
  • Peter Bieri
  • Anja Evangelisti
  • Peter Bieri

Hawaii

A 21-day adventure by Anja & Peter Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    July 31, 2022
  • Hawaii
    Grönland
    San Francisco vo obe1🙈 da isch dr längscht Teil vor Schlange no gar nid sichtbar...12

    Gestrandet

    July 31, 2022 in the United States ⋅ ⛅ 13 °C

    Oje, leider hei mir wäge ganz viune Lüt am Flughafe u Verspätig vom erscht Flug vo Züri us üse Aschlussflug nach Kona verpasst. Itz simer in San Francisco gstrandet u hei im ne Chili's so richtig amerikanisch Znacht gässe... Mau luege, vilicht gseh mir ja morn sogar no chli öpis vor Stadt! 😅😎Read more

    See translation
  • Hawaii
    11

    Aloha Hawaii?

    August 1, 2022 in the United States ⋅ ⛅ 21 °C

    Nachdem wir gestern zum ersten Mal in unserem Leben einen Flug verpasst hatten, nutzten wir heute erstmals Uber. So konnten wir innert nützlicher Frist die Hauptsehenswürdigkeiten von San Francisco erreichen und anschliessend eine Bootsfahrt zur Golden Gate Bridge geniessen. Der Ausflug war kurz, aber hat uns sehr gut gefallen. Der verpasste Flug hat sich nachträglich schon fast als Glücksfall herausgestellt. So konnten wir eine Nacht durchschlafen, eine entspannende Dusche nehmen und erst noch San Francisco besichtigen - dieses Mal ohne Sonnenbrand ;-). Nun nehmen wir den 2. Teil unserer Reise in Angriff. Hoffentlich heisst es bald Aloha Hawaii.Read more

    See translation
  • Hawaii
    Dragon fruit bim Zmorge
    Üses Zmorge1Üsi "Mitässer"3Ussicht bi. Zmorge11Uf de Lavafälder vo 2018 wachse d Palme us KokosnüssLava Tree12

    Aloha Hawaii!!

    August 2, 2022 in the United States ⋅ ☀️ 24 °C

    Auso geschter Abe spät hei mirs tatsächlech nach Hawaii gschafft! U mir si nachere 2stündige Fahrt vom Flughafe us diräkt im Paradies glandet. Üsi Maukele Lodge isch eifach dr Hammer! Mir si zmittst im Rägewald mit Duschi dusse u drüne Himmubett zur Uswahl! Zum Zmorge hets feini Frücht usem Garte gä u derbi hei üs härzigi Geckos zuegluegt u sogar d Finger abgläckt! 😎 När het üse Gastgäber dr Marc für üs Schampoopflanze pflückt u mit hei Zuckerrohr und früschi Kokosnüss dörfe kenne lehre! Mmmh fein!
    Dr Marc het üs ou ä Tour entlang vom Meer empfohle, wo mir när hei ungerno. Derbi si mir über ds riisige Lavafäld vo 2018 gfahre u hei scho nur i dere churze Strecki x verschideni Klimazonene gseh! Auso bis itz isch Hawaii meeega beidruckend!    Read more

    See translation
  • Hawaii
    South Point
    Am South point isches mega troche...Leider laat sich ds grüen vo däm Sand nid richtig la festhalte...21Üse Ritt ufem Jeep!

