Reset search
Zentralamerika
Currently traveling
  • Sandra und Franco unnerwägs

Zentralamerika

An open-ended adventure by Sandra und Franco Read more
FollowInsightsInsightsCalendarCalendarPhotosPhotosShareShareBucket list
Oldest first
  • Last seen 💤
    Today
  • Sandra und Franco unnerwägsZentralamerikaTraveler

    Granada

    April 23, 2018 in Nicaragua ⋅ ☀️ 35 °C

    Ische negscht stop isch di kolonialstadt granada gsi. Leider sind in denu täg d’meischtu gschäft und restaurant züe gsi, wägs de demonstratione (gägs en giplanti umstellig im sozialsystem und z’regime fam presidänt) was im ganzu land hed gigä. Fer de demonstratione ämbiz usum wäg z’ga, siwer am erschtu tag zer apoyo laguna, das isch en riesigä see im krater vamä kolabiärtu volkan. Da isch herrlich zum badu gsi und wier hei iisch im stand-up paddling und kayaking probiert. Am zweitu tag heiwer d’isletas tour gmacht. Durch än üsbruch vam mombacho volkan hets vor der küschta va granada unzähligi chleini inslä gigä wa hittu komplett biwachsu und meischtens in privatum bsitz sind. Im letschtu tag z‘granada hei wier alle ische müet zämugnu und hei im masaya vulkan en blick ini ‚boca del infierno‘ ind hell riskiert.
    Schlussändlich heiwer, abgseh va äs paar böller iner nacht und appa mal äma ärheehtu poliziüfgebot, vam ganzu theater um di protescht nit vill mitbärchu.    Read more

    See translation
  • Sandra und Franco unnerwägsZentralamerikaTraveler

    Ometepe

    April 21, 2018 in Nicaragua ⋅ ☁️ 14 °C

    Fa liberia siwer diräkt uf d’insla ometepe in nicaragua gangu. Der Reisewäg isch rächt abenteuerlich gsi und der unnerschied fa costa rica zu nicaragua hei wier scho na der grenza gmerkt: di taxifahrer wärbund rächt agressiv fer chundschaft und wellund di gäscht fer en ‚güete pris‘ zum hotel fahru will anschinund an dem tag kei busse fahrund. Mit äxtra schlächtum spanisch gmixt mit englisch, gäbe wier a nix z‘verstah und löife witer zum bus wa öi scho grad abfahrt. Na dume 2. bus und era extrem langsamu fähre mit üsblick ufu grescht vulkan fa nicaragua, siwer ufer vulkaninsla acho: es flotts ässu, en wunderschöne sunnuunnergang und es bier mim alonso, ischum fahrer und wier hei isch scho wohl gfühlt z‘nicaragua. Am negstu tag hei wer en quad gmietut und si uf entdeckigstour gangu. Je witter wier fam dorf si ewäg gfahru umso urchiger is cho: d‘männer hend z‘veh zum wasser gitribu und d‘frowwe hend im wasser zgwand gwäschu und ufer strass hed mu immer glüegt ob nid en hänna oder es jungs schwingi vor zfahrziig löift.Read more

    See translation
  • Sandra und Franco unnerwägsZentralamerikaTraveler

    Liberia

    April 18, 2018 in Costa Rica ⋅ 🌙 26 °C

    Liberia isch meh oder weniger en durchfahrtsort fer uf nicaragua. Ufum wäg fa bijagua nach liberia hei wer 2 jungi israeli mitgnu. Na 3 jahr militer (öi fer d‘frowwe) sind schi unnerwägs quer durch amerika. Nach dume original israelischu gwürzkaffee si wier fa bijagua gstercht üfgibrochu zum rincon de la vieja nationalpark. Im guide hei wier gläsu dass in dem park geothermale kuriositäten und wasserfäll z’gse sind und darum si wier sehr gspannt gsi was wier da wärde erläbu. Schlussäntli hets en churze spaziergang gigä mit alleshand reuchnunde, brodlunde und vorallum stichunde lecher. Ze wasssrfäll heiwer nimme därfu will wer zspat si gsi, schliessli wellund di ticos im 4i fiirabu machu.
    Im negstu tag wa wier grad hei wellu zum strand fahru, hed isch der autoverleih aglitu und gfregt warum wier im vorabu zauto nid hei zrugg gibrungu. Oh schreck! Wier, voll im feriumodus, hei di täg falsch gizellt! Espaar entschuldige und versprächu ds auto sofort zbringu und alls isch wieder güet gsi. Wier si de mim bus zum strand und zrugg gfahru. Im gägusatz ze busse fa panama gits kein lüüti volksmüsig aber öi kei klimaalag. Sauna inklusive.    Read more

