Australie 2020

Australien - das Land der Kängurus und Koalas 🦘🐨🇦🇺🌏✈❤😉🏝 Weiterlesen

Folgen Übersicht Kalender Fotos Teilen

Australie 2020 Reisender
What a nice day
14. Juni 2020, Indischer Ozean ⋅ ☀️ 24 °C
Mir sind beidi chli Lamaschis 😂 verwache tüend mer meistens um di 6i am Morge will irgendöpert ufem Campingplatz en mega Meis macht 😅Bismer den aber ufstönd gats sicher nomale 2h, aber abem 8i isches den amigs zu warm im Swag das mer würkli us de Federe mönd. Gmüetlich Kaffi choche und z'mörgele ☺️ Den machedmer jede zweiti Tag Sport (da mir soviel essed hemer de Sport müesse ihfüehre 😂) Nachem Dusche wäred mer eigentli ready zum in Tag starte, meistens so um di 11i, aber den het sicher eine vo eus schowieder Hunger 😂🙈 und da ja au scho gli z'Mittag Zit isch chochedmer wieder öpis haha
Um di 1s chömer den amigs losdüse und hüt simer an Strand.

So lieb, luegg s'Föteli ah wie er de Schlüssel zume Armband für mich gmacht het. Er kennt mich doch recht guet nach nur paar Wuche 😂🙈 han de Schlüssel fürs WC also nieh verlore 😋Weiterlesen
Gefällt 0 mal
Australie 2020 Reisender
Sunrise at the canyon
15. Juni 2020 in Australien ⋅ ☀️ 25 °C
Am Morge am 5i het de Wecker glütet, na kei Sabi Zit 😂🙈 aber es het sich meh als glohnt 😍
hend eus mehrmals überleit, ob mer nöd sölled eus umdrehie im Betz und eifaj nomale ihschlafe. Hend extra am Abig vorher na alles Esse is Auto packt damit mer mitem Sunneufgang chönd, ABER Pfanne hend mer vergesse 😅 und zum de Kaffi choche bruche mer eh Pfanne, für de Toast simmer den kreativ gsi 😂😂Weiterlesen
Gefällt 0 mal
Australie 2020 Reisender
Hiking
16. Juni 2020 in Australien ⋅ ☀️ 25 °C
Wandere im Nationalpark 🙌😊

Ahgeh isch gsi das d'Wanderig 3km lang isch und mer 2h brucht. Han also scho sehr gstunet haha 😂 weiss ja nöd wie langsam d'Australier wanderet. Mir sind nach 50 Minute wieder zrugg gsi 😊 D'Wanderig chan mer nur im Winter mache wenn kei Regezit isch susch isch nämli alles voll Wasser 🙈

Er het mich fertig gmacht weg mine Parkierkünst 😂😂 finde also für das, das sis Auto gschaltet isch und sooo gross, dasi chum vorne usegsehne stahni nöd schlecht 😋 nachem 3 . mal umparkiere und ich bin immerno schräg gstande hanis ufgeh 😂😂 Er verstaht de Satz: Halt die Fresse 😆 sehr guet hahaWeiterlesen
Gefällt 0 mal
Australie 2020 Reisender
Whaleshark Tour
17. Juni 2020, Indischer Ozean ⋅ ☀️ 26 °C
No words!

Es isch garantiert eine vode beste Täg uf minere Reis gsi 😍 bin sprachlos! Bin mitem grösste Fisch wo im Ozean lebt zeme go schnorchle. Und nödmal 3 Meter vo dem 10 Meter lange Walhai entfernt bini gsi. S'kuschle hani für eimal si lah 😂

Bis mer endli en Walhai gfunde hend isches fast 2h gange, sind umedüset mitem Boot. Es het sogar es Flugi am Himmel gha vo dere Company us wo vode Luft us Usschau haltet. Endli hends eine entdeckt und mer sind wie Hüehner ufem Stengeli am Bootsrand ghocket mit Flosse und Maske ah und hend ufs Goooo! gwartet 😂 s'ersti Mal isch alles sehr chaotisch gsi, niemert het so gnau gwüsst was mache, wenn mer de Wal den gsehnd. Sobald mer s'Fischli entdeckt het muen mer nemli losschwümme um halbwegs chöne mithalt 😉🙌

De krönendi Abschluss isch de Backflip vom Buckelwal gsi. OMG 😍😍😍 I have never seen something with my eyes!!