    Ganz ä lange Tag

    August 3, 2022 in the United States ⋅ ☀️ 27 °C

    Der Marc und d Raven si super Gastgeber. Si hei hie ires chline Paradies erschaffe und verwöhne üs mit feine Frücht, interessante Gschichte und guete Reisetipps. Im Jahr 2018 hets allerdings genau hie e grosse Vulkanusbruch gä und vo dem Schock het sich ömu der Marc nie ganz erholt. Verständlich: Rund herum hei ihri Fründe ihri Hüser verlore und si wegzoge. Di troumhafte Stränd, wo der Marc als Coast Guard gschafft het, gits nüm. Dert isch itz e Lavawüeschti. Der Kīlauea isch der Vulkan, wo sit 1983 ununterbrochen aktiv isch. Er het so viel Leid agrichtet. Der Marc het gmeint, es sig ds viel Lava für eis Mönscheläbe. Bis im 2018 sigs immer e "sichere" Vulkan gsi. We denn e Lavastrom is Meer gflosse sig, heig me d Grossmuetter ar Hand gno und sig häre glüffe, um das Schouspiel vo nächster Nächi ds bewundere. Bim Usbruch 2018 sigs ganz anders gsi. Da heige d Mönsche ihres Daheim innert Sekunde müesse zrügg lah.
    Genau dä Kīlauea simer i Volcano Nationalpark ga bestune. U da me d Lava ersch bi Dunkelheit guet gseht, simer zersch no anes paar Stränd gange. Zersch a South Point, der südlichst Punkt vo de USA, när a Green Sand Beach. Um zu däm anedscho, simer e halb Stund hinger ufeme Jeep mitgfahre. Mir hätte o chönne loufe, üs isches aber ds heiss gsi. Dä grüen Sand isch echt speziell gsi, aber nur schwierig uf Föteli festdshalte. Schliesslich simer o no ane Strand mit schwarzem Sand gfahre, wo e Schildchrott am pfüsele isch gsi. Am Punaluʻu Beach wäre mir gärn no länger bliebe. Aber das scho fasch am Idunkle isch gsi, heimer witer müesse, sodass mer am Abä am 8i de d Lava hei chönne luege.    Read more

    See translation
  • Hawaii
    Krass wie das Läbe da usechunnt...Die Hitz git DurschtÄ Homage a üse Hochzitstanz...1

    Volcanoes National Park

    August 4, 2022 in the United States ⋅ ⛅ 19 °C

    Nacheme wider herrleche Zmorge u am ne härzige Chärtli zur Hochzit vo üsere Gaschtgäbere Raven simer hüt nomau i Volcanoes National Park gstartet. Mir hei die idrücklechi Landschaft ou mau no bi Tag wöuä luege... Mir si de uf dr Craters rim Road entlang vom Kīlauea Krater gfahre u hei die idrücklichi Ussicht gnosse. Aschliessend si mir uf dr Chain of Craters Road sozäge mit dr Lava i ds Tal zum Meer abegfahre. Zersch düre dicht Rägewald u de über ä schwarzi, u schön gmuschtereti Mondlandschaft. Am Meer hei üs riisigi Wäue mit wunderschön blaue Gipfle erwartet. Zum Abschluss simer no dr Birdtrail ga mache, leider ohni viu Vögu, aber derfür mit schönem Wald u ohni Lüt! 😅 Nume die cheibe Nene heimer leider geng no nid gseh. 🙈 Aues i auem hei mir wider ä wunderschöne u idrucksvolle Tag gha! 😎Read more

    See translation
  • Hawaii
    1121

    Hilo

    August 5, 2022 in the United States ⋅ ⛅ 26 °C

    Nach zwe sehr intensive Täg heimers hüt chli gmüetlicher gno. Am Vormittag simer i Ken's Pancake House ga zmörgele. Das het 24 Stunde am Tag offe, isch ziemlich überfüllt und schmuddelig gsi. Ds Esse isch aber ganz guet und üse Ufenthalt uf jede Fall es Erlebnis gsi. Düre Tag simer zwe schöni Wasserfäll (d Rainbow Waterfalls und d Akaka Falls) ga aluege und chli ar Hilo Bay ga spaziere. Am Abä isch de no e Bsuech bim Night Market mit dr Chantal und äm Olivier (zwöi Kollege us dr Schwiz) agstande, wo mir lokali Choscht vo Foodständ hei chönne probiere, z.B. e Poke, das isch e rohe Fischsalat. Ufem Märit hets so richtig abeglärt. In Hilo sölls aber o täglich regne. So heimer ömu wenigstens ds richtige Hilo-Feeling erlebt.Read more

    See translation
  • Hawaii
    131Hie wird doch dr Pesche tatsächlech vore Sou bisse! Het sogar ä Blöiele gä!! 🙈Maui vo obe3Die wunderschöne, ächte Leis het dr Pesche üs kouft! 😍

