Reinicializar a pesquisa
Australie 2020Australie 2020
SatéliteEditar rota

Australie 2020

março - julho 2020
Australien - das Land der Kängurus und Koalas 🦘🐨🇦🇺🌏✈❤😉🏝 Leia mais
  • 111pegadas
  • 4países
  • 143dias
  • 708fotos
  • 48vídeos
  • 47,4kquilômetros
  • 38,2kquilômetros
  • 1,0kquilômetros
Seguir Calendário Compartilhar Lista de metas
Data ascendente
  • ViajanteAustralie 2020
    Dia 39

    Sabi am umeexperimentiere

    9 de abril de 2020, Austrália ⋅ ☀️ 28 °C

    Endli hani Mehl 😊🙂🙋‍♀️

    Mis Schwösterli het mer es Rezept gschickt woni Hefe selber chan herstelle. Da das mini einzigi Hoffnig gsi isch zum en Zopf bache hani das probiert.

    Also die wichtigsti Zuetat isch es Wiisbier 🍻 da de nöchsti Shop 4km vo mim Huus entfernt isch und ich keis Auto ha, bini jogget 🙈 han mi echt paarmal gfröget obi kei anderi Hobbys han, abr ja han würkli kei 😂😂 S'föteli vom Jogge gfallt mer so guet, will mini brune Bei so guet zur Geltig chömed 😆 Han natürli meh als 1s Bier kauft, han mich ja selber möse belohne 😂

    Diheime hani den Bier mit Mehl und Salz gmischt und das 24h bi Zimmertemperatur stahlah. Es het also echt d'Konsistenz vo Hefe becho und han sooo freud gha 😊

    tadaaa...und er gseht nödmal so schlecht us 😄 er isch nