Honolulu und Waikiki Beach

Hüt simer zrügg i d Zivilisation cho. Läck dä Schock! Die vile Lüt a däm Waikiki Beach! Dr Pesche isch churz ga bade, isch aber rasch wider use cho, wo ä Binde im Wasser a ihm isch verbigschwumme... 😵‍💫
Süsch isch das Honolulu aber ä sehr schöni u gepflegti Stadt. Mir hei mit üsem Shaka Guide ä Walk dürä historisch Teil gmacht, wo üs mega guet het gfaue! Da hets dr Königspalast (Iolani Palace), d Grichtsgebäude (wo ir Serie Hawaii-Five O ds Polizeiquartier isch) u ä härzigi Chile wo ganz us Koralle boue isch! Die Koralleblöck hei si ohni früecher ohni Touchfläsche usem Wasser ghout!
Znacht heimer ire coole Shopping Mall dusse gässe. Da hei si doch tatsächlech das ganze Ichoufszentrum umne Banyan-Boum und um Palme ume bout.Read more