    Ein glanzvoller Abschied von Big Island

    August 6, 2022 in the United States ⋅ ⛅ 20 °C

    Hüt het üse Tag früeh agfange! Am 2i ir Nacht simer ufgstange u hei üs ufe Wäg Richtig Mauna Kea gmacht. Dört het üs am 3h üse Tourguide dr Analog Astronaut James Ward erwartet für üs zu de Stärne ds bringe. Leider het är sich zersch chli verfahre u mir si i de Wolke glandet.... 🙈 Mit ganz viu Geduld u warme Jagge hei mir aber üses Ziel de doch no erreicht u si riich mitemne wahnsinnig schöne Stärnehimmu, viune Stärnschnuppe u henne coole Föteli belohnt worde. Nach der Tour hei mir üs när ällei ufe Wäg zum Gipfel vom Mauna Kea uf ca. 4200 m.ü.M gmacht für ou no d Sunne ds begrüesse! 😎 Wow, das het sich glohnt! Die Landschaft isch unbeschriblech schön gsi u di vile Stärnwartene ufem Gipfel hei öpis mystisches gha. Wenns nid so a...chaut wäri gsi, de wäre mir gloub no ewig dört obe blibe! Churz drufabe hei mir üs de am luschtige Flughafe vo Kona (dört isch tatsächlech aues offe, nume Dächer hets...) vo Big Island verabschidet u si nach Maui gfloge. Hie heimer wider äs ganz äs härzigs Homestay mit ere hammer Ussicht übercho!Read more

    See translation
  • Hawaii
    1
    11So gseht dr Pesche us, wenn ig uf ds WC ga...2Äs Silversword, die cha 50 Jahr läbe u blüeht nume einisch!Nei, das isch no kei Nene...11Ändlech hets mau Kurve!Ja, da isch ds Anja tatsächlech gloffe! 💪Jeah ä Nene!!!1

    Haleakalā-Nationalpark

    August 7, 2022 in the United States ⋅ ⛅ 26 °C

    Neuer Tag - nächster Sonnenaufgang. Hüt heimer fasch scho chönne usschlafe. Der Wecker isch ersch am 10 vor 4i losgange. Nachdem mir gester ufem Mauna Kea praktisch alleini si gsi, hets hüt ufem Haleakalā - trotz Zuetrittsbeschränkig am Morge (mir hei zum Glück genau vor 60 Täg chönne reserviere) - wesentlich meh Lüt ka. Derfür si d Temperature erträglicher gsi und zwe Ranger hei der Sunneufgang mit ihrne Gsangskünst begleitet.
    Der Haleakalā isch en scho länger nüm aktive Vulkan, wo chli meh als 3000 Meter usem Meer ragt. Si Name bedütet "Haus der Sonne". Nachem Sunneufgang simer zu mehrere Ussichtspünkt gfahre und hei o no e chlineri Wanderig unger d Füess gno. Di Krater-Landschaft het üs beidne super gfalle. Drum heimer üs gnue Zyt glah zum Föteli mache und picknicke. Am Endi vor Wanderig heimer de ufem Parklplatz tatsächlich no zwe Nēnēs gseh. Me chönnt sägä, e Nēnē sig ja nur e Gans. Das würd däm Tier aber niemals grecht, es isch nämlich der Nationalvogel vo Hawaii.    Read more

    See translation
  • Hawaii
    2SchrubepalmeHawaiianischi Wildsau (nei, das mau isch dr Pesche nid bisse worde...)1Seven Pools

    Pipiwai Trail

    August 8, 2022 in the United States ⋅ ⛅ 25 °C

    D Hawaiianerinne und Hawaiianer mache hüfig d Shaka-Geste - si mache d Fust u spreize derbi der Duume u der chli Finger - öppe um Merci ds sägä, we mir mitem Outo ahalte um se la vürbifahre. Shaka bedütet "Cool!", "Locker!" oder "Gute Welle". Bekannt isch o der Usdruck "hang loose", wo ds gliche meint. Das Läbensmotto heimer hüt befolgt und e gmüetliche Usflug zum Pipiwai Trail mache. Langsam ar Küste entlang fahre, Pouse ilege, wes üs passt, d Landschaft gniesse und derzue spannendi Infos und Gschichte uf der Shaka-App lose.