Woni zrugg is Camp cho bin het de Kurt s'ganze Auto useputzt und gsugget 😁 wow bin so erstunt gsi! Au alli Essenszuetate schön ide Box sortiert und s'Bett gwäsche 😍 bin nach 2 Täg immerno beihdruckt gsi😊 Merci 😘Weiterlesen
Gefällt 1 mal
Australie 2020 Reisender
Ässe isch Lebe
17. Juni 2020 in Australien ⋅ ☀️ 25 °C
Chäässpätzli 😍
Han ewigkeit gha, da mir kei Spätzliraffle gha hend abe es isch trotzdem sooooo fein gsi 😊 Han mi mit dem grusige Cheddar Cheese müesse abgeh, aber han soviel ane dah dases richtig Fäde zoge het und füren moment fest drah glaubt dases Gruyere isch 😂

Sushi tönd mer praktisch jede 2ti Tag selber mache 😊

Mitem Curry hemers langsam au im Griff 😁

Klärt wer abwäsche und abtröchne tuet hemer au 😂 ich hasser nämli abtröchne haha

Aber weisch wie freu mich den wieder druff weni eh Abwäschmaschine han 🙌😄

Mer müend enand amigs nur ahluegge und wüssed scho das de anderi au hunger het 😂Weiterlesen
Übersetzung anzeigen
Gefällt 0 mal
Australie 2020 Reisender
Sunset Lover
18. Juni 2020, Indischer Ozean ⋅ ☀️ 25 °C
Jede Tag isch de Sunneuntergang eifach andersch und unglaublich gsi!

In Exmouth chani mir echt guet vorstelle zlebe 😊 Uf de eine Site gseht mer de Sunneufgang und uf de andere Site de Sunneuntergang 🌅 s'Meer isch schön warm und mer het Zuegang zude schönste Schnorchelgebiet mit 1000ige Fisch 🐬🐠🐡🦈Weiterlesen
Gefällt 0 mal
Australie 2020 Reisender
In love with this beach
18. Juni 2020 in Australien ⋅ ⛅ 24 °C
Het nie denkt dases soviel schöni Stränd ade Westküste vo Australie git 🏝

Schöners Wasser gits echt nöd 😍
Bin sprachlos und wett amigs gar nüm weg gah❣

Ich bin ja susch nöd so de bädeli Typ und ligge lieber fuul am Strand ume, aber da chasch gar nöd andersch. Mer muess eifach ih das glassklare Wasser 😊🏝Weiterlesen
Gefällt 0 mal
Australie 2020 Reisender
Private boat/ beach
19. Juni 2020 in Australien ⋅ ☀️ 24 °C
Öpe 15 km vo Exmouth entfernt befindet sich verschiedeni Insle mit traumhaftem Strand und Wasser 😍🏝

En Schnorchelusflug pro Person het 180.- kostet und es Boot miete für ein Tag 250.- Und da de Kurt Bootsprüefig het isch das eh witeri geniali Idee gsi vo ihm 🚤

Mit hend eusi (also am Kurt sini 😂) Tauchsache mitgno; hauptsach er het alles zweimal inkl. Tauchtänk 🙈😊 D'Unterwasserwält isch atembetaubend gsi. Bin echt stutzig gsi 😁 sehr vieli Koralle und vieli schöni Farbe 😊 da es nach 3 Jahr erst wieder min zweite Tauchgang gsi isch hani nachli müeh gha mitem Gwicht, er het mi immer müesse vode Wasseroberflächi abezieh 😂

Han des öfteren au mal Stüür dörfe überneh, da es doch uf mim Australietrip nöd s'erstmal isch dasi es Boot stüre bin nüm ganz en Ahfänger gsi.😅 Aber finds doch immerno schwirig und denke dases ufem See doch biz eifach isch wills nöd ganz eso grossi Welle het wie ufem Meer 🙈
Dankem Kompass hani d'Insle au nöd chöne verfähle 🧭
Mitem langsam Ahfahre oder langsamer werde hanis nöd würkli im Griff gha 😅 jedesmal isch de Kurt schier ad Windschutzschiebe gfloge 🙈😂 sorry 😬🤦‍♀️😊

Nachem Tauchgang simer no goge schnorchle 😍😊 Unglaublich! Vorallem will mer die einzige wit und breit gsi sind. Hend en Anker gsetzt ca. 500m vom Strand und sind ah Ufer gschwumme. Die ganzi Insle hemer für eus alleige gha. Was füres unglaublichs Gfühl 🙌 ufem Retourweg hani vorgschlage es Wettrenne mache will er gfunde het er segi schneller 😋 er het nach de erste 100m ufgeh 😂 thjaaa 😊

