Lago d’Iseo - Eat, Nap, Love ❤️

Gester bini nachemne intensive Underhose Iichoufe (Intimissimi grazie mille 🙏🏼) hie in Iseo aacho, es Dörfli amne See chli näbem Gardasee. Mi het ds erschte mal (ufemne Camping) öpper zum Platz bracht und nä hani sogar no e Willkommensdrink becho. Müessmr gloubs o iifüehre! Nachemne Schwum im Lago d’Iseo und amne feine z Nacht bini de richtig früeh ids Bett. Isch richtig schön hie und ha hüt drum usgschlafe und gläse, chli badet und jetz sitzi in Iseo sälber im gmüetliche Apero. Es git mega viel Lüt wo immer mit eim wei rede weme allei underwegs isch. Gester Aabe hani zum Bispiel eifach öppis feins ässe und mis Buech läse aber bi fasch usglöcheret worde wode Dütsche näbe mir am Tisch. Hüt Morge isch o eine vom Camping cho frage wie’s mir geit und e Schottländerin wo mit ihrem Ma hie isch het mir gseit i machis richtig allei, will si heig chli gnueg dr Camper mit ihrem Mah teile 😂
Nachemne Schwumm im Seen und ere churze Velofahrt uf Iseo hocki jetz mit Negroni Sbagliato im Apero! Hüt Aabe gitz ufem Camping Covello e September Fiesta woni bi iiglade worde, mal luege wie das wird.
I schicke es italiänisches Grüessli 🇮🇹Read more