San Jose

Wennwer isch z’puerto viejo hei verabschidut het nisch äs titschus paarli äs hotel vamä schwizer in san jose näbum bahngleis empfohlu. Wiär hei dankund abglehnt willwer scho äs hotel gibüächt hei ka. Nach 6:30h busfahrt, ver en strecki wa im navi zweiähalb stundä agigä sind, siwer ändli z‘san jose achu. Da siwer gad ämal vanu taxiprisä uberraschti chu, di heint alls ubertroffu wawer bis da gseh hei. Im momänt wa nisch z’taxi näbumä gleis abgsetzt het isch so es komisch gfühl üfchu. Und prompt siwer mitemä „hoooi zääämä“ bigriässt wordu. Bim checkin het nisch der patrick gfregt warum um gottes willu wiär 3 nächt wellä z‘san jose blibu. Wiär hei gideicht ä biz d‘stadt azlüägu und de d‘neschtu täg z‘planu. D‘stadt isch de tatsächlich zimmli bald aglüägti gsi. Wiär hei isch de di zit ä biz vertribu mit shopping, zoo und miätwagu organisiäru.Read more