Pinguin 🐧

Mittlerwiilä si mir z Burnie aacho u hei nach langem Suechä d Ungerkunft onu gfungä 😅. Drum si mir hüt onu chli d Umgäbig vo hiä gah aaluegä. Zersch si mir uf Ulverstone gfahrä. Nachdäm mir dert chli am Strand entlang gloffä si, si mir o scho wiiter uf Penguin (Ja, das Dörfli heisst würk so😉). Bhabä am Strand steit ä riisigä Pinguin 🐧, wo si anschiinend aubä verchleidä. Hüt ischer aber leider nid verschleided gsi😏.

Aaschliessend si mir wieder zrüg uf Burnie u si dert nu chli dür z Dörfli gloffä. Hüt si mir mau richtig schön gah znacht ässä 🍝 u när grad diräkt a Strand, wüu hiä im Nordä vo Tasmaniä giz überau Pinguinä 🐧, wo am Aabä zrüg a Strand chömä für di Jungä z füetterä. U natürlich hei mir üs das nid wöuä lah entgah. U tatsächli hei di nid lang uf sich lah wartä. Di Jungä si scho parat gstangä bis di autä usem Wasser cho si 😃. Äs isch mega härzig u luschtig gsi zum zuäluegä wi si über di Steinä drüber gumpet si 😄. U mir heis würk grad breicht u hei dörfä zuäluegä, wi ä Jungä gfüetteret wordä isch. Was mir aber nid gwüsst hei isch, dass di Pinguinä ä riisä Lärm chöi machä😳.Read more