One week to go

Endli hanis au no an Hafe vo Fremantle gschafft 😂 sit 3 Mönet hani das wele 🙈 mit mim super, dupper pinke Bike binu umedüset 🚲😊 inkl. Helm; in Australie isches obligatorisch.

Gli gat mis Abendtüür in Norde los und ich chans chum glaube 🙆🏼‍♀️🙌 ich gane mitem real Australier 😂 und de hani via Facebook kenneglernt, han en Steckbrief gmacht haha (okay das stimmt nur sohalbe) 😆 es git eh Backpacker Gruppe woni drihgschriebe han, dasi öpert sueche wo gern Tauche, Surfe, Schnorchle etc. tuet. Und den het sich de Kurt gmolde 😋 huere Bünzliname, aber er isch echt Australier und chan kei Dütsch 😂😅🙈 Mer sind täglich drah am alli Vorbereitige abzschlüsse und Sache um sis Auto na z'erledige. Bin nöd würkli eh grossi Hilf willi erstens technisch nöd so begabt bin, zweitens null Plan vo Autos han und drittens das englische Vokabular ih mechanischem Werkzüg au nöd zu mim Wortschatz ghört - Sabi live 😂😂 Han ih mim Englischbuech die site übersprunge weles Werkzüg wie heisst, aber bin nomale zrugg und ez weissi echt meh uf Englisch als uf Dütsch 🙈
Han mich den ide Chuchi nützlich gmacht und bache 😊😋

Ach ja die kenned da kei Bodeheizig und am Abig chüelts ez amigs dich recht ab (isch Winter uf se andere Site vode Halbchugle haha) Also hani mini Füessli müesse am Ofe wärme 😁もっと詳しく