    See translation
  • Sandra und Franco unnerwägsZentralamerikaTraveler

    Bijagua (Tenorio)

    April 16, 2018 in Costa Rica ⋅ ⛅ 18 °C

    In ischer unnerkunft in bijagua heiwer sofort äs güäts gfühl ka. Z‘ganza isch ehnär en camping gsi mitärä offnu chuchi und äs paar zimmär rundum. Z‘ganza g‘managed heint där bsitzer där luis und schinä persönlich ubersetzär, professional guide, gärtnär und handwärcher, der jorge. Mit dum jorge heiwer de eu gad ämabu en spatziärgang gmacht und hei vegil, fresch und natirli fültiär gseh.
    Ufä tip va zwei amerikaner hi, siwer am annru tag uf las hornillas. Das isch en park, am füäss vam vulkan miravalles, mit verschidenu geothermalu kuriositätä, heissu quellä und natürlichu schlammbädär.
    Ver dä letscht tag heiwer der jorge gfregt waswer chännti machu. Är isch de mit isch durch dä urwald zum tapirlake gluffu. Das isch en vulkankrater näbs dum tenorio. Da heiwer frischi spurä vam tapir und vam jaguar (oder eu vam puma) gseh. Zmindescht där sandra isch darum nit immer wohl gsi.    Read more

    See translation
  • Sandra und Franco unnerwägsZentralamerikaTraveler

    Monteverde

    April 12, 2018 in Costa Rica ⋅ ⛅ 23 °C

    Zersch highlight isch d’fahrt uf monteverde gsi. En üsgwäschni schotterpischta mit teilwis gfühltu 100% stiigig. Da sind nisch camion und bussä entgägu chu wawer fascht nit ver meglich g’haltu hei, dass das uberheupt funktioniärt.
    Will wer doch scho äs paar mal in nationalpärk (das isch z’costa rica meischtuns en räguwald) si gsi, heiwer gideicht jetz miässwer eppis niws machu. Darum heiwer en night-tour im räguwald gibüächt. Willwer di zit vorher no hei miässu vertiibu siwer ine frog-pond gangu, das isch en anenanderreihig va süächbildjini (terrarium) mit fresch in allnu gressinä und farbu und ämä pfiffoltruhüs. Obwohl dasswer ufer tour nachher eini vanu giftigschtu schlangä, skorpion, en tarantula usw. gseh hei, het nisch der frosch zoo fasch bessär gfallu. Darum siwer de am neschtu tag nomal gangu wenns fischtär isch gsi. De sind dˋfresch aktiv und mu gseht di ganzu farbä. Vill eifachär z‘finnu sindsch abär trotzdem nit gsi.    Read more