    Der Pipiwai Trail isch e guet 3 Kilometer lange Wanderweg im ungere Teil vom Haleakalā Nationslpark, wo bim Meer unger startet und dürne wunderbari Waldlandschaft zum Waimoku Wasserfall füehrt. Zwar hei d Wasserfäll sehr weni Wasser ka, aber d Wanderig isch wunderschön gsi und het sich definitiv glohnt. Bereits d Fahrt zum Startpunkt vor Wanderig isch megs idrücklich gsi und het üs bereits e chline Vorgschmack uf d Road to Hāna gä, wo mir de übermorn wei mache.
    Itz simer in Lāhainā acho, ere Stadt im 20er
    Jahre Stil direkt am Meer.    Read more

    See translation
  • Hawaii
    Big Beach
    Üses schöne Schatteplätzli am Big Beach211

    Beaches und Hula

    August 9, 2022 in the United States ⋅ 🌙 26 °C

    Was ghört me in Maui am Strand? E chräiende Güggu. Hie uf Maui hets vieli wild lebendi Hüehner, Bibili und äbä o Güggle. Di gseht u ghört me überall, auso o a de Stränd. D Gastgeber vom letzte B&B hei üs fasch scho chli spöttisch verzellt, dass es uf Kauai viel meh wildi Hüehner heig. Mir si auso gspannt druf, ob das würklich so isch..
    Hüt heimer der Weste vo Maui bsuecht und e ruehige Tag igleit. Mir si a Big Beach ga bade, när chli ar Küste entlang gfahre, hei di schöni Ussicht gnosse und immer mal wieder bimene Ussichtspunkt ghalte. Ds Highlight vom Tag isch ds Nakalele Blowhole gsi, wo mer lang bliebe si und vieli Fotos knippst hei. Das Blowhole isch so was wie e Geysir, wo aber nid heisses Wasser, sondern Meereswasser useme chline Loch höch id Luft sprützt.
    Am Abä simer ines Restaurant namens Huihui ga ässe. Das isch es Restaurant imene grosse Hotelressort, wie me das us de Filme kennt. Mir hei freie Sicht ufs Meer und e Sonnenuntergang ka, hei hawaiianischer Musig zueglost, wo derzue zwo Froue Hula tanzet hei. Ds Ässe isch traditionell und sehr lecker gsi, sogar der Poi isch gar nid so schlecht gsi. Poi isch der iheimisch Brei, wo i de Reisefüehrer als Chleischter beschriebe wird.
    Es isch erneut e super Tag gsi. Itz simer mit volle Büch daheim i üsem Hotelruum und freue üs ufe (Verdouigs-)Schlaf.    Read more

    See translation
  • Hawaii
    21111111111

    Road to Hāna

    August 10, 2022 in the United States ⋅ ⛅ 24 °C

    Hüt hei mir di absoluti Touristattraktion Nummer 1 in Maui unger d Räder gno: d Road to Hāna! Sehr touristisch, aber sehr schön kurvig (620 Kurve!) düre Rägewald. Mit üsem Shaka Guide App hei mir diversi cooli Sache wie z.b. ä Lavahöhli, Wassefäll, ä rote Strand (genau, bis itz heimer ä grüne, ä schwarze und wissi Stränd gseh!) u viu härzigi Schildchröt chönne entdecke. Derbi hei mir ou viu spannends über d Gschicht vo Maui erfahre! Alles in allem wider ä sehr erläbnisriche Tag! 😎Read more

  • Hawaii
    Kauai von oben
    Maui von oben1Ou Maui von obenLanai von oben1Dr Strand bi üsem Hotel "The Iso"1ohne Worte... 🤣111Dass äs ou vo hüt no äs Viedo het.

    Reise nach Kauai

    August 11, 2022 in the United States ⋅ ⛅ 26 °C

    Für dass äs üs no i ds Iao Valley längt vorem Flug nach Kauai simer hüt äxtra chli früecher uf! Dummerwis isch de das Valley wäge Bouarbeite abem 1. Ougust für 5 Mönet gschlosse gsi... 🙈 So simer haut de ganz stressfrei a Flughafe u hei dört no chli gshoppet u Postchartene verschickt. Dr Flug het äs bitzli verspätig gha, isch süsch aber tiptop gange. Itz simer hie uf Kauai u hei üse erscht MaiTai schlürfet u hei üs när über die flügende Hüehner u rennende Güggle amüsiert. Äs bitzi bsoffe aber zfride gö mir de gli ga pfuse! Morn warte nämlech scho wider viu spannendi Abentür uf üs! 😎Read more

    See translation
  • Hawaii
    1
    King Kong's ChopfGreat Fregatebird11Nene am usrüefe221Taro-Fälder1Shave Ice vo usse3Shave Ice vo inne2

    Von Hühnern und anderen Vögeln

    August 12, 2022 in the United States ⋅ ⛅ 24 °C

    Uf Kaua'i hets tatsächlich nomal meh frei läbendi Hüehner als uf de andere Insle. Uf eis Huehn chunnt im Schnitt fasch ei Güggu. I de Touristeshops gits drum o viel T-Shirts mit Güggel Logos ds choufe. No öpis isch üs ifgfaue: D Hüehner chöi hie verglichswis super flüge.

    Mir si hüt i Norde vo Kaua'i gfahre. D Shaka-App het üs anes paar schöni Stränd glockt, wo mir nid nur viele Hüehner, sondern o anderi Vögel gseh hei. Bsunders beidruckt hei üs d great frigatebirds - zu deutsch Bindenfregattvogel. Die hei mir am Kahilibeach chönne beobachte. Bim Kilauea Lüchtturm hets vieli Albatrosse ka und mir hei unterwegs o nomal Nēnēs gseh.

    Leider heimer in Hanalei, amene chline Küstestädtli, früecher als plant müesse umchere. Mir heis verpasst ka, di notwendige Reservatione fürd Witerfahrt früehzytig ds bsorge. Nur ere beschränkte Anzahl Outos wird pro Tag d Witerfahrt erloubt, um d Natur ds schütze. Das isch zwar e gueti Sach, üs hets aber glich chli möge, wüu mer so es paar Highlights vo Kaua'i verpasse. Di gueti Stimmig heimer üs aber natürlich nid lah näh. Mir si de halt derfür in Hanalei chli (länger) ga shoppe.

    Zum Schluss no es paar Zile zur Kulinarik vo Hawaii: Ds Nationalgricht Poi hei mer scho uf Maui dörfe choschte. Poi wird us der Taro-Pflanze gmacht. Vomene Ussichtspunkt us heimer hüt ganz vieli Tarofelder gseh. Am Abä hets de no es typisches hawaiianisches Dessert gä: Shave Ice, das isch nüt anders als "rasierts" Isch, wo Sirup drüber geschüttet wird. Gar nid schlecht, aber isch chalt..    Read more

    See translation
  • Hawaii
    1
    1Wailua WasserfällMündig vom Wailua RiverPetroglyphe ar Flussmündig111GeburtssteiOpaeka'a Falls12Rainbow Eukalyptus1331

    Die Garteninsel

    August 13, 2022 in the United States ⋅ ⛅ 25 °C

    Hüt heimer so richtig verstange werum dass Kaua'i ou "die Garteninsel" gnennt wird! Mir hei mit üsem Shaka Guide ä Tour i üsere nächi gmacht u si zersch zu de Wailua Wasserfäll. Dr Wailua Fluss isch hie öpä dr einzig wo ds ganze Jahr Wasser füehrt. A sire Mündig i ds Meer hei d Hawaiianer früecher Tämple (sogenannti Heiau) ufgsteut. U wüu ds Tal mit däm Fluss so fruchtbar isch gsi, heis nume d Könige u ihri Familiene dörfe beträte. A eim Ort i däm Tal hei si ä Chriegstämpel wo si jede Monet äs Mönscheopfer hei bracht u diräkt näbedranne isch dr sogenannt Geburtsstei gsi. Wenn ä König oder Stammesfüehrer nid dört isch uf d Wält cho, de het är sis Amt nid dörfe aträte... Äs speziells Völkli. 🙈 Mir hei ou ganz viu härzigi Gschichte zur Entdeckig vom Füür u zur erschte Kokospalme dörfe lose. Am Schluss hei mir no ä wunderschöni chlini Wanderig (Ho'opi'i Waterfalls Hike) zu 2 Wasserfäll gmacht. Dä Jungel hie isch so unbeschriblech toll! Mir si üs vorcho wie ire angere Wält, wie wenn das hie alles äxtra apflanzt wäri. Wie z.b. ir Masoalahalle in Züri. Nume viiu grösser u schöner!Read more

    See translation
  • Hawaii
    3
    1FishpondTurtle-Hang-LooseVo däm Felse isch dr Harrison Ford mit dr Anne Heche nachem Kuss in "6 Tage 7 Nächte" gsprunge!211

    South Shore

    August 14, 2022 in the United States ⋅ ⛅ 25 °C

    Da hüt Sunntig isch si mir zersch mau gmüetlech gstartet. Eigentlich hei mir ä Halbtagestour mitem Shaka App gmacht, heis aber gschafft ä ganze Tag derfür ds bruche! Itz simer so richtig im "hang loose" Rhythmus acho! 😎 Mir hei ä Tour dr Südküste entlang gmacht. Zersch zum Spouting Horn (ämne Blowhole), när anes paar schöni Stränd mit viune Seaturtles u när eigentlich no zure Cave, wo aber leider scho isch zue gsi. Aber wies mängisch so isch: denn wenn ei Türe zue geit, geit ä angeri uf u mir hei bi dere Cave dr schönscht Strand vo üsne ganze Ferie gfunge! Eifach ds Paradies u fasch mönscheläär! Und dr Pesche het sogar no ä Schildchrott vo verhänkt isch gsi entliiret u grettet! Sandig, nass u zfride simer när no amne Streetfoodtruck bi Koloa ga Znacht ässe. Dört hei mir üs gäge d Hüehner u d Güggle müesse wehre! Dr Pesche het ds ässe nur churz ufta u "zägg" isches Huehn ufem Tisch gsi u het ä Schnabel vou gno u isch dervo! 🤣 Und d Anja isch mit ihrem Burrito ir Hand vomne Huehn besprunge worde! 🙈Read more

    See translation
  • Hawaii
    11111121

    Waimea Canyon und Kokee State Park

    August 15, 2022 in the United States ⋅ ⛅ 21 °C

    Üse letscht Tag uf Kauai isch glichzytig der schönscht, längscht und intensivscht Tag gsi. Drum chunnt der Foodprint mit Verspätig. D Shaka-App het üs i Waimea Canyon State Park gfüehrt.
    Am Morge isches no gmüetlich losgange. Am 9i am Morge simer bir Kauai Kaffee Farm ga Kaffee probiere und hei di grosse Plantagen bestunt. När simer am Waimea Canyon entlang gfahre und hei bi ganz mängem Ussichtspunkt ghalte und vieli Föteli gschosse. Dr Waimea Canyon wird völlig zu Recht als “Grand Canyon vom Pazifik” bezeichnet. Di intensive Farbe mache ihn aber i üsne Ouge no fasch idrücklicher als ds Original. Am Namittag heimer e ersti chlineri Wanderig unternoh, wo üs d App vorgschlage het. Entlang vom Wanderweg hei üs mehreri Usichtspünkt uf d Na Pali Küste erwartet. Der Weg isch troche gsi und mir si gäbig vorwärts cho. Mir hei aber gli erfahre, wieso di Gegend - ömu gemäss amerikanische Quelle - ds rägerichste Gebiet vor ganze Welt söll si. Es si immer wieder Wolke cho und hei d Sicht is Tal versperrt, när hets afa tröpfle. D Ussicht isch drum meistens grau in grau gsi. Mir heinis de nach guet ere Meile entschiede, umdschere und nid bis zum finale Ussichtspunkt ds loufe. Der Entscheid isch definitiv weise gsi. Es het nämlich de ersch richtig afa rägne u der Wäg isch i chürzischter Zyt schlammig u sehr rütschig worde und der Pesche het us unerfindliche Gründ genau a däm Tag statt de Trekkingschueh di profillose Turnschueh agleit. Immerhin hets de d Wulche fürne churze Moment chli vürblase, dass mer d Na Pali Küste tatsächlich nomal zu Gesicht hei übercho. D Ussicht isch scho so sehr idrücklich und lohnenswert gsi. Mir heis alles in allem guet zrügg zum Outo gschafft.
    Mitem Outo simer gmüetlich retour gfahre und hei bimene Parkplatz ghalte, wo üs d App en witeri Wanderig empfohle het. Dert isches (no) troche gsi und de heimer gfunge mir chönne ja eifach es paar Meter loufe und si immer no chli witer glüfe - da der trochnig Weg ja problemlos "bewanderbar" isch gsi. Obwou mir gmäss de Schildli vo de Amerikaner scho lang nüme sotte läbe u dr Pesche ds Anja sehr fescht het müesse motiviere entlang vor Klippe ds loufe, simer schliesslich bis ads Endi vo däm Canyon Trail glangt u si bimene schöne chline Wasserfall acho, wo genau oberhalb vom Waipoo Wasserfall isch, wo ds Wasser när 240 Meter ds Loch abe stürzt. Chum heimer der Rückweg antrete hets wieder afa schiffe..Natürlich isch es wieder schlammig und rütschig worde, sodass mer nur sehr langsam si vorwärts cho. Zrügg bim Parkplatz hets nur no en einsame Güggel und keni Outos meh ka. Müed, aber zfride simer talwärts gfahre und hei gseh, wie d Sunne wieder isch füre cho. Churz vorem Sunneuntergang het das ufs Mal zumene ungloublich intensive Regenbogen 🌈 gfüehrt, wo mir praktisch für üs allei hei ka. Zum Glück isch üsi Wanderig so lang gange..    Read more

