Tilbakestill søk
Viajo en LATAM/Paris/Turquía
  • Kim Kistler
  • Kim Kistler

Viajo en LATAM/Paris/Turquía

Start Weltreise mit Dennis
Sola
Dänn mit de Nathi
Sola
Bizli mit em Dennis
den bizli mit Lissy und Rezi
Sola
Paris mit Gil und Lissy
Schwiz
Sola Türkei am Volunteering mache Les mer
+2
FølgOversiktOversiktKalenderKalenderBilderBilderDelDelBøtteliste
Nyeste først
  • Kim KistlerViajo en LATAM/Paris/TurquíaReisende

    Santa Cruz und San Cristobal again

    5. januar 2025, Ecuador ⋅ 🌙 24 °C

    Santa Cruz und San Cristobal again

    Hend Tauchgäng in Santa Cruz gmacht und au viel gschnorchled. Leider hemmr kei Fotis becho vo dene Tauchgäng. Mir sind nomal nach san Cristobal und sind den au vo dete zrug nach Quito gfloge. Dä Leon Dormido isch de geilst Tauchgang gsi für mich. Hend so viel Hammerheie und anderi Tier gseh. Mega starchi curancy gha abr het sich soooo glohnt. Bei eifach sprachlos.Les mer

    Se oversettelse
  • Kim KistlerViajo en LATAM/Paris/TurquíaReisende

    Montañita you got my 🩷

    14. januar 2025, Ecuador ⋅ ☁️ 27 °C

    MONTAÑITA, OLON, LAS TUNAS, BALLENITA, AYAMPE

    Bin da anne cho will ich am Strand han welle chille. Zerst mal am Morge am 7ni i iged es Hostel gloffe wo 2 absolut druffnigi Persone unegstande sind, will es riiise Technofestival dete gloffe isch: Tratomundo! Turns out alli Dj hend i mim Hostel chillt. Will dem wo de Club ghört, dem ghört au das Hostel und es fetts Hotel nebed drah. Has den natürlich gschafft gratis inne zcho und bin mitme VIP Bändeli hei. Fraged nöd wie. Ha z 1. fett gsoffe und de Kater vo mim lebe ka. Ha die tollste Lüt troffe wie de Youssuf und Tyler wo ich au an Carneval z Brasilie gah. De Yousuff het Polizei fast mitgno will sie denkt het er will mich enfüeher will er mich am Morge am 7ni vo de Party hei bracht het. Ich ha huere lang nur glacht und nix gseit unds den igedwenn ufglösst das alles ok isch. Er hets nöd anderst verdient. Am negste Tag heter welle id Notufnahm will er denkt het de Kater seg nöd normal er hegi Alkoholvergiftig. Ja de Nemo isch min chline Emo und de herzigsti Tropf. Er isch igedwie en Mischig zwüsched Kev unf Louis und er isch für immer i mim Herz. So viel glacht mit ihm. NEW ECUADORIAN BESTI. den no die 2 geile Volunteers vo Frankrixht de William und Marion woni immer go surfe bin, koched han oder Yoga gmacht han. Talya vo Israel ischa u en süessi Muus und ihres lebe isch eusi unterhaltig gsi will sie so viel Drama het i ihrem lebe. Wükki unterhaltsam.Les mer

    Se oversettelse
  • Kim KistlerViajo en LATAM/Paris/TurquíaReisende

    México City

    29. januar 2025, Mexico ⋅ ☁️ 15 °C

    Bi in Mexico City acho nachdem ich eppe en 2d Reis vo Ecuador hinder mich bracht han. Bin am ne Busfahrer devo cho wo nix guet plant het mit mir ! Aber 2 Fraue hend mir gholfe, also nomal alles guet gloffe.

    Am Flughafe acho het mich en Frau gfragt ibi s ataxi mit ihre teile will han aber scho en Bus ka wo so 1000x billiger gsi isch, also isch sie au uf de cho. Ich bin den zu ihre is Homestay wo sie gmerkt het das sie es ganzes Zimmer frei het und het mich iglade dete penne für billiger als alli Hostels. Hends so cool gha die 3 Täg und geil gesse und die fett geili Wohnih gnosse. Han Kollege vo ihre kenneglernt wo all wie sie Djs sind und dete go uflegge sind. SPONTANITÄT isches eifach. Ultra Vorfreud uf de Dennis ka und mis eigen Badzimmer i mim geine Ruum mitme fette Doppelbett gnosse.

