Finally - Roadtrip of my life

Vollbepackt isches hüt endli losgange 🚗😆
Das Puff wo mer gseht nennt er sortiert, aber de Überblick het er nöd würkli gha. Mit x Listene vertraui ez eifach druff das mer alles hend 😅

Die ersti Etappe isch 400km und verfahre isch schwierig wenn's Navi seit 347 km gradus 😂 Us de Stadt us isch de Kurt gfahre - zum Glück 🙏 den sis Auto isch nämli gschalte und mitem Jetski ufem Ahhänger nöd so eifach für mich 🙈. Wo mer gwechslet hend hani im den nomale gseit dasi nanie gschalte uf de andere Strassesite gfahre bin - hesch sin Blick sölle gseh 😂 ich hans sicher vorher schomale erwähnt gha, abr isch untergange 🙈 aber heii...mer lebed beidi no inkl. de Jetski wo kei Schramme het 🙆🏼‍♀️☺️

Nach dem lange Tag hemer den de SWAG uspackt und das nennt mer nobel Camping - hend nämli eh richtig Decki, Chüssi und eh Matrazze💁🏼‍♀️😊 Wenn de blödi Schlafsack nöd weri, weri ev. scho viel früehner mal uf de Camping Gschmack cho; viellicht aber au nöd 😂

Wenn eim innert einere Stund 20 Autos entgegechömed isches viel, also nöd gross Verkehr würi meine 💁🏼‍♀️😉 perfekt für mich, will d'Strass susch scho gnueg schmal isch und ich mich nur ade Sitespiegel orientere chan, dur de Mittelspiegel gseht mer nüt will's Auto so voll isch 😂 De Kurt het gmeint ez wüssi wies segi Lastwage fahre, als wür ICH je Lastwage fahre 😅

Da mir nanig sowit im Norde sind und es ide Nacht immerno recht chalt isch (15 Grad) gits anstelle vomne Bier - Glüehwi😍 das isch echt s'beste vom Beste! Gsehsch sogar in Australie chunt mer Glüehwi über 🍷もっと詳しく