• Magnetic Island to Airlie Beach

    November 11 in Australia ⛅ 24 °C

    Super Nacht im Hotel! Han am halbi 7ni d Fähre uf Magnetic Island gno und bin direkt uf en Trailrun. Traumhafti Ussichte, es chlises Rock Wallaby und denn s Highlight: en wilde Koala mit sim Baby! Hät mich zwar mit eme richtige Todesblick ahgluegt, isch aber unglaublich herzig gsi. S früehe Ufsta hät sich definitiv glohnt!

    Nach Kafi, spötem Zmorge und em obligatorische Snack-Nachschub hani de Greyhound nach Airlie Beach verwütscht. D Fahrt isch bis uf en ziemlich geruchsintensive Mitpassagier (skandal) problemlos gsi.

    Airlie Beach gfallt mer uf de erschte Blick mega: en schöne Hafen, chlini Lädeli und richtigi Feriestimmig. Nach em Ihchecke im Hostel hani de Abig mit eme feine Snack inere Bar mit Livemusig usklinge lah.

    Jetzt gaht’s früeh is Bett. Morn gaht’s use zu de Whitsundays zum Schnorchle!
    Read more