Platypus

Nachem zMorgä si mir i Fern Glade Platypus Reserve gfahrä ir Hoffnig, dass mir hüt mau ä Platypus gseh. Leider isch aber kenä umä gsi 😔. Immerhin hei mir aber wieder äs paar Pademelons gseh 😃. Nachämnä zyytli hei mir ke Geduld meh gha u si i Leven Canyon gsi gah loufä. Dert hei mir ä chliini Rundwanderig mit 2 Lookouts u 697 Stägätritt gmacht 🥵. U das mau sis ganz blödi Stägätritt gsi, wüu si si nid gliichmässig gsi. Aber gschafft hei mirs ja gliich 😅.
Nach derä Rundwanderig hei mir o scho wieder zrüg id Ungerkunft müessä gah packä, wüu morn isch ja de üsi Zyt hiä z Tasmaniä leider o scho wieder dürä u mir flügä zrüg uf Melbourne fürä 3. u letscht Teil vo üserä Reis.

Das mir am Morgä aber ke Platypus gseh hei het üs eifach ke Ruäh glah, drum hei mir nu ä 5tä aalouf gnu 🤔. U tatsächlich 😍... Mir hei das Glück gha u hei eim wunderbar chönnä zuäluegä umäschwaderä. Das isch doch ä perfektä Abschluss für Tasmaniä 😊Read more