“Wieso bist du alleine?”

Dr Titel isch öppe die meischt-gfragti Frag uf mim chliine Solo Tripli. I bi immer mit Buech usgrüschtet (Throne of Glass) ga ds Mittag und ds Nacht ässe aber d Lüt löh eim nid so lasi sondern wei immer plöiderle und frage viel.
Aber äbe, i ha mi gester vom schöne Camping Covello in Iseo richtig Südtirol gmacht und ha jetz die erschti Nacht ufemne Adults-Only Camping verbracht; nämlich dr Dolce Vita - Adler Camping. D Familie Gamper füehrt dä Betrieb scho 60 Jahr (Camping Lazy Rancho und dr Camping Hobby si de beidi scho elter!) und dises Jahr isch dr Karlheinz jedoch verstorbe, isch ersch 62gi gsi. Das zeigt eim doch grad wieder dassme ds Läbe sött gniesse. Truurigi Sach. Sini Frou het jetz die Saison no gmacht aber git uf ändi Jahr ab und d Tochter übernimmts. I ha 2 Stund lang mit ihre gsprächlet uns gfragt und feine Wiiswii trunke. Sehr informativ gsi. Isch e super Camping, sehr super, schön ruhig (keini schreiende Chind - es Tröimli). Naturno isch es ruhigs und schöns Dörfli aber für dasses in Italie isch hets mir ds viel Dütschi 😉
Hüt geits zrügg richtig Bolzano ufe nächst Adults-Only Camping - dr Camping Markushof, dört bini de 2 Nächt bevor dassi d Dolomite Tour mache. Ds wird spannend 🥰
Allei reise geit eigentlich tiptop aber allei fahre isch scho aasträngend vor allem willme immer alles muess vorplane mitem Navi.Read more