    Neus Hany kauft und das alles uf spanisch, Stolz sie het es neus Level erreicht.    Les mer

    Se oversettelse
  • Kim KistlerViajo en LATAM/Paris/TurquíaReisende
    1

    Mexico City mit dä Muus 🐹🧡

    1. februar 2025, Mexico ⋅ ☁️ 12 °C

    Nach gfühlt 1000x Jahr isch den de Dennis entlich acho. Hans chum chöne erwarte. Mir hend d Stadt fliessig erkundet sind in es Museum über d Mayas und all Traditione, woni nach eppe 1h fast igschalfe bin hahhaha. Mir sind zu de Pyramid del Sol und de la Luna. Viel Metrobus gfahre will euses Hostel nöd so Zentral gsi isch. Hend geil Tacos und Pizza... gschlemmt und viel Parks erforscht. Viel gredet: guet und nöd guet, aber egals was usecho isch han ich hin uf jedefall gnosse. Über de Rest magi nöd schribe will ichs au gar nöd wahr ha will... wie gsund das isch, nobody knows.Les mer

    Se oversettelse
  • Kim KistlerViajo en LATAM/Paris/TurquíaReisende

    Puerto Escondido

    4. februar 2025, Mexico ⋅ 🌙 27 °C

    Hend en Bus vo Mexico City nach Puerto Escondido gno. Mir hend eus en Roller gmietet und all Stränd basically abgfahre. Euses dihei isch es Tipi gsi und überme wunderschöne aber crowded Beach gsi. Ich bin mal 2 Täg mit Kotzer und Schisser im Tipi gläge. Het mi glaub körperlich und emotional recht igholt. Glichzitig überall usecho. Den hemmer ein Tag rueh gha und sind chli go surfe und hend sogar walgsäng under em Wasser ghört, währed em Sunneuntergang eifach numme atemberaubend und voll beruhigend gsi. Acaibowls hemmer au viel gschlürft. Den hets de Dennis für ein Tag verwütscht. Ein Tag spöter hend mir es paar coolie Berliner kenneglernt wo de eint in Berlin wohnt und de ander im Mexico aso nach Oaxaca usgwanderet isch. Mit ihne hemmer paar Beaches und geili local Restis abklappered, will sie es Auto ka hend. Mir hend sogar mal Fleisch und Fisch kauft und fett griliert, will die sogar en Gasgrill debi ka hend. Han en Kim-Salat gamcht wo all gern ka hend, vor allem de Dennis. Den simmer all zemme nomal go Sunneuntergang surfe. Han mich den wos Dunkel gsi isch am Starnd umzoge (aso eifach es trochnigs Bikini azoge) und innerhalb vo 20 sec sind dBulle dete gstande und hend mich in Handschelle gsteckt und ich han mösse 2000 Pesos zahle (vo 3000 uf 2000 abeghandlet, sind eppe 100Fr.) oder 36h is Gfängnis/Zelle willd nöd erlaubt isch nackt sie am Beach. De eint Berliner het uh Glück ka und het en Vape debi ka aber gefüllt mit THC, aber will Vapes dete au nöd erlaubt sind hend ihn au büesst aber nur 1000 (vo 2000 uf 1000 Pesos abeghandlet). Sie hend all drah gschmöckt und aber nöd gmerkt das es nöd en "normale" Vape isch, also hends ihn ihm aber glich wieder zrugg geh.
    Hend en Mega geili Acai gha und au die beste Fisch Tacos ever i somne mega süesses Resti wo Casa del Surfer gheisse het. Herzigsti owner ever. Last Minute henf mr den en Flug nach Guatemala möse bueche will de Bus eppe 4 mal ghalte het und meh als 30h gfahre wär. Uf jedefall hemmer Ziit trotz allem extrem gnosse.    Les mer

    Se oversettelse
  • Kim KistlerViajo en LATAM/Paris/TurquíaReisende

    Volcano Acatenango und Fuego

    12. februar 2025, Guatemala ⋅ ⛅ 24 °C

    D Lissy und de Rezi Spezi sind mich go bsueche in Guatemala, absolut toll fest gfreut. Ab eze heissts Luxus hahahhahah.
    Absolut astrengend gsi, vor allem de kak Rucksack selber schleppe. Aber hend es zu grosses Egi all zum en Porter z neh. Aso wer für mich au ohni Porter astrengend gsi, not gonna lie. Aber d Ussichte sind atemberaubend gsi. So wie mini Fürz. Aso ich und de Dennis hend eusi Cabin vergased. Es isch sogar für mich grenzgängig gsi. I de Nacht ischs mir und am Dennis gar nöd guet gange, das heisst ich han sogar mösse Chotze. Gfühlt nix pennt, drum bini nöd am Morge am 4i nomal 1.5h ufegloffe. Het chli a mim Ego kratzt aber het sich den usegstellt dasi viel de geiler Sunneufgang gha han als die wo de Sunneufgang hike gmacht hend. + hani den glich no 2h chöne pfüsele. Has sehr gnosse mit em Dennis de Ufgang aluege. D Fürz sind au besser worde. Nachem z Morge ischs den de glich weg wieder abe gange. Weiss nöd wasi schlimmer gfunde han Ufe oder Abe. Mini bei hend nur no zittered. Aber isch uf jedefall soooooo lustig mit allne gsi. De Dennis het zu Gott gfunde uf em Vulkan unds am Rezi mit aller Kraft welle schmackhaft mache. Het nöd klappt. Au mini überzügendi Einhornchappe het nöd gmacht das er ah Einhörner glaubt. Aber defür het de Dennis de Lissy gottlosi Ohrewürmer vorgsunge. Han sie scho vorgwarnt das er für alles en ganz blöde Song kennt. Thanks to de Katja (sim Mami) für de. Sie singt sie jetzt no. Puri Liebi ufem Vulkan uf jedefall.Les mer

    Se oversettelse
  • Kim KistlerViajo en LATAM/Paris/TurquíaReisende

    San Pedro und El Paredon

    17. februar 2025, Guatemala ⋅ ☀️ 30 °C

    Wüsst nöd wasi gmacht het ohni die lustigste Persone nach all dem. Ha trotz viel brüelle wege euch no viel meh chöne lache. Ich lieb euch sooo fest. Rezi Spezi denkt eze glaub ich mir sind voll durre, aber het er bi mir glaub eh scho. Ihn nerve hani am liebste gmacht. Han in San Pedro am Lago Atitlan no müsse is Spital will ich denkt han das mis bei abgheit. Nach dem min Abszess am bei immer grösser worde isch, gschwulle, heiss, Schmerze und chli schwarz han den aubich denkt ich glaub ich mösst eze mal zum Arzt. D Klinik nimmt kei Usländer drum bini den is Spital. Das Arschgsicht het min Abszess usdruckt. Bi fast gstorbe uf dem Stuel. Uf em Küssi hets no Pflaster vom vorherige Patient ka. Mol wükki suber gsi. Er het mr Verbandsmaterial mitgeh wo s Desimittel sit 2017 abglofe isch. Es isch wükki nömme ghuet gsi, es isch usenandbröckeled. Han also in El Paredon nöd mit dene Globis chöne go surfe. San Pedro isch süss gsi aber de Lissy het San Marco besser gfalle (Yogatown des Grauens hahahhahahah) El Paredon hani sehr sehr schön gfunde. Nur leider ohni bade.Les mer

    Se oversettelse
  • Kim KistlerViajo en LATAM/Paris/TurquíaReisende

    Flores und Tikal

    20. februar 2025, Guatemala ⋅ 🌙 24 °C

    Mir sind nach Flores gfloge und dete ohni Strom und Wasser acho. Hend zerstmal Hostel gwechselt will euses Zimmer frisch gstriche worde isch und mer het echt nöd chöne schnufe dete inne. D Liss und ich hend den a de Reseption es Schauspiel des allerfeinsten annegleit und ich ha uf spanisch dere erklärt das d Lissy Asthma het und unbedingt s Geld zrug brucht für es neus Hostel. Am negste Tag ischs nach Tikal gange wo ich und de Rezi scho alles gwüsst hend will mir eus zemme Youtube-Videos inezoge hend bim warte uf dLissy. Aso eig hetet mir eus de Guide chöne spare. Absolut insane die verlassnigi Stadt vo de Mayas. Muss jede mal gseh ha, isch wükki mega dete. Riesigi Tempel wo mr sich wükki fragt wie zum figg mr das het chöne baue ohni Maschine und nix.Les mer

    Se oversettelse
  • Kim KistlerViajo en LATAM/Paris/TurquíaReisende

    JUNGEL in Lanquin + ByeBye Bitch

    22. februar 2025, Guatemala ⋅ ⛅ 22 °C

    Leider het de Rezi müsse heiflüge also sind ixh und dLissy elei los. Mir sind crazy gstartet und zwar habi strit gha mit em Busfahrer und zwar uf spanisch will er meint pisse chan mr plane und alli mönd uf s WC und er haltet aber z 1. Erst i 3h. Han ihm den rasch schnell d Meinig innedruckt, will sust niemert spanisch het chöne, bis er ahghalte het. Er het mich die ganz Busfahrt ignoriert, isch mr aber su gad recht gsi. Sind in Lanquin acho und hine im Pick up Truck zu "eusem Hostel". Hend e wäg ca 30min möse laufe, komplett matschig und wükki gueti Bruggene. Ihr gsends ja selber. Hen eusi Rucksäck nöd dem alte Mah welle geh will mir denkt het de stribt sust. Den Schoggi selber gmacht, sind uf Dora the Explorer Tour, hend Semuc Champey gseh, die Caves hemmer mit Kärze erforst und hend tubing gmacht zrug is Hostel. Sind fast verfrohrer wills so chalt gsi isch ohni Sunne und nass. Mir hend au no so en Mayazeremonie gmacht mit Füür. S Esse isch sehr geil gsi aber max. Z wenig. Sust isch absolut lustig gsi aber wie sötts au anderst sie mit eus 🤣. Vo dete simmer den zrugg nach Guatemala City. De Bus het 4h länger brucht will en Politiker vor eus im Auto erschosse worde isch. Dete acho hani entli mal Haar gschnitte und mini Jungelfüess wieder schön gmacht. Beauty-Day. Sind go shoppe, aso ja han mis Buchtäschlie wiedermal verlore und nömme gwüsst wo ich anegrüert han. Dementsprechend liechti Pannik usbroche (vor allem bi de Lissy hahahha). Has eifach im Hostel ligge lah. D Lissy het leider mösse abreise aso hani mal no e Rundi glätscht. Eze gad min Kampf um d Angst elei zsi wieder los. Aber so far so good oder.Les mer

    Se oversettelse
  • Kim KistlerViajo en LATAM/Paris/TurquíaReisende

    Rio de Janeiro

    4. mars 2025, Brasil ⋅ ☁️ 29 °C

    Acho nach Guatemala und schomal de 1. Fail bracht. Zwar het die alt nöd cheggt das de Februar nur 28. Täg het und es Ticket für Sanbodramo kauft für de 01.03.25. Well bin am 2. am Morge am 1 glandet. Han den 1000jahr gha für es Uber dete anne will alles gsperrt gsi isch wegem Carneval. Han kei Akku meh ka, kei Internet und bi mit em ganze Gepäck no as Stadion i de hoffnig dasi glcih no ine chan und d Mischa (min Host in Rio und die wos Ticket für mich ka het) no gfinde. En Gruppe Argentinier hend mir gholfe und sind den mit mir sicher 1.5h unegloffe und hend de richtig Ihgnag und d Mischa gsuecht. Sie het dusse gwartet. Mir hend si tatsächlich gfunde, jedoch isch es one way Ticket gsi und sie het nümme chönne ine. Es isch scho nach em 4i gsi und ab em 6i machts zueh. Han den müsse en entscheidg treffe. Entweder mit de Mischa hei ga. Oder ine gah für weniger als 1.5h warte bis Mischa wach isch, igedwo versuche mis Handy lade und den de Ort wo sie wohnt (i de Favela) elei sueche. Han mich den für mit de Mischa hei gah entschiede obwohl isch scho sehr tempted gsi bin 2.eres ne. Wer hald eifach max. Dumm gsi will wo ich gseh han wo sie wohnt, hani gmerkt das ich das niemals gfunde het elei.

    So den hani de Youssif troffe und mit ihm und es paar Cariocas und em Mango Carneval verbracht. Es isch absolut unveschrieblich was das für en Vibe isch. Jede Tag vom 7am bis tüf id Nacht hend mir Blocos gjaggt, tanzt wie die wilde und eifach glachednund gvibet. Han mich nöd 1x unsicher gfühlt. Obwohl bim letschte Bloco de Anitta het 2 Millione Mensche gha und eine het den mis Handy welle chlaue. Hand aber gmerkt und ihm den gseit er sölls zruggeh (isch no miteme Chetti ah mir ahgmacht gsi), was er erstunlicherwis au gmacht het. Han nur Christ the redeemer ahgluegt als Tourispot, oder wie ich wür sege de Christoph bsuecht.

    Han binde Mischa i de Favela vo Leme gwohnt und es isch so autentisch und toll gsi. Und vor allem so schön billig für Carneval. Mir hen amel zemme z mörgeled und au Filmabige gmacht. Sie het mir gueti Tipps geh unf mir hend viel gredet und glached. Bin au is Beach Yin Yoga bi ihre gange. En Engel isch sie.

    Han so viel tolli Lüt kenneglernt und mich in Rio verliebt. Die ersti Grossstadt wo ich liebe und sogar mir vorstelle chönt dete mal bizli z lebe. Villicht nöd für immer aber so es Jöhli scho. De Strand, de Regewald, d Stadt, de Vibe, d Lüt eifacha alles stimmt. Bis uf das ich spanisch vermisse und nöd so warm mit portugisisch wird.    Les mer

    Se oversettelse
  • Kim KistlerViajo en LATAM/Paris/TurquíaReisende

    Churze Abstecher in Minaçu und Anapolis

    9. mars 2025, Brasil ⋅ ☁️ 23 °C

    Nachere sehr lange ahreis han bin ich den in Minçu acho wo ich entlich mini zwei Schätz troffe han. D Amelie und Gabse mit Strabse. Han mich so unendlich gfreut z geh wo d Gaby ufgwachse isch und vo wo sie chunt. Minaçu idch wükki hübsch. Han zwar nöd so viel gseh. Han ihri Familie kenneglernt und mich wükki sehr wohl bi ihrem Papsi gfühlt. Alli so lieb. Alles wieder zrugg gafhre und den hetvs Drama ahgfange. Amelie het en Usschalg becho und nach 6h fahre het sie nümme möge (sehr verständlich) uch bin den in Brasilie Auto gfahre. Nach 6 Mönet nömme fahre bini scho biz nervös gsi. Vor allem mit em Navi vo de Gabi ihres Grosi gsi ischbund mr hets leider nöd uf Dütsch chöne ihstelle will sie nur portugisisch redet und en andere Weg gseit het als s Navi hahahhaha. Guet acho het den ihri mam vo de Schwiz gmeint sie will mich nöd döte ha und ich söll mich verpieseln uf dütsch gseit. Well han mir den wieder en Flüger möse bueche, will ich nirgends blibe will wo ich nöd willkomme bin. Leider en churzi und türi Reis gsi, aber wenigstens hani die 2 bizli gseh, au wenn de Plan gsi wär 10 Täg mit ihne quality time zha. Gad hald nöd immer alles nach Plan. Und de Grosseleter und de Gaby isch au nöd recht gsi. Was lerned mir drus? Never plan holidays with Gabys mum!!!!Les mer

    Se oversettelse
  • Kim KistlerViajo en LATAM/Paris/TurquíaReisende

    Salvador Bahia

    13. mars 2025, Brasil ⋅ ⛅ 29 °C

    In Salvador hani es bizli me time gha. Bewusst chli elei gsi und eifach d afrikanischi-History vo de Stadt und d Stränd gnosse. D Stadt selber hani eze nöd WOW gfunde. Hald eifach nöd so mis gsi, aber het evtl. au chli a mim mentale Zuestand glege. Jan wükki gar nöd welle s Nachtlebe gseh bzw. In Usgang gah. Han viel Kokosnusswasser trunke, viel Mototaxi gfahre, koched und viel tradizionelli Gricht vo Bahia probiert. Han am Strand den no es Girl kenneglernt und mit ihre de letschti Abig gnosse. Ah und in Brasilie wend d Sunne under gahd, klatsched all am Strand. Find das so unglaublich schön und heti gern das mir das i de Schwiz au mached. Eifach zum Danke sege das sie eus mit ihrne strahle glücklich mached.Les mer

    Se oversettelse
  • Kim KistlerViajo en LATAM/Paris/TurquíaReisende

    Boipeba and Moreré

    17. mars 2025, Brasil ⋅ ☁️ 29 °C

    A paradise itself. Mit Fähre Strandbuggie und laufe entlich in Moreré acho han ich im Hostel direkt en ganz en tolle Mensch kenneglernt. Da ich wiedermal nix vmbuecht han und eifach i das Hostel inegloffe bin han ich vergeblich nach de Reseption gsuecht. Pia isch also i dä Hängematte gläge und d Reseptionssuechi scho ufgeh. Sie het zwar buecht und en Reservation ka aber glich kei ahnig wo sie lüt sind. Gstört hets eus nöd will mir eifach in es Zimmer sind eusi Rucksäck anegrüert hend, ab is Bikini gschlüpft und an Strand gange sind. De Vibe het gmacht will mir beid hend welle abecho, relaxe und s Paradies gnüsse. Ah ja und ganz viel Acai esse. Mir hend Tapioca koched, tanzed, gsunge und han wieder en neui Fründin für s Lebe kenneglernt mir sind immerno in Kontakt und gah sie sicher in Berlin go bsueche. Üsi Acai-Dates und tanning Sessions hend mis Herz mit viel liebe erfüllt. Gege s Endi hend mir den no en Belgierin kenneglernt wo mir den au am letschte Tag no uf Boipeba gfahre sind und eus z dritte es wunderschöns Airbnb buecht hend, mit Pool. Fancy pancy abr echt billig, sogar billiger als es Hostel. Mir sind miteme Kanu dur de Fluss ind d Mangrove gafahre und hend Bioluminescent Plankton gsuecht. Zwar nöd wie in Kolumbie aber uf jedefaln trotzdem schön gsi. Dä Sunneuntergang isch aber mis Highlight vo dem Usglug gsi. Hend de Abig mitere geile Pizza usklinge lah. Ich und d Pia hend den zemme d Insle verlah am negste Tag und sie het müse zrugg nach DE und ich bin wieter nach Itacaré mit em Bus.Les mer

    Se oversettelse
  • Kim KistlerViajo en LATAM/Paris/TurquíaReisende

    Itacaré

    21. mars 2025, Brasil ⋅ ☁️ 29 °C

    Nebst dem das Itacaré eifach wunderschön isch, isch es glaub eine vo mine Lieblingsort in Brasilie will ich die beste Mensche han döffe kennelerne. En fette Lizard isch de Bec is gsicht gheit am Morge früeh, somit het sie euse Dorm miteme riise Schrei gweckt. Mir hend all so glache und dur das de besti Start in Tag ka. Mir sind zeme an Strand gange und hend eus nach dem nömme trennt und jedi frei Sekunde mitenand tanzt, gsunge, Beachvolleyball gspielt, glacht, Deeptalks gha, tanned, gesse. Han mich mit jedem einzelne so guet verstande und mir sind ei grossi Familie gsi mir hend so viel glached das min Buch jede abig weh tah het und mini bei will mir jede Abig Samba oder Funk tanzt hend.

    - Santiago isch de Sambameister gsi und eifach en süessi Muus. Mister emotional, würs aber nie zuehgeh. Hahah richtige Fisch, Caipirinha isch sini hauptnahrig
    - Maya isch eusi twerk queen gsi, au ihri hauptnahrig isch Caipirinha
    - Bec het ihres Gsicht nach weniger im Griff als ich und isch aso mit ihrne Gedanke ufme andere planet. Ihri Facial expression het eus alli killt
    - Linn und de Oli sind es Pärli gsi und absolut schnussig. Linn isch de absoluti schuelcrush gsi wo jede i de Schuel uf sie gstande wär. En richtig süessi Muus und Stilikone. Am Oli sink spezialität sind garantiert Dadjokes gsi und a various amount of Sanks delivery.
    - Christina isch eusi griechischi Göttin gsi. Absolut clumsy und sexy zuglich. Random facts und Sprachtalent. Lanschläferin und Flirtkönigin. Liebi in Person.
    - Alan und Anne-mei sind Gschwüsterti us Holland beidi eifach so Lüt wo ebis probiered und gad die Beste drin sind. Chönd eifacha alles und gsend au no guet us debi. Anne-mei isch sehr introvoertiert gsi und meistens am Surfe. De Alan het eus im Sekundetakt Kokosnüss glifered wo er selber knockt und Pflückt het will der safe ADHS het und nöd 1 Sekunde still sitze chan.    Les mer

