Überwältigt

Mir sind überwältigt wie hilfsbereit d'Aussies sind 🤗 Mir hend 3 Täg imne Huus dörfe schlafe und si vo Lüüt wo mer nöd kenned, Poliziste hend das für eus organisiert.

Am andere Tag simer go poste is Dorf und es het bereits jede gwüsst das mir die Backpackers vom Segelboot sind 😅 imne chline Dorf verbreitet sich Tratsch schnell 🙈
Poste isch sehr amüsant gsi; mer hend extra eh Ihchaufsliste gmacht damit mer nöd zviel postet, da mer ja nur 3 Täg da sind. De Alberto het den gfunde mer laufed chrütz und quer dur de Lade und hend eusi Ihchaufsliste chöne wegschmeisse will mer anderi feini Sache gseh hend und sofortigi Menuahpassige vorgno hend😂 mer sind öpe 1h ih dem Lade gsi und er isch also nöd bsunders gross. Natürli hemer eusi Sache chum möge heiträge will mer soviel postet hend 🙈 viel zviel für nur paar Täg abr er het hunger gha und gmeint mer bruched 3kg Pasta plus Härdöpfel und Hamburger etc. für 3 Malzite 🤦‍♀️😂 Er het den kochet will alles was ich id Händ gno han het er mir zeiget wie mers richtig macht; mer het chöne meine ich heg nanie kochet...wussahh 🙏😅Han nödmal d'Eier für de Schoggichueche "richtig" trennt 😂 also bini 3h uf de Chuchikombi ghocket, bin zueständig gsi zum Musik laufelah und han am "Profichoch" zuegluegget. Mama mia 🤦‍♀️😂Abr s'choche het er im Griff bzw. es isch uuu fein gsi, wär eifach schier verhungeret will er solang gha het mit zuebereite etc. und natürli hemer meh als zviel Pasta gha 💁🏼‍♀️😊 hani doch vo ahfang ah gseit 😂

Am andere Morge hemer alles drahgsetzt zum usefinde wie mer am beste zrugg uf Perth chömed. En Bus fahrt nur eimal wöchentlich und zwar am Mäntig und mir hend Mittwuch gha 🙈 es Auto hemer nöd chöne miete will alles gschlosse isch wegem Corona. Mir hend gwüsst mir müend en Zoll passiere und dadezue bruchedmer eh Erlaubnis, die hemer aber no vom Segelboot. Nur dumm das wo mer s'Boot verlah hend, de Sailer-Sam eusi Erlaubnis storniert het. Das hemer also nur zuefällig usegfunde und eusi Travelerlaubnis isch somit nurno bisam 23.59 Uhr gültig gsi und mir hend bereits 14.00 Uhr gha. Mir hend den ufere Facebooksite wo speziell für Backpackers in Australie gmacht worde isch "Adopte a backpacker in WA" um Hilf gfröget ob öpert zuefällig hüt na uf Perth fahrt.
Es het Lüüt geh die hend eus ahbote vo Perth us 300km in Norde zfahre um eus goge abhole; abr ohni Travelerlaubnis gat das leider nöd 🤔🤨 mir hend ah Autostopp denkt gha und sind ad Tankstell go eusi Nummere hinterlegge falls eus öpert chönt mitneh. Mir mönd eifach zrugg uf Perth und den chömer witerluegge.
Am 15.00 Uhr het eus öpert uf Facebook ahgschriebe, das er eus chönt mitneh. Mir sind beidi für ein Augeblick erliechteret gsi 😄 aber...es het sich usegstellt das de nur EIN platz het im Auto 😅🙈 und er fahri ih 20 Minute los. Also hemer schnell möse überlegge wer vo eus gat. Ich han abklärt obs möglich weri dur de Zoll cho wenni es Flugticket han. Polizei het mir mitteilt gha dases möglich isch, also hani gseit de Alberto sölli hüt gah . De wo eus mitgno het fahrt die Strecki jede Tag zum go schaffe also chan ich morn den gah und eifach es Standby Ticket bueche. Huii..😅also hani ghulfe packe und schwupps isch er gange und ich bin alleige ih dem Huus gsi. Leck bin ich kaputt gsi vo dem Ganze und echt am endi mit mine Nerve 🙈 und den hets am Abig auna en Sturm geh und han Stromusfall gha, also schlimmer chans nüm cho hani denkt 😂😂
De Alberto isch sicher und guet in Perth ahcho somit bin ich am andere Tag drah gsi. Mir isch also scho chli mulmig gsi bimne Fremde is Auto ihstiegge abr das isch mini einzigi Chance gsi und de Alberto hets au überlebt hani denkt 😋 ohni Problem hani de Zoll chöne überquere, mer isch also scho biz mulmig gsi wo er mis Ticket ahgluegget het 😏 Abendtüüt puur 😂Read more