Junglewanderig

Hütt nacheme grosse Zmorgebuffed, hett eus s Boot uf di ander Siite vom See bracht. Vo ded us simmer zrugg zu de Lodge gloffe. S Hilight (vorallem für euse Guide) isch e grossi Vespe gsi wo ihri Eier i Kakerlake leit, eue Guide isch völlig us em Hüsli gsih, da er die sitt 10 Jahr nümme gseh het. Leider hani keis guets Fotti chönne mache, da das Viech so nervös gsi isch.
Für mich sind die gifftige Fröschli s Hilight gsi. Mir hend aber au wieder Affe, Fröschli, Raupe, grossi Echse und e hässigi Tarantle gseh. Guet Tarantle isch vielicht hässig worde will de Guide sie miteme Stäckli usezeukled hett. Czytaj więcej