    See translation
  • Sandra und Franco unnerwägsZentralamerikaTraveler

    Arenalsee

    April 11, 2018 in Costa Rica ⋅ ⛅ 16 °C

    Da mu nur mit Spezialbewilligung ufu Vulkan Arenal cha ga und der chleiner Vulkan Cerro Chato gesperrt isch gsi, heiwer isch entschlossu inu Nationalpark zga. Da heiwer zGlick ka grad mehreri Tukans und nu andri schöni Vegil zgse, obwohl dass wer ohni Guide und mit ungschüeltum Öig unnerwägs sii gsi.
    Na der erscht Nacht im Hotel hei wer gmerkt, dass wier statt fer 2 Nächt nur fer 1 Nacht reserviert hei. Zum Glick, will wier hetti suscht nimme gwissu was machu am negstu Tag. Eso siwer witter gfahru und hei ischi Unnerchunft mitsch iner Wildnis bizogu. Ds „little paradise“ wie ischi Unnerchunft heisst, isch nix fer ängschtlichi liit. Die ganz Nacht heiwer Tieri ufum Dach oder vor dum Zimmer kehrt.
    In Costa Rica müess mu fer jedi chleinschtusch Attraktion Itritt zahlu, so öi fer en 500 Jahr alte Böim, wa mu öi im Film Avatar gseht. Wier hei Glick ka, will wier emorgu früe da si gsi und wills grägnut hed, isch niemert cho ikassieru.    Read more

    See translation
  • Sandra und Franco unnerwägsZentralamerikaTraveler

    San Jose

    April 9, 2018 in Costa Rica ⋅ ⛅ 26 °C

    Wennwer isch z’puerto viejo hei verabschidut het nisch äs titschus paarli äs hotel vamä schwizer in san jose näbum bahngleis empfohlu. Wiär hei dankund abglehnt willwer scho äs hotel gibüächt hei ka. Nach 6:30h busfahrt, ver en strecki wa im navi zweiähalb stundä agigä sind, siwer ändli z‘san jose achu. Da siwer gad ämal vanu taxiprisä uberraschti chu, di heint alls ubertroffu wawer bis da gseh hei. Im momänt wa nisch z’taxi näbumä gleis abgsetzt het isch so es komisch gfühl üfchu. Und prompt siwer mitemä „hoooi zääämä“ bigriässt wordu. Bim checkin het nisch der patrick gfregt warum um gottes willu wiär 3 nächt wellä z‘san jose blibu. Wiär hei gideicht ä biz d‘stadt azlüägu und de d‘neschtu täg z‘planu. D‘stadt isch de tatsächlich zimmli bald aglüägti gsi. Wiär hei isch de di zit ä biz vertribu mit shopping, zoo und miätwagu organisiäru.Read more

    See translation
  • Sandra und Franco unnerwägsZentralamerikaTraveler

    Puerto Viejo

    April 5, 2018 in Costa Rica ⋅ ⛅ 29 °C

    D’erscht station bi de ticos (costaricaner) isch Puerto Viejo gsi. Das isch en gmietlichä Ort am karibischu Meer mit schöne Stränd und ämä Hauch Marihuana iner Luft. Willwer beidi no nit ganz uber du damm si gsi, heiwer en gmiätlichä strandtag gmacht.
    Ver dä zweit tag heiwer en tour im räguwald gibüächt. Mit dum titschu Biolog Rolf, schiner Froww und no 2 titschu paarlini is scho früe emorgu uf Exkursion gangu: Scho ufum Wäg inu Wald hei wer Papageie, Leguane und extrem aktivi Füültier durchs Spektiv chännu beobachtu. Im Wald hei wer de eschuppu Sache uber d‘Flora und Fauna glehrt. Fam Rolf d‘Froww hed di Tieri entdeckt und är hed eppis druber verzellt. Nadem iisch der Magu hed afa chnurru und wier en Notration Müesliriegel hei g‘ässu, siwer de zer Picknick Stell cho und ischi 2 Guides hend es super Früestuck usum Rucksack gizöibrut.    Read more

