Reset search
Der wilde Balkan
  • Lara Bohrer
  • Robin Streuli
June 2025

Der wilde Balkan

A 21-day adventure by Lara & Robin Read more
FollowInsightsCalendarShareShareBucket list
Newest first
  • Trip start
    June 7, 2025
    Der wilde Balkan
    Bueb isch im Himmel🤤🥰
    unerwarteterwis simmer a Pfingste nöd diä einzigä wo in Süde wend😅Bolo to go🤤

    Parma & Bologna 🍝🧀🍕😋

    June 8 in Italy ⋅ ☀️ 31 °C

    Und ab is nächste Abentür🌍
    Dasmal simmer mit üserem eigetä Auto unterwegs. Da üseri Fähre erst am Zistig fahrt, hend mir nu gnueg Zit zum uf dr Fahrt dr eint oder anderi Stopp izbuaä🤤 In Parma dörf natürli dr Parmaschinke und dr Parmesan nöd fehlä und in Bologna widmed mir üs ganz dr Bolo. Gelatis chend natürli au nöd z kurz. Dolce Vita🤗Read more

    See translation
  • Der wilde Balkan
    super Ussicht in San Marino
    Piadini🤤uf EndeckigstourRiminiAnconaCheck-inüseri Fähre2

    San Marino

    June 10 in San Marino ⋅ ☀️ 23 °C

    Mir mached nu en Abstecher uf San Marino. San Marino het e wunderschöni Altstadt.
    Witergahts uf Rimini für es Kaffi. Spektakulär ischs nöd würgli, aber wahnsinnig viel Liegestuähl hends.
    Bald heisst Ischiffä in Ancona. D Überfahrt uf Albaniä duret 16 Stund.
    Es isch sehr ruhig und d Nacht isch erstundlicherwis sehr erholend.    Read more

    See translation
  • Der wilde Balkan
    Hafe vu Durresblaui Moscheetraditionells Essä2traditionelli Tracht

    Tirana & Bovilla See

    June 12 in Albania ⋅ ☀️ 32 °C

    D Ireis in Albanie isch super eifach.
    Nachdem mir agleit hend mitem Schiff, simmer innerhalb vu 5 Minute igreist. Viel schneller gange, als gedacht. Dr Hafe isch nu knapp 40 Minute vu Tirana entfernt. Tirana isch modern, het viel Restaurant und Bars und isch allgemein sehr belebt. Ca. 1 Stund vu Tirana äweg hets e wunderschöne See, wo nacherä kurze Wanderig e unglaublichs Panorama hesch. D Fahrt dethi isch sehr abentürlich gsi, aber het sich glohnt.
    Ez gahts witer ad Küste vu Albanie. 🇦🇱    Read more

    See translation
  • Der wilde Balkan

    Albanische Riviera

    June 13 in Albania ⋅ ☀️ 28 °C

    Albaniä het e wunderschöni Küstä mit glasklarem Wasser und herzigä chlinä Buchte. Viel vu denä Buchte sind nur mitem Boot erreichbar. Es git au da viel Hotels mit direktem Strandzuegang. Viel sind aber diä Stränd nöd all zu gross. Albaniä isch sehr hüglig und bergig. Mir fahred viel kurvigi Strasse bis mir am Meer sind. Um an Strand z chu musch viel 10-15 Minute abefahre oder nindsch es Hotel imnä Dorf im Tal unde, wos aber nöd so viel het. D Stränd sind meistens Steistränd oder es gemisch us Stei und Sand. Daher isch vielfach z Wasser au so klar und türkis.
    Jedoch isch es ader Küste 38° und fast nöd ushaltbar somit kürzed mir üsers Strandabtür ader Küste ab und günd schneller als gedacht is Inland, mit dr Hoffnig ases chli agnehmer isch.    Read more

    See translation
  • Der wilde Balkan
    gfüllti Aubergine😋BurekQifqi, Riisbälleli mit ChrüterBaklavaOshaf

    Gjirokastra

    June 14 in Albania ⋅ ☀️ 27 °C

    Gjirokastra isch diä ältischti Stadt vu Albanie und gehört zum Unesco Welterbe. D Altstadt isch chli und herzig, aber extrem verwinklet. Mitem Auto det ufe fahre isch es absoluts Abentür. Üsers Hotel isch mitten ider Altstadt, aber gar nöd so eifach z erreiche. Google Maps git Strasse a wos gar nöd git oder unter keine Umständ mitem Auto dure chunsch😅😅 Zum Glück bin nöd ich gfahre. Links, rechts, ufä, hinderä oooh da gahts nöd witer, also alles rückwärts wieder abe🤭 D Sicht ufem Hügel obe isch eimalig und d Strapazä hend sich glohnt.
    Hoch über dr Stadt gits nu e riesigi Burg wo super erhalte isch und für wenig Geld, das riesigi Areal chasch gu besichtig. Sehr lohnenswert.
    I dr Alstadt hend alli Hüser es Steidach.
    Albaniä het üs würgli umghaue. Eifach e wunderschöns Land und so vielsitig. es git zwei grossi Verkehrsstrasse vu Tirana ader Küste entlang und im Inland wieder zrugg uf Tirana. Dr Rest sind kurverichi Passstrasse, aber immer im top Zuestand.
    Albaniä het e mediterrani Kuchi und alles isch super fein😋😋 Ganz nach üsem Gschmack. D Albaner sind super herzlich, offe und hilfsbereit. Am Englisch mönds aber nu chli schaffe.    Read more

    See translation
  • Der wilde Balkan
    finde BubDiä Brugg isch nu guet🤣Albanischi Rösslivieli halbfertigi Hüser, wo aber doch schu dri gwohnt wird.typischä LadeHotelpool

    Albanisches Hochland

    June 15 in Albania ⋅ 🌙 22 °C

    Öppe 3/4 vu Albanie bestaht us Bergä und Hügel. Albanie isch unglaublich gruän.
    Leider hend sis nunig ganz im Griff mitem Abfall. Mir hends schlimmer erwartet, aber vu guet simmer de doch nu wiit entfernt.

    Egal wod bisch z Internet isch top.
    Ihr ÖV Netzt isch super usbuut und du chunsch überall uhni Problem hi, meist mitemä Minibus.
    Ihri Parktechnik isch egal wo egal wänn überall. Me fahrt zäg haltet wieder einä ah und parkiert eifach det wo er isch.
    Doppelspurigi Strasse sind plözli nur nu 1 Spurig, da si liäber Doppelspurig parkiered. 🤣    Read more

    See translation
  • Der wilde Balkan
    Tavce GravceTurlitavaz Hotel direkt am See🤩

    Ohrid See

    June 16 in North Macedonia ⋅ ☀️ 16 °C

    Mir mached nu en Abstecher uf Nordmazedoniä an wunderschönä Ohrid See. Dr Grenzübergang isch keis Problem und innerhalb vu 5 Minute simmer Us und wieder Igreist.
    Dr Ohrid See gilt als ältistä See in ganz Europa. En chlinä Teil vum See lieht in Albaniä und dr grösseri Teil in Nordmazedoniä.
    In Nordmazedoniä reded viel dütsch. Wills mal in Dütschland oder so gschaffet hend. Spannend.    Read more

    See translation
  • Der wilde Balkan
    Matka Canyon
    ab gu wanderä1chalt gsi zum badeSkopjeHöhli bim Matka Canyon

    Wanderä, Böötlä & Skopje

    June 17 in North Macedonia ⋅ ☀️ 25 °C

    Wanderä bi 35° isch viellicht nöd diä besti Idee. D Wanderig isch super gsi, jedoch isch es mir nach dr Wanderig nümmä ganz so guet gange. Chli z heiss gsi und chli z viel Sunnä abüberchu.
    Nach dr Wanderig fahred mir nu witer uf Skopje.
    Gemäss Robin het Skopje e schüni Altstadt. 🤣 Ich han z Hotelzimmer ghuetet, wo er uf Entdeckigstour gange isch. 💪
    Am nächste Tag isch alles wieder guet, so gümmer nu in Matka Canyon go Böötlä, ider nächi vu Skopje.
    In Nordmazedoniä hets i jedem Dorf sicher mind. ei Moschee, wenn nöd sogar zwei aber es sind nur ca. 1/3 Muslimä. Also doch chli viel Moschee.    Read more

    See translation
  • Der wilde Balkan
    viel Platz hendsgad bim Bädelä verwütscht🤩das isch über Jahre ihri Realität gsiLandesbiblothek in Pristina2

    Pristina & Bärewald🐻

    June 18 in Kosovo ⋅ ☁️ 26 °C

    Witergahts für üs in Kosovo. Skopje und Pristina sind sehr nach und d Fahrt dethi duret nöd lang. Pristina het nöd würgli viel z büte und au kei würklichi Altstadt. So hemmer Zentrum relativ schnell gseh.
    I der nächi vu Pristina hets nu en Bärewald vu vier Pfote.
    Im Balkan isch 2010 privati Haltig vu Bäre verbote worde. richtig erst vor 15 Jahr. Bis 2010 sind Restrauntbäre und Tanzbäre üblich gsi um Lüt a z locke. Si hend immer imne chlinä Chäfig vor oder nebed em Restraunt gwohnt. Akettet fürd Belustigung vu de Lüt. 😔 Trurig aber wahr. Zum Essä hends Brot überchu und zum Trinke Bier.
    Nachdems entli verbote worde isch het vier Pfote es Sanctuary für diä unzählige Bäre igrechtet und eine nachem anderä grettet.
    Aktuell lebed 18 Bäre im Bärewald. Sie hend viel Platz und chend sich entlich vertue we sie wend. Es füehrt en Weg dur dr Park aber du gsehsch immer nur en chline Abschnitt vu de grossä Gheg und es chan au si as du gar kei Bär gsehsch. Es isch ja kei Zoo, (sust während mir sicher nöd det) sondern es Sanctuary und si hend da ganz viel Platz und chänd sich immer zruegg zieh i ihri Wälder, Büsch etc. Eifach super schön. Mir hend z Glück und gsehnd 5 wunderschöni Bäre🐻🐻, wo entli es Lebe hend wos verdient hend. Uswilderä isch leider nümä möglich.
    Jede Bär het e Gschicht wome chan nachlese. Zwei wo mir gsehnd hend nu typische Verhaltesstörigä ka und sind lang eifach nur hi und her glofä. Das hend alli mal ka, aber diä meiste hends zum Glück chäne ableggä und gnüssed ez ihres Lebe.
    Danke vier Pfote für dini tolli Arbet, üseri Unterstützig hesch witerhi. 🐻🍀    Read more

    See translation
  • Der wilde Balkan
    alli immer am Käffelä2400 jährigFliaName vergessä, aber 😋😋

    Prizren

    June 19 in Kosovo ⋅ ☀️ 30 °C

    Prizren isch diä zweitgrössti Stadt und wird oft als schönsti Stadt vum Kosovo bezeichnet. D Altstadt het uf jedefall sehr viel z büte und isch defintiv eini vu de schönste Städt wo mir bis ez im Balkan gseh hend.
    Es het e riesigi Azahl vu Restaurants und Barä. Am Abed isch richtig öppis los und mir gönned üs au en Drink und lueged dem Triebe zue.
    Hoch über d Stadt hets wieder e Burg, mir laufed ufe und hend e wahsinns Sicht über ganz Prizren. Würgli e cool Stadt und definitiv e Reis wert.
    In Prizren git 77 Moschee.
    Dr Kosovo isch dr jüngsti Staat in Europa. Wird aber nur vu 117 vu 193 UN Mitgliedstaate als unabhängig akzeptiert. Gseht me au guet uf Google Maps dr Grenze isch gstrichlet.
    Für üs isch dr Kosovo uf jedefall es Land, 💪    Read more