Ganz vieli Delfin hend eus umzinglet wo mer nöd so schnell gfahre sind 🐬🐬🐬 die Tier sind eifach magisch, wenn mers so im offne Ozean gseht 😍

Natürli hemer au Esse debi gha..😊 wenns kei Sushi zum Z'mittag git den halt Wraps mit Falafel und alles was mer susch na so findet 😁Weiterlesen
Gefällt 0 mal
Australie 2020 Reisender
Diving at Navy Pier
19. Juni 2020 in Australien ⋅ ☀️ 24 °C
S'Navy Pier isch lut Internet eine vode 10 schönste Tauchort uf de Welt 😍 I totally agree!!! Heti also nöd denkt, was wetsch au gseh ah somne Pier 🤦‍♀️😅

Kollege woni troffe han uf de Whalesharktour hend devo gschwärmt das mer echt soviel Fisch gseht und mer nüm weiss wohi luegge 🐡🐠🐟🦈 han mi nomeh gfreut - endli mal wieder en Ort mit viel Fisch und Farbe, nach Ägype hani nemli nüt schöners meh gseh.

Han gwüsst vo dene Kollege das mer ca. vo 2 Meter us mitem ganze Tauchzüg muen is Wasser gumpe wills ja amne Steg isch 😬 Ich und mini Höheangst 🙈 Han mi zum Glück dadruff chöne vorbereite und den isches doch nüm ganz eso schlimm gsi, abr doch na es bizzeli 😂 Eimal im Wasser und den abtaucht bisch eifach inere andere Welt 😍

OMG die tönder Fisch wo mer gseh hend 🐠🐡 eine isch en mega Specki gsi und grösser als ich 😂 und ein Reefhai wo es nickerechen gmacht het 🦈

Eimal hets mich schier verbässet vor Lache Unterwasser 😂 er seit mir uf Dütsch immer ich seg en lahme Schnägg will er schneller isch im Wandere 🙈 Und plötzlich hemer en Wasserschnägg entdeckt und er zeigt mir mit Zeichesprach das das ich bin 😂😂😊🙈 ich han nüm chöne vor Lache und mer isch natürli Wasser id Brülle cho. Han mi den müesse wegdrähie zum mich beruhige 😋Weiterlesen
Übersetzung anzeigen
Gefällt 0 mal
Australie 2020 Reisender
Schnorchle vom Jetski us
20. Juni 2020 in Australien ⋅ ☀️ 24 °C
Sooo lässig mitem Jetski dur's Wasser düse und det wos eus gfallt en Anker setzt und chli goge schnorchle 🐠
Is Wasser gumpe isch easy aber uf de Jetski ufechraggsle isch immer biz schwiriger haha
Eimal hets eus schier dreht (natürli weg mir) 😂🙈

Spöter simer anen einsam Strand und er het Guitarre gspielt und gsunge währedem ich döset han 😊

Mal ganzen gmüetliche Tag zur Abwechselig 😁Weiterlesen
Gefällt 0 mal
Australie 2020 Reisender
Off to Karijini
21. Juni 2020 in Australien ⋅ ☀️ 27 °C
Au wenn mer na 2 Wuche chönt in Exmouth verbringe isch doch Zit worde zum Ufbreche 😶
Exmouth isch es herzigs Städtli mit nur paar tusige Ihwohner und eim Do.rflade 😂

Die nöchste 8h im Auto verbringe 🙈🤦‍♀️🚗😅
Er het viel Nerve brucht mit mir, bin nämli schier verfuulet 😂

STOP! Mir seit er immer ich söll nöd schreie - don't yell at me (abr er weiss nöd wieni schreie wenni würkli hässig bin 😋) han höchstens eh anderi Stimmlag 😂😂 Ich fahre schön mini 100 und den schreit!! er Stop! Ich bin wiedrmal verwirrt gsi und han denkt was isch jetzt wieder los haha Aber dasmal isches zurecht gsi. Denn es isch eus es normals Auto entgegecho mit Warnblinker und eme Schild "Achtung grosser LKW folgt". Denn muesch nemli ab de Strass will s'Fahrzüg wo entgegechunt soooo gross isch und beidi Strassesite brucht 🙈 mer isch also scho mega mulmig gsi.Weiterlesen
Gefällt 0 mal
Australie 2020 Reisender
Mount Bruce
22. Juni 2020 in Australien ⋅ ☀️ 22 °C
Chum mir gönd go wandere...😁🙌

2h simer de Berg duruff gwanderet, abe hemer den doch biz länger gha.
D'Australier kenned de Unterschied zwüsched wandere und chlättere nöd 😅 Es Wunder das mer sich nöd muen Abseile 🙈😂
Die ganzi Wanderig isch doch na recht ahstrengend gsi, da es 645 Höhemeter gsi sind 🙈 Isch also fast wie wandere bi eus ide Berge gsi 🏔 Han gar nöd gwüsst dases "Berge" in Australie git 😋De Mount Bruce isch de zweithöchsti Berg in WA. Also chani wenigstens sege ich bin würkli go wandere, will die ersti Wanderig wo mer in Perth gmacht hend isch eher en Spaziergang gsi 😂😂 verglichbar mitem Üetliberg 😋

De Monsieur isch immer 200 Meter vor mir gloffe bzw. grennt. Vlt. lits eifach drah das er grösseri Schritt macht 🙈 Jetzt weiss er wenigstens was Warte uf Dütsch heisst 😂

Mer hend ein Rucksack teilt, zerst hend mer min chline wele neh mit eusne beide Trinkfläsche und eusem Profiant (natürli bruched mer Esse😂) Woni vom WC zrugg cho bin het er den sin (tönder!) Rucksack bereit gha mit mim drinine anstatt das er eifach d'Sache usegno hetti vo mim und ih sine tah het 🤦‍♀️ ◇ Churz betreffen WC, eher Plumsklo und han jedesmal Angst das weni de WC Deckel lupfe eh Monsterspinne ahtriff oder eh Schlange gsehen 🕷🐉 Han bis jetzt Glück gha und na keine troffe 😅 ◇ Er het de Rucksack am Ahfang gno und bevor mer de Gipfel erreicht hend hani ahbote ab jetzt de Rucksack zträge (omg soooo heavy😯) de isch fast so schwer gsi wie min Travelrucksack bevori uf Australie cho bin 😂 okay biz am übertriebe bini 😅 Wichtig betone isch BEVORI uf Australie bin, weiss immernanig wieni all das je wieder heibringe 🤦‍♀️🙈

D'Ussicht isch gigantisch gsi 😍 biz Heimweh hani doch becho mit es paar Berge um mich ume 😊 Mer het uf eh Mine gseh, het Stunde chöne zueluegge wie de Zug und die Lastwäge das Ise usem Bode baggered und verladet. 🚛 Han nanie sonen lange Zug gseh 😬😱 garantiert meh als 50 Wäge gha 🚞🚞🚞🚞🚞🚞🚞🚞🚞🚞🚞🚞

PS; Wennd s'Video ahlueggsch, ja es het uuuu mega fest gwindet 😂😂Weiterlesen
Gefällt 0 mal
Australie 2020 Reisender
Hancock & Weano Gorge
23. Juni 2020 in Australien ⋅ ☀️ 24 °C
WoW 😍 Unglaublichi Schluchte!
Die schönst isch Hancock gsi 😊 d'Wanderig bzw. s'Chlettere isch uu mega ahstrengend gsi und mengisch hemer fast müesse schwümme dur die Schluchte.

Die Wanderige da sind nach Schwirigkeitsgrad ihgstuft und Class 5 isch s'schwirigstr und d'Schlucht Hangcock gsi. Nachdem mer bereits mehreri Schluchte bsuecht hend hemer usegfunde das mer nur bide Wanderige mit Class 5 müend gueti Schueh ahzieh, de rest lat sich easy mit Thongs (Flip Flops - Aussie Slang) mache 😂 Au sind Zite wo vorgeh sind wie lang mer öpe het überhaupt nöd glaubwürdig. Mir hend immer durch 2 chöne rechne 😋

Zweimal weri schier vom Felse is Wasser abegheit; natürli het er den nie es Video gmacht (timing) 😋😁 Au da isch er meistens 100 Meter vor mir gsi oder den en Felse witervorne, aber dasmal isches mir egal gsi. Han ja so Höheangst und gmeint chume nie meh vo dene Felse abe 🙈 Min Blick het ihm verrate mich besser nöd ahspreche 😂😊👀

Hend beidi na so fest Muskelkater gha vode Wanderig uf de Berg 😅 aber wenn mer d Füessli amigs is chalte Wasser ghebet hend isches grad wieder besser gange 😄Weiterlesen
Gefällt 0 mal
Australie 2020 Reisender
Fern Pool
23. Juni 2020 in Australien ⋅ ☀️ 24 °C
Jedi Schlucht isch für sich einzigartig gsi! 😊

Bis uf eini bin ICH ih jedere goge Schwümme, de Monsieur hets gnau umgekehrt gmacht, er isch nur ih einer go schwümme 😂 Er isch biz en gfröhrli - okay es isch au arschchalt gsi 🙈 öpe wie im Verzascatal 😅Weiterlesen
Gefällt 0 mal
Australie 2020 Reisender
Joffre & Knox Gorge
23. Juni 2020 in Australien ⋅ ☀️ 24 °C
Knox Gorge isch am Morge früeh eusi Ersti gsi🏞

Fazit: Mir sind glaubs nachli müed gsi und hend eus voll verloffe 😂😂
De Wanderweg isch nur ih ei Richtig gange, aber mer het chöne ih beidi Richtige laufe 🤦‍♀️ja und mir hend sicher die Falschi gno haha Das isch eus aber erst ufgfalle wo mer zrugg gloffe sind und de Usgang us der Schlucht nüm gfunde hend. Da hend mer begriffe das mer am Ahfang glaubs uf ih die falschi Richtig gloffe sind (den am Endi vom Wanderweg hets es Stoppschild gha und uf de andere Site hemer also keis gseh haha)
Ich han na gmötzled das de Weg huere lang isch und mer irgendwie nüt meh bekannt vorcho isch 🙈 Er het den nur gfunde, da gsehd eh all Felswänd glich us 😂 Dank GPS hemer den de Usgang nach 1h wieder gfunde 😊 han scho denkt zum Glück simer szweite, alleige weri meh als LOST gsi 😂😂🙈Weiterlesen
Gefällt 0 mal
Australie 2020 Reisender
Back on the road..
24. Juni 2020, Indian Ocean ⋅ ☀️ 24 °C
Bizzeli fest chalt isches gsi ide Nacht im Nationalpark 😱🥶 gradmal 5 Grad, weri echt schier verfrorre haha Hend beidi Chappe, Händsche und 3 Pullover ahgha 😂

Zum Glück het euses Camp warmi Duschene gha 😊 und es WC. Kollege vo eus hend pro Nacht 9 Dollar weniger zahlt imne andere Camp, aber defür kei Duschi/ WC und Wasser gha 🙈 Internet und Empfang hemer nirgends gha im Nationalpark, isch au mal schön gsi 😁 Natur puur haha, fölligi neui Erfahrig für mich; wie sovieles uf dere Reise

Au isch dur de roti Sand ALLES wortwörtlich alles Rot gsi 🙈😅 han mich so dreckig gfühlt und gar kei suuberi Chleider meh gha nach 3 Täg 🤦‍♀️

Nach 3 Nächt machedmer eus uf de Wäg Richtig Broome - euses Ziel vo dem Trip! 🙌 Da reini Fahrtzit 16h weri, isch doch en Stopp mit Übernachtig planet 😅 er heti keis Problem zum durefahre abe ich bin schier duredreht mit 8h Autofahre an Stuck 😂 Au hani soviel Nerve bim Überhole vo dene Trucks brucht 🙈😅 D'Strass isch sooo befahre gsi und immer isch mer sonen doofe Truck entgege cho und richtig überhole isch au schwer will mer mitem Ahhänger nur 90 km/h chan fahre..Wuuusahhh 🧘‍♀️😏

Und jedesmal wenni trunke han im Auto und er Gas geh het hani mer s'ganze Wasser über s'Gsicht gleert 🤦‍♀️😂 han diheime denkt gha so cool eh 1.5l Fläsche, aber die het sone grossi Öffnig 🙈 die nimmi garantiert nüm hei 😋Weiterlesen
Übersetzung anzeigen
Gefällt 0 mal
Australie 2020 Reisender
Finally in Broome
25. Juni 2020 in Australien ⋅ ☀️ 28 °C
Omg wow chans chume glaube dasi doch na nach Broome cho bin 🙌😊🙈 Nachdemi solang in Perth steckebliebe bin heti nie denkt dasi doch mal na chan reise und wenigstens öpis vo dem wunderschöne Land chan gseh. 😄

Da obe herrscht mini Temperatur 😍😂 Tag & Nacht isch öpe 30 Grad haha

Mir hend eus zerst mal es paar Täg eifach erholig gönnt 😊 Nüt mache und hänge am Strand 🏝❣🍺

Zum z'Morge het er mega feine Avocadotoast gmacht einisch 😊 jetzt muen er de fast jede Tag mache 😂😂 Im Lauf vom Morge hemer ahgfange zeme Work outs mache, er het eimal Yoga mitgmacht, aber nöd die Freud ufbracht dasers es zweitsmal mache wot 🧘‍♀️😂😋 Also mach ich Yoga und er suschtigs Chrafttraining.