    See translation
  • Sandra und Franco unnerwägsZentralamerikaTraveler

    Bocas del Toro #2

    April 2, 2018 in Panama ⋅ ⛅ 28 °C

    Na dem wier der Edwin verabschidut hei, heiwer en Velotüür uf d‘anner sita faner Insla gmacht. Fer z‘badu sind d‘Wälle zgross gsi und nur empaar müetigi Surfer hend schich ins Meer gwagt.
    Will grad Oschtru isch gsi und ehüfu Gäscht da sind gsi, heiwier miessu z‘hotel wäxlu. Das isch en güeti Gläguheit fer en andri Insla fa Bocas z‘gse hei wier gideicht. Wier si de uf d‘Insla Bastimentos gfahru wa nu gmietlich üs hed gse, bis dass wier gmerkt hei, dass ischers Hotel ufer anner Insla „Carenero“ isch. Ufer richtig Insla acho, siwer durch en verdräckti Sidlig zu ischum Hotel gluffu und am liebschtu weri wier grad wider gangu. Zum glick chamu grad vor dum hotel ins boot stiigu und isch in 2 minüte wider ufer höiptinsla.
    Fane negstu 2 Täg gits leider kei Foto, wills eintwäders grägnut hed oder will wer beidi agschlagu sii gsi. Mit Serie, Filme und Biecher hei wier isch de di Ziit vertribut.    Read more

    See translation
  • Sandra und Franco unnerwägsZentralamerikaTraveler

    Bocas del Toro #1

    March 31, 2018 in Panama ⋅ ☁️ 12 °C

    Där edwin het scho iner schwiz gseit, är chämä de eu mit uf bocas. Bocas del Toro isch än chleini inselgruppa im karibischu meer aner gränza zu costa rica. Äs isch wirkli äs chleis paradies.
    Vaner heuptinsla heiwer tagestourlini zu annru inslä, schönu stränd und koralluriffs gmacht wawer si ga badu und ga schnorchlu. Da heiwär ä hüfu seestärnä, korallä in allu farbä, delphinä und fültiär gseh.
    Ämabu iner happy hour vaner hotelbar heinsch jedä tag ä strüss pfäfferminz ver ischi mojitos gibrücht. Spetär isch de der edwin meischtens motiviärtä gsi ver ga party z’machu, da hei wiär nimmä chännu mithaltu.
    Übrigens chumund va hiä di chiquita bananä.    Read more

    See translation
  • Sandra und Franco unnerwägsZentralamerikaTraveler

    Boquete

    March 25, 2018 in Panama ⋅ ☀️ 21 °C

    In boquete a cho, siwer schnäll in ischi unnerchunft ga d‘ruckseck dartüe und de diräkt eppis ga ässu. Zum glick, will emabu isch im ganzu dorf der strom ewäg gsi und alli beize hend züegita. Im näbilwald fam nationalpark la amistad heiwer isch de ufu wäg gmacht der quetzalvogil zgse und si erfolgrich gsi, wie mu ufum letschtu foto gseht (vilicht is öi en grossi päja).
    Iner letscht nacht heiwer es unagnähms erläbnis ka: vor ischum zimmer isch eppis grossus hin und her gseklut und hed aner vergittrut port fam hüs grüttlut. Di patron druf agsprochu, hed isch de nid genau wellu säge was das gsi isch. Wie wier erfahru hei gits uriwohner und grossi tieri wie leoparde und wildschwii wa alli nid seli gäru tourischte hend.    Read more

    See translation
  • Sandra und Franco unnerwägsZentralamerikaTraveler

    Volcan

    March 22, 2018 in Panama ⋅ 🌬 19 °C

    Fer ämbiz du heissu temperature z’endflieh heiwer Volcan als neschts ziel bestimmt. Volcan isch än ort am füäss vam vulkan barú. Där yonis het gmeint är miässä sowieso da durch fahru, de nähmädär nisch gad mit. Der fahrdiänscht het schich schritt ver schritt zunera gfiährtu tour durch z‘hochland va panama entwicklut. Fa kulinarische spezialitäte bis luxoriösi hotelalage isch alles derbi gsi. Am ziel achu meindär, är miässä no gad richtig cerro punta äs euto ga alüägu, wiär sellä doch eu no mitchu.... und witer gangu isch di tour.
    Härpfil und anners gmies tiendsch hie uf jedum hang apflanzu. Da chännund sogar d’ämbdini nu eppis lehru. Ufum rückwäg hedär de doch no gad äswa aghaltu und eppär wildfrämds gfregt obs ächt iner region äswa än jeep z‘vercheufu gäbä.
    Da der barú ständig im näbil isch (drum säge wier dum bärg öi wolkan) siwer fa ischum ursprünglich plan ufu vulkan z‘stigu abchu.
    Im 2. und 3. tag siwer vill zfüess unnerwägs gsi: im tropischu wald, zwischu kaffeefälder und ine chleini schlucht. Di schlucht „Macho de monte“ selle anschinund es versteckts juwel si. Isch het gidücht deru schluchtä gäbäs zwischu zaniglas und stalu äs halbs duzunt.
    D‘liit fa panama tient meglichscht wenig löifu, äs gid ja der bus oder z‘auto wa mu cha nä. Drum hend isch de summi liit öi komisch aglüeged wenn wier di 2 stunde zum hotel si gluffu.    Read more

    See translation
  • Sandra und Franco unnerwägsZentralamerikaTraveler

    David

    March 20, 2018 in Panama ⋅ 🌙 26 °C

    Fa pedasi bis david hei wer 3 mal miessu umstigu. Alles hed super giklappt bis wer uf santiago si cho. Jede bus uf david isch volle gsi und wier hei fasch gmeint wier chäme da nimme ewäg. En busfahrer hed isch de nach ebiz jeissu, iner kabina wa normalerwiis der busfahrer schlaft, mitgnu. Wie wier speter erfahru hei, isch das nit ganz legal gsi. In david heiwer mit dum edwin abgmacht ka. Der edwin isch fa miner basi der maa und fa panama.
    In david isch grad fiirtag gsi und es hed en grosse umzug mit guggumüsige und 10‘000 riter gigä.
    Wartu, bi gfühltu 45 grad, isch in panama alltag, sigs will der bus volle isch oder will niemert genau weiss wenn der umzug afaht, aber niemert regt schich üf. Wier hei de 2 stunde iner klimatisiert bäckerii gwartut bis der umzug afaht. Emabu siwer de nu mit dum edwin und schinum kolleg, dum yonis (va dem kehrädär de no meh), an die „feria“ gangu. Das isch eppis zwischu „vifra“ und openair. Da heiwer iisch durch di biervielfalt fa chleine panamaische braueriie durchgikämpft.    Read more

    See translation
  • Sandra und Franco unnerwägsZentralamerikaTraveler

    Pedasi

    March 17, 2018 in Panama ⋅ ⛅ 24 °C

    Där erscht halt absits va hochu hischini und vill vercheer isch pedasi im südu va panama gsi. Äs isch än bekannti fischer-, und feriuregion ver panamaer und eu üsländer. Dˋfahrt het imä liduschaftlich dekoriärtu bus mit landestypischer müsig agfangu (jodel mit handorgla) und imä nit klimatisiärtu minibussji zwischu baru senioru gˋändut. Vor ort heiwer erfahru, dass da waale, thunfischä, schildchrotä und, und, und het... im öigschtu. Wiär si de trotzdem ver än tag uf dˋ“isla iguana“. Da heiwär zu ischer uberaschig unzähligi leguanä gseh. Sit de wissäwär was „iguana“ biditut.Read more

    See translation
  • Sandra und Franco unnerwägsZentralamerikaTraveler

    Panama Kanal

    March 14, 2018 in Panama ⋅ ⛅ 31 °C

    Där panamakanal isch supär gsi. Vam Bsüächärzentrum gseht mu leidär di neuu schleusä wa im 2016 sind fertiggsstellt wordu nit, darver gseht mu dˋaltu, wa scho uber 100 jahr in betrieb sind. Und die sind sehr idrücklich.Read more

    See translation
  • Sandra und Franco unnerwägsZentralamerikaTraveler

    Panama city

    March 13, 2018 in Panama ⋅ ⛅ 31 °C

    In Panama City trifft alt uf neu und arm uf rich. Im bankuviertul mit du modernschtu hochhischini gäbund schich cravattä di klinka in hand und äs quartiär witär kijund di paraggä scho fasch vam alüägu usenand.
    Alls in allum het nusch d‘heuptstadt nit so imponiärt, aber z‘ceviche ufum fischmmärt isch der hammer gsi.    Read more

    See translation
  • Trip start
    March 14, 2018
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice