Satellite
  • Day89

    Leers Flugi

    December 12, 2019 in the Netherlands ⋅ ☀️ 4 °C

    Muss doch nomal öbbis schribe, wiils so cool isch.
    Und zwar hani am Flughafe in Quito no en Schwizer kenneglernt und de hett en Platz am Notusgang gha, drum hani gfröget öbi min Platz cha wechsle. Sie hend den gseit es hett no ca 100 Plätz frei, aber da mer in Guayaquil no en stopp hend und sie nöd wüssed wieviel Lüüt dezuechömmed, sölli doch no warte und den di neu Crew in Guayaquil fröge. Das hani den au gmacht und siehe da, es hett no meh Platz gha. Vo 300 Plätz sind grad 104 beleit gsi. Somit hani en Notusgangplatz gha und es paar Reie hine drah hani e drüer Reie gha zum schlafe. De hammer, ha no nie so en erholsame Flug gha.
    Da mer den halt no mit de Flugbegleiter chli greded hend, hemmer no meh z esse becho und hend no chönne go luege wo sie ihri Schlafkabine hend. Sind no spannendi und lustigi Gspröch gsi und all sind supper druf gsi im Flugi, will jede guet hett chönne schlafe.

    So en richtig guete Abschluss vo de Reis.
    Read more