Cairns Learning to Dive
November 4 in Australia
☀️ 24 °C
Hüt isch de Tag scho am 5:30 losgange. Ich han mich mit de Bekanntschafte vom Hostel zumene lockere Morgejogg troffe, bevor di einte zum Flughafe hend müesse. Mir sind entlang vo de Küste gloffe, wo ich letscht Mal bi Ebbe nur riesigi Schlammfläche gseh han. Hüt hät das Ganze aber plötzlich richtig schön usgseh, mit Wasser, vill Vögel und ere super friedliche Morge-Stimmig. En perfekte Start i de Tag!
Nachher ischs denn endlich losgange mit mim PADI-Tauchkurs bi Pro Dive Cairns. Und ich muess säge, ich bin bis jetzt richtig begeistert! D Infrastruktur isch supermodern, alles mega suuber, top Usrüstig und sehr kompetenti Instruktore. Au d Gruppe isch cool, wenn au ziemlich chli. Villicht sind mir morn sogar nur no z dritt.
Am erste Tag hämmer scho erstaunlich vill glehrt und usprobiert:
* Richtig unter Wasser atme und sich a d Usrüstig gwöhne
* D Tauchmaske uf drü verschiedeni Arte vom Wasser befreie
* Bis uf 3.5 Meter im Pool abtauche
* D Tarierig üebe, bis mer praktisch schwerelos im Wasser schwebt
* Mit de verschiedene Usrüstig umgah und Problem erkenne und löse
* Em Tauchpartner helfe, wenn ihm zum Bispiel d Luft usgaht
Es isch mega spannend gsi, aber au recht intensiv. Nöd nur körperlich, sondern vor allem au für de Chopf. Mer muess sich uf so vill neui Sache konzentriere und gliichziitig lerne, unter Wasser ganz ruhig und entspannt z bliibe. Ich han scho am erste Tag s Gfühl gha, unglaublich vill glehrt z ha.
Und denn hät’s no e chlini Rettigsaktion geh!
Mini schwarzi Seoul-Chappe, woni geschter uf de Wasserfall-Tour verlore han, isch tatsächlich wieder uftaucht! En Instruktor hät mich nach em Kurs sogar no schnell mit em Auto zu dem Ort gfahre, wo sie abgeh worde isch. D Gegend isch zwar ziemlich sketch gsi, aber schlussendlich hani mini Chappe wieder zruggbecho. 💪
Am Abig hani mir denn no es gemütlichs Znacht allei gönnt und eifach chli d Rueh gnosse.
Jetzt bin ich aber au richtig müed. Es isch en lange, intensive und unglaublich spannende Tag gsi. Morn staht de zweit Ausbildungstag a, wo mer de Pool- und Theorieteil abschlüssed, bevor’s denn endlich use uf s Great Barrier Reef gaht.
Ich freu mi riesig druf und chass chum erwarte, das alles im offene Meer ahzwende!Read more













Traveler
👍❤️
Traveler
Que gente tan amable llevarte a buscar tu gorra 🧢
Traveler
👏👏