    Se oversettelse
  • Kim KistlerViajo en LATAM/Paris/TurquíaReisende

    Down south

    27. mars 2025, Brasil ⋅ ☁️ 29 °C

    Vo Itacare sind mir nach Porto Seguro, den nach Arraial da Ajuda, Trancoso und Caraiva und von dete nach Arraial do Cabo.
    In Porto seguro hend mir 2 nächt chillt und soo en geili Pizza gesse. Sust hets mineze aso nöd überzoge. Eher so en durchreiseort. Den in Arraial da Ajuda hend mr so es tolls hostel ka. 4er dorm für eus elei. Mega herzigi lüt und wunderschöni stränd. Sust eher chli touristisch ufbaue. Aber mega herzig gmacht. Sind chli mit de local büs vo strand zu strand wo eus so en brazilianische influencer empfohle het. Mir sind fett gfluetet worde aber hend euses picknik den Unterwasser witergfüehert. I de Nacht sind i eusere strass 10000 vo Frösch fürecho und d Christina het sich so krass id Hose gschisse 😂😂 hen den Hitchhicking pro iert het abr niemert aghalete het abr fast en unfall geh will ich a de strass dehnt het und den töffahrer min ahrsch ahglotzt het und uf die ander strassesite gfahre isch. Ha vo all dem abr nöd wükki was gseh aber christina und de Influencer. Het vo dete sind mr den wiiter nach Trancoso wo mr nöd so viel gseh hend will das glaub so en riiicheort gsi isch. Hend aber so es tolls Hostel/airbnb gha omg es insane hübsch gsi. So es doppelstöckis hüsli mit pool für igedwie 5 stutz p.P. hend aber leider nur 1 Nacht dete ka. Sust hets eze dete au nöd so viel zgseh geh. Sind richtig geil go esse (wie immer 😂😂) sind dete im Resti uf d schissi und die isch so insane schön gsi. Hahahha die isch so outdoor gsi und het cacao bäum am wachse ka. Den simmer no geili Acaibowl go esse und hei go chillieren. Am negste Morge direkt witer nach Caraiva wo d Christina en Typ kennt het wo mir hend chöne wohne. So geil so richtig wo süess het mir de mitbewohner vo ihm sis bett geh und er het i de chuchi uf de Couch gschlafe. Er het so geili Burger für eus gkoched und eus paar cooli Stränd und Flüss zeigt. Selber Suhi und Cevice heter au no gmacht mit frischem Fisch mit sim Kolleg zeme. Sooooo guet gsi. Sind nochli go Forró tanze. Nach 2 Nächt simmer den au wiiter nach Arraial do Cabo. Was für en Geburt die Reis gsi isch weiss au keine hahahhahah. Zerst hemmer alles wieder müsse zrug nach Porto Seguro. Dete hani mini Powerbank im Bus ligge lag isch ja klar. Den in Porto Seguro acho simmer go schlemme und den an Bahnhof. Dete gfühlt 1000 jahr gwartet bis de eusi Bus so wit südlich zu eusem Zihl gfahre isch wies nur gad. Den in en andere Bus ebefalls eifach so wit wie nöch a eusem zihl wär.Am Morge am 3 amene verlassene Bahnhof ahcho und hend dete ma chli gnappt und gluegt wie mir eze da witer chömmed 😂 so schnell wie mögli h natürlich will mir no in Rio pünktlich für Itacare Reunion hend möse si. Also hend mir en BlaBlaCar gno eppe 12h nach Cabo Frio und den vondete nomal 4h nach Arraial do Cabo. FUCK ISCH DAS ASTRENGEND GSI. Aber mit niemert anderem alls de Christina het ich mir das ahdueh. So viel Pao de queso wie mir eus hinder pfiffe hend chan mr gar nöd zelle. Dete acho i de nacht am 1 oder so zerst mal duschet und ab is näscht. Am negste Tag hend mir paar stränd ahgluegt und en geili wander und tanning session anegleit. Am abig hend mir richtig geil tzsatziki gmacht fleisch vom metzger kauft (Chnobli 10km gege de wind gschmöckt) und richtig geili YumYum Balls selber gmacht. S ganze Hostel het probiert und sie richtig geil gfunde.Les mer

    Se oversettelse
  • 2026© FindPenguins
  • Hjem
  • Om oss
  • Gruppesporing
  • Presse
  • Vilkår
  • Personvern & Cookies
  • Hjelpesenter
  • Avtrykk