Wie versproche sind d'Sunneuntergäng im Norde na viel schöner als im Süde 🌅❤ (Min Dad het mer es Föteli vom Sunneuntergang diheime gschickt und gseit sie heged also au en schöne -ich dörf langsam hei cho😁)

In Broome gits eh Bierbrauerei wo selbergmachts Gingerbier bruut 🍺 mhhhh..Prost! Hend also es Bsüechli ihgleit und grad es paar Sixpack kauft zur Erinnerig 😂😁Weiterlesen
Gefällt 0 mal
Australie 2020 Reisender
First night out
27. Juni 2020 in Australien ⋅ ☀️ 28 °C
Essen mit dere Ussicht ❤🌅😊😋

Sit 2 Wuche reised mer mit 5 Backpackers, kunterbund zemegwürflet vo überall us de Welt, nur sind sie biz kompliziert da sie immer 5 unterschiedlichi Meinige hend 🙈 Mer hend ois aber hüt Abig in Broome troffe inere Strandbar 🍻🍹🥗🥩 Ab hüt isch endli das 20 Persone imne Resti uf 100 Lüüt erwitteret worde 🙌 trotzdem muen mer sich immerno ihträge mit de Kontaktdate, aber das isch langsam au zur Gwohnheit worde.

Ohhh s'Esse isch sooo fein gsi 😍 Au isches u cool gsi wiedrmal inere Gruppe z'Nachtesse und mit anderne Mädels z'tratsche und lästere haha😂

Vo Bier über Wii zu Cocktails hemer alles trunke - en glunge und unglaublich tolle Abig gsi ❣🌅😄

Mer sind beidi so voll gsi aber für Dessert hets eifach immer Platz 😂🙈 also hemer no Crème brûlée und Panna Cotta bstellt 😍Weiterlesen
Gefällt 0 mal
Australie 2020 Reisender
Surfing
28. Juni 2020 in Australien ⋅ ☀️ 28 °C
Scho s'3ti mal bini jetzt go Surfe in Broome und ich liebs 🏄‍♀️😍❣au gats jede Tag besser 🙌 Eifach nume ich&mis Brett&d'Welle 😊

S'ersti Mal hani praktisch kei Welle verwütsch, nach 4 Wuche Pause fangsch eifach wieder vo vorne ah 🙈 aber am nöchste Tag bini ufgstande und wieder voll ih mim Element gsi 🏄‍♀️🏄‍♀️🏄‍♀️❤
Was natürli genial isch dasi da ide Wärmi nödmal en Neopren bruche - jede gat ganz eifach mitem Bikini 😎👙 was bedütet dasi au meeega brun wird, mengisch hängis au eifach nur uf mim Brett und lass mich triebe 🌊 bin immerno so glücklich und es isch so unbeschrieblich das Gfühl dasi kei Linse meh bruche und eifach öpis gsehne 😍😊

Die Kamels sind jede Abig am Strand und bevori uf Broome cho bin hani unbedingt wele sone Kameltour mache ABER 🙈 nei danke haha mir witzled immer wieder drüber dases sich sowas vo nöd lohnt und d'Lüüt so glangwilt usgsehnd 😂

Eigentli hemer planet gha nur 4 Täg ih dem Paradis z'verbringe, aber hend jetzt um ei Wuche verlängeret. Mer sind eifach nöd ready zum zrugg uf Perth zgah, es isch en Traum da 🏝🍻❤🤗

Achh und das Kanguru hani usserhalb vo eusem Campingplatz gfunde 🦘 omg 😍 han sit 2 Wuche keis meh gseh und bin soooo glücklich gsi und han am Kurt grüeft, er het gmeint es isch was passiert und rennt zu mir ane 😂😂 frögt was los isch und ich so;Luegggg 😍🦘und er soo 🤦‍♀️😅 für ihn isches normal die herzige Gschöfplis zgseh. Er het den gseit ich chans mit Salat füettere und ihne Wasser geh wenns durst hend, hans probiert aber es het zu Angst vo mir gha.
Ich bin 1h mit dem herzgie Ding bes häftiget gsi 😍🦘😍🦘 Ja da isch s'Chind ih mir fürecho 😁Weiterlesen
Gefällt 0 mal
Australie 2020 Reisender
Day off
29. Juni 2020 in Australien ⋅ ⛅ 30 °C
Eifach mal nüt mache (zumindest für mich haha) er findet immer irgendöpis zum am Auto umebastle 😅

Au isch wiedrmal Shopping Tag gsi, er seit immer mir müend nüt ha ah Lebensmittel mir hend soviel. Aber wied vom Bild entneh chasch isch euses Wägeli pumpevoll gsi 😂😂🙈 Mir fressed beidi eifach soviel haha 😄

Toblerone isch ide Aktion gsi und da ich ihm de Uftrag geh han er söll doch na eini go poste für's Mousse au chocolat- er isch den mit 3 Packige zruggcho 🙏😂 Er liebt Toblerone eidütig haha

Mit em Handle zum Öffne und Schlüsse vo eusem Chüelschrank hemer eis Ding 😅 mer hend total scho 4 kaputt gmacht 🙈 es staht 2:2 😂 Und schlimmste isch es isch immer de Glichi; de verflixti Rechti. Jedesmal bricht de ab. S'längste wo er ghebet het isch 2 Wuche gsi. Mir hend also sicher immer 2 uf Vorrat, meistens gat er nämli grad 2x hinterenand kaputt 🤷‍♀️Weiterlesen
Gefällt 0 mal
Australie 2020 Reisender
Echti Perle vo Australie
30. Juni 2020 in Australien ⋅ ☀️ 29 °C
En Traumort 😍

Ah dem Ort hemer eh chlini Tour gmacht und öpis drüber glernt wie sie us de Muschle eigeni Perle herstelled. (nöd für mis Budget denkt🙈)

Aber Gschicht dehinter isch unglaublich interessant und de Ort eh richtigi Oase 🏝❣ Mir hend uf eusere Tour "leider" keis Krokodil gseh 🐊 han immer Angst wenni is Wasser gane oder eifach so umelaufe will die sind da obe eifach überall. Aber ahschinend planet die de Ahgriff, darum dörf mer ih de Nationalpärk am Wasser nie länger als 3 Täg bliebe, will Krokis denn ahgriffe chönted 😅

Mir sind ih dere Umgäbig nachli Offroad umegfahre 😊 han mi aber nödmal getraut usem Auto uszstiege weg de 🐊 debi hetti echt dringenst ufs WC möse 😂😂 Es fühlt sich ah als würsch im Schnee fahre ohni Schneechette und halt 🙈 er hets huere lässig gfunde, mim Gsichtsusdruck ah hani eifach nur Schiss gha haha 😅Weiterlesen
Gefällt 0 mal
Australie 2020 Reisender
Cape Leveque
1. Juli 2020 in Australien ⋅ ☀️ 28 °C
Mer hend en Usflug vo Broome us gmacht - ca. 2h in Norde. Hend de Jetski im Camp lah wo mer sit 2 Wuche sind - gueti Entscheudig gsi 🙏 hend nämli 90 km lang eh shit road gha (rote Sand, holperig und mer chan nöd meh als 80 km/h fahre) 😅 stell der vor wenn mer na de ahhänger gha hetted 🙈 er isch gfahre will, wenn ich gfahre weri währed mer nie ahcho willi mi nöd getraue so schnell zfahre 😂😂 Mit 2 WC Pause hemers den au mal no gschafft am Ziel ahzcho, das huere geholper schlat eifach nameh uf'd Blase 🙈 (Er seit ich muen au immer eh Usred ha, aber wo er recht het hetter recht hihi😂💁🏼‍♀️🤷‍♀️)

Am Namittag simer den go fische 😊😅 teile immernanig die glichi Begeisterig wie er, aber i gib mer fest müeh 😂 ICH het schier en Fisch gfange - falls'd dich ez frögsch wie das gat FAST 😂😂 Also ich han eine ade Ruete gha und schrei ihm zue dasi eine gfange han und ez nöd weiss was mache 🙈💁🏼‍♀️😄 Han denkt er rennt zu mir und hilft mer, will de Fisch het mega zoge, aber nei er lat sich schön zit und watschlet ih einer Rueh zu mir 🤦‍♀️😅 sodass mini Ruete sich imne Stei verfange het und de Fisch ab isch 🙈manoo! Weisch wie hani Freud gha endli mal en Fisch gfange ha..naja nöchst Mal het er gmeint tztz..phh😋 okay. Und nach dem ich die huere Schnur den zweimal um'd Fischerruete verwicklet han hanis ufgeh 🤦‍♀️🙈 wot nüm haha

Mir sind wieder anere Küste wo mer im Weste de Sunneuntergang und am Morge im Oster de Sunneufgang gnüsse chan 🌅❣🙌Weiterlesen
Übersetzung anzeigen
Gefällt 0 mal
Australie 2020 Reisender
Äs Bett = en Traum
2. Juli 2020 in Australien ⋅ ☀️ 26 °C
Nach exakt 4 Wuche hemer s'ersti Mal wieder imne richtige Bett gschlafe 🙌 weisch wie hani das gschetzt 🙈 obwohl han mich jetzt scho so sehr as zelte gwöhnt 😋 (het nie denkt dasi de Satz vo mir gib 😂😂 sit 5 Wuche schlafedmer ez im SWAG/ Zelt 😊)

Am Morge am 5.30 Uhr lütet de Wecker will mer de unglaublichi Sunneufgang hend wele go ahluegge. Hüt bini en mega Morgemuffel 😅🙈 ez chani endli wiedrmal imne Bett schlafe und er wott sofrüeh ufstah mano man. Han mich also glich usem Bett zwängt und es het sich meh als glohnt 🌅 atemberaubend!! traumhaft!!
Nachem Z'morge simer ufen Morgeschwumm (go schnorchle) am Ahfang isches biz frisch gsi, aber den bi de wohlige 26 Grad Wassertemperatur dörfi nöd klage 😂😂

De einzigi Ort wo mer Handyempfang gha hend isch gsi, wenn mer s'Handy ufs Auto gleit hend...Chasch der Story ja denke 🤦‍♀️🙏😅🙈 mir fahred los und da merki das mis Handy fehlt. Schockmoment! Er het mich voll verarscht; er hets nämli bevor mer abgfahre sind zum Glück abegno und versteckt 😅🤦‍♀️ Er het nur gseit; er kennt mich ez doch scho recht guet 🙈

Nach 30 Minute Autofahrt hani biz chüel gha mit de Klimahlag und de Pulli vom Rücksitz füregholt. Da isch mer ufgfalle das mer soviel Platz hend und das isch komisch, hemer susch nämli nieh 😂 also muen eidütig öpis fehle. Und tada...🙈 hend eusi Chüssis vergesse (Luegg s'Bild ah und seg mir bitte die gsehnd doch all ähnlich us, bitte 😊🙏) er findet das nämlich nöd. Also hemer umkehrt und 30 Minute diskutiert wem sini Schuld dases isch 😂😂 natürlich nöd mini haha 🤷‍♀️😅

Er het gfunde uf das Hi une Her brucht er ez es Glace - am Morge am 10ni 😂😂 Also hemer je 3 Glaces usgsuecht am Kiosk und de Rest in TK tah 😄 endli simmer den wieder back on the route gsi 😂🚙Weiterlesen
Gefällt 0 mal
Australie 2020 Reisender
Kroki
3. Juli 2020 in Australien ⋅ ⛅ 31 °C
Ufem Retourweg vo Cape Leveque simer amne Krokipark verbicho. Han jedesmal Angst wenni im Meer bin dasi es Kroki chönti treffe🙈 die lebed nämli all im Norde vo Australie 🐊

Es het eh chlini Füetterigstour geh und den segeds am Ahfang eifach so; ja mir hend 7 Babykrokis mitbracht zum umegeh, wer will dörfs hebe und streichle 😅 das würs ide Schwiz nieh geh! Han am Ahfang na es bizzeli Respekt gha abr nachdem d'Chind das überlebt hend, hani mi denn doch auno getraut 😄 mega coole Moment gsi 😎 De Kurt het gfunde und ez möchti er na es grosses Kroki go umarme 🐊😂😂 han nur gseit; go for it! 😋

Im Video gseht mer die lazy Ficher 🙈 Z.B. wo's gfüetteret worde sind und wenn's Esse nöd grad vor de Nase glandet isch hends sich nöd bewegt 😂😂 chönt ich si haha
Die einte Krokis chönd bis zu 7Meter lang werde 😳😱Weiterlesen
Gefällt 1 mal
Australie 2020 Reisender
Sabi; the sunset lover
4. Juli 2020 in Australien ⋅ ☀️ 30 °C
Das isch mit Abstand de schönsti Sunneuntergang woni je gseh han 🌅😍
Nöd nur d'Sunneuntergäng sind die Schönste au Stränd 🇦🇺❤

Bin sprachlos gsi! Am Namittag isch recht bewölkt gsi, trotzdem 30 Grad 😋😎 und jede Ihheimischi het gseit das es de schönsti Sunneuntergang sit 20 Jahr gsi isch 🙌 how lucky I am! De Himmel het sich innert Minute rot gfärbt 😍😊 Git kei Wort und keis Bild wo die unglaubliche Emotione hetted chöne beschriebe!Weiterlesen
Gefällt 1 mal