    See translation
  • Der wilde Balkan
    Gjakovaüberall Fröschliwunderschöni Libellähungrigi Vögeliviel isch Landwirtschaft da im Balkan

    Gajkova & Mirusha Wasserfall

    June 19 in Kosovo ⋅ ☀️ 28 °C

    Uf üserer Witerreis nach Peja mached mir nu en Abstecher uf Gajkova. Gjakova isch bekannt für e schüni Altstadt. Viel isch us Holz. Es isch aber für üs chli z heiss zum z lang ider Stadt umelaufe und mir sehned üs nacher Abküehlig.
    Nacheme kurze Stadtlauf gahts witer zu de Mirusha Wasserfäll. D Afahrt isch wiedermal es Abentür. D Strass isch irgendwänn nur nu Schotter und üsers Auto denkt wohl langsam, wo wend ihr mich nuch überall herä jage🤣🤣
    Aber mir chend sicher ah. Nacheme steilä, klippigä Astieg gönned mir üs, bim oberä Wasserfall, a wohlverdienti Abküehlig. D Wasserfäll sind super und sehr erfrischend. Z Wasser im chline See machts üs aber nöd würgli a zum inä gumpä, eher en Tümpel.    Read more

    See translation
  • Der wilde Balkan
    Rugova Schlucht
    dr See isch volle Bluetegel😔gad dr Gottesdienst ider Moschee fertigUf dr Fahrt nach Montenegro🤩

    Rugova Schlucht

    June 20 in Kosovo ⋅ ⛅ 16 °C

    Peja isch öppe 3 Kilometer vu dr Rugova Schlucht entfernt.
    D Rugova Schlucht isch ca. 25 Kilometer lang und öppe 1000 Meter tüf. Sie gilt als eine vu de längste und tüfstä Schlucht in Europa. Es absoluts Naturwunder. Entstahnde dur Wassererosione und Gletscherrückzug. Mir mached üs früeh ufä Weg zum Wanderä. D Wanderig isch nöd sehr lang, aber sehr sehr steil. Glohnt het sichs uf jedefall, wunderbari Natur.
    Leider ischs es da im Balkan au sehr dreckig und sie hends mitem Abfall nöd im Griff. Vielfach sinds aber au eifach d Lüt wo ignorati A*** sind. Mir gsehnd immer wieder nöd schöni Sache und wiesed de d Lüt bestimmt druf hi as si dumm sind und das nöd numal mache sölled.
    Mir sammled immer wieder Abfall. Uf dr Wanderig gemmer alles und sammled so viel we möglich. 💪
    Peja isch sehr e lebendigi Stadt mitemä grosse Basar wo alles findsch, wo du nunig weisch ases bruchsch🤣
    Da da grossi Hochzitä gfiret werded gits unzähligi Läde mit Kleider und Schmuck.
    Bi dr Religion chend üs Kosovare eher offe und locker überä. Me als 50% sind da jung.    Read more

    See translation
  • Der wilde Balkan
    Krauskopfpelikan
    engi Strasse, aber natürli mit Gegäverkehrüberall chlini WiigebietGraureiherKormoraneHubätaucher nu am Schlafe😴nur mir und Fischer ufem See🩵💙 alles volle Seerosäriesigi Balkan-Sägeschrecke

    Shkodrasee

    June 22 in Montenegro ⋅ ☀️ 22 °C

    Dr Shkodra See isch dr grössti See in Südeuropa. Dr See lieht im Grenzgebiet vu Albanie und Montenegro. Er isch es sensibles Ökosystem, das über 20 endemishe Tier- und Pflanzearte beheimatet.
    Er isch e Rast und Brutplatz für Zugvögel us Nordeuropa. Vieli überwintered am See.
    Je nach Jahreszit isch es also es absoluts Mekka zum Vögel beobachte.
    Seerose bildet a unzählige Stelle e Wiiesä und Blätter und Bluetä. Viel niestet uf de Blätter. Mir sind da um einä vu de seltenä Krauskopfpelikan z gseh. Er isch dr grössti vu allne Pelikanarte und es sind diä letschtä, wo da in Europa lebed. Mir mached fruäh am Morgä e Bootstour und tatsächli gsehnd mir ihn nach kurzer Ziit schu. Ganze 5 Stück gsehnd mir und au sust gsehnd mir einigi Vögel. Dr ganzi See isch e einzigs Naturjuwel🤩    Read more