    See translation
  • Hawaii
    Iolani PalaceGrichtsgebäudeGmeinshusWaikiki BeachHie loufe d Lüt mi dä Surfbeätter dür d Stadt!

    Honolulu und Waikiki Beach

    August 16, 2022 in the United States ⋅ ⛅ 25 °C

    Hüt simer zrügg i d Zivilisation cho. Läck dä Schock! Die vile Lüt a däm Waikiki Beach! Dr Pesche isch churz ga bade, isch aber rasch wider use cho, wo ä Binde im Wasser a ihm isch verbigschwumme... 😵‍💫
    Süsch isch das Honolulu aber ä sehr schöni u gepflegti Stadt. Mir hei mit üsem Shaka Guide ä Walk dürä historisch Teil gmacht, wo üs mega guet het gfaue! Da hets dr Königspalast (Iolani Palace), d Grichtsgebäude (wo ir Serie Hawaii-Five O ds Polizeiquartier isch) u ä härzigi Chile wo ganz us Koralle boue isch! Die Koralleblöck hei si ohni früecher ohni Touchfläsche usem Wasser ghout!
    Znacht heimer ire coole Shopping Mall dusse gässe. Da hei si doch tatsächlech das ganze Ichoufszentrum umne Banyan-Boum und um Palme ume bout.    Read more

    See translation
  • Hawaii
    1112Und wüus so schön isch nomau i vouer Pracht! 😅

    Jurassic Valley

    August 17, 2022 in the United States ⋅ ⛅ 28 °C

    Hüt heimer e gfüehrti Tour gmacht, wo d Anja mir zum Geburtstag gschenkt het. Imene grosse Car simer mit vielne andere Touriste in Honolulu abgholt und i Richtig Norde zur Kualoa Ranch verfrachtet worde. Dert si zahlrichi Hollywood Blockbuster dräiht worde, u.a. Jurassic Park und Jurassic World. Diversi Film-Locations heimer ufere 2.5 stündige Tour dörfe aluege. Üsi Tourguide het üs nid nume sicher dür das grosse Gebiet gfahre, nei si het üs o mit viel Witz und spannende Gschichte bestens unterhalte und cooli Föteli und Videos vo üs gmacht. D Tour dür ds Jurassic Valley het drum üs beidne viel Spass gmacht, ömu bis mer vorem Tyrannosaurus Rex hei müesse flüchte..
    Am Abä simer zrügg nach Honolulu chauffiert worde und si wieder richtig Waikiki Beach glüffe. Irgendwie simer de ufs Mal imene riesige Ressort glandet - em Hilton Hawaiian Village. Dert heimer es feins Restaurant gfunge und dem ganze Tribe rundherum chli zuegluegt. Es isch en super schöne Tag gsi.    Read more

    See translation
  • Hawaii

    Das Ende einer langen Reise

    August 18, 2022 in the United States ⋅ 🌧 26 °C

    Puhuuu, leider müesse mir morn Morge scho wider hei... 🙈 Si grad ä chli wehmüetig im ne Strandbeizli in Kona u lö die schöni Reis nomau revue la passiere.... Mir hei soo viu tolli, idrücklechi, luschtigi u berüehrendi Sache erläbt! Die Insle si so farbig, schön u abwächsligsrich wie sälte ä Ort uf Ärde.
    Hüt si mir aus Abschluss vo Honolulu no Pearl Harbor ga luege. Nach längem Astah hei mirs tatsächlech no zum USS Arizona Memorial gschafft, wo mir ufenes gsunknigs Chriegsschiff hei chönne abeluege... Das isch idrücklech gsi!
    När simer vom riise Flughafe in Honolulu zu däm chline härzige hie uf Big Island gfloge. Äs isch aus würd me vo eire Wält i di angeri wächsle... 😅    Read more

    See translation
    Trip end
    August 20, 2022
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice