Italian night

Was füres schöns Wuchenend 😊

Am Namittag hend mer en Usflug an Strand gmacht und sit laaaangem hani wiedrmal eh Sandburg baue 🙂 Ohni Chessel und Schüffeli nöd ganz eifach gsi. Zum Dekoriere hemer ganz vieli schöni Muschle gfunde und wise, fine Pudersand gno🥰

Spöter hemer Italienisch kochet. Jede het was bihgstüret, eusi zwei Chinese hend es Poulet gmacht (mhhh das isch gfüllt gsi mit Gmües, het biz usgseh wie en Truthahn ah Thanksgiving 😆), de Franzos het en Wii bsorget, die anderi Schwizerin en feine Salat zuebereitet und ich han eh Lasagne gmacht ☺️ isch alles u fein gsi und vorallem so schön mit sovielne Lüüt ah eim Tisch sitze, wie eh Grossfamilie 🤗 ach ja und de feini Öpfelstruddel am Endi dörf mer nöd vergesse 😂 mjammii!

Da eusi Chinese Endi nöchst Wuche abreised hemer für die Chlini es Osternästli bastlet und's ide Wohnig versteckt, sie het so Freud gha ihres Nestli goge sueche 😆 Nachher sind mir drah gsi mit sueche 😅 wie langi scho keis Ostereili han müesse sueche, bin z'bequem worde für das, bervorzuge also scho wenns de Osterhas uf de Tisch stellt, für was die ganzi Arbeit wenni nur wett Schoggi esse haha 😂🙈😜

Mis Highlight vode Wuche; Ich han s'letzte Pack Mehl ergatteret im Supermärt 🤠 han mich echt sooo gfreut drüber. Gane jetzt sehr sparsam mit dem um 😂 Extrem wie mer plötzlich ah so Chlinigkeite soviel Freud chan ha.
Jetzt fehlt nurno Hefe für min Zopf für de Ostersunntig abr denke da stönd Chance eher gring. Git es paar Alternative mit Quark woni wird versueche. Und...ich wett unbedingt Ostereili färbe 😍 und wenn s'Mehl langet na Osterchüechli bache 😊 scho lang nüm soviel Zit ide Chuchi verbracht. Vorallem isches schwirig nöd für eh Armee z'choche bzw. mini (verfresseni) 😂 Familie 😘 susch mueni immer Tage nachher Reste esse 😅

Aber doch wirdi de Strand au täglich ufsueche, den die Wuche erwartedmer Temperature zwüsched 30 und 37 Grad 😅😍🏖🌊🌡☀️Read more