    See translation
  • Der wilde Balkan
    so laht sichs lebä🩵Kotorhilft nur nu en Sprung is Wasser📸2🐢

    Montenegro's Küste

    June 24 in Montenegro ⋅ ☀️ 26 °C

    Witergaht üseri Reis ader Küste vu Montenegro. Wie in Albanie isch d Küste sehr hüglig, aber z Meer zeigt sich wieder vu dr schönstä Sitä. D Adria isch würgli wunderschön.
    Üsers Ziel isch Kotor. Kotor isch sehr beliebt bi de Krüzfahrtschiff, ganzi vier Stuck sind am erste Tag im Hafe. Zum Glück hemmer z Hotel userhalb und chend vu denä ganze Menschämasse nüt mitüber😁. Üsers Hotel lieht direkt am Meer😍
    Am nächste Tag waged mir üs doch nu uf Kotor selber. D Altstadt isch wunderschön, aber total überlofä.
    Kotor Bucht isch der südlichsti Fjord in Europa. Um vum einte Ort zum anderä chu, mönd mir sogar eimal ä chlini Fähre ni.
    Im Balkan hets ganz viel Landschildkrötä. Immer wieder triffed mir si ah🐢    Read more

    See translation
  • Der wilde Balkan
    1
    typischä Kaffihilft nur bade

    Mostar

    June 25 in Bosnia and Herzegovina ⋅ ☀️ 30 °C

    Mostar isch üserä letschti planti Stopp bevors richtig hei gaht.
    Mostar isch d Hauptstadt vu dr Region Herzegowina. Dr Region Herzegowina lieht im Südwestä vu Bosnie und Herzegowina.
    In Bosnie chunsch vielfach traditionellä Kaffi über, ähnlich we türkischä Kaffi. Diä alte, kaputte Kaffikanne us Kupfer werded witervewendet und diversi Souvenirs hergstellt. sehr nachhaltig😁
    D Hitz het ihre Höhepunkt erreicht und es hilft definitiv nur nu bade. Mir bsueched nu dr Nationalpark Kravica mit wunderschöne Wasserfäll.    Read more

    See translation
  • Der wilde Balkan
    Trient
    TriestTrient😋🩵💙💪

    Trient

    June 27 in Italy ⋅ ☀️ 30 °C

    Uf dr Heifahrt mached mir nuch e chlinä Zwüschestopp in Kroatiä und de gahts aber schu witer uf Italiä. In Italiä gnüssed mir nu es z Morgä in Triest und ei Übernachtig in Trient. Trient het e wünscherschöni Altstadt. Mir gnüssed es feins z Mittag und aperöled nu chli Negroni😋 Z Nacht bruched mir nüt me, das ja immer öppis feins drzue git zum Apero.
    Tolli 3 Wuche gsi, leider gahts immer z schnell verbi😊 Aber mir hend wieder wunderschöni nüi Erinnerigä und das nächste Abentür laht zum Glück nöd lang uf sich warte.
    Üserä Kia isch eifach super und het diä Reis unbeschadet überstande. Uzähligi Kurvestrasse, Schotterpistä und Hügel hemmer zruggleit und er het üs nie im Stich lah💪 und z erstmal Meer gseh😍
    Und natürli es riesä Dankeschön an Robin min Bestä, dass er alles gfahre isch 💙🩵🥰💪
    Und ez heissts Lufi mir chend🐈🐱    Read more

    See translation
    Trip end
    June 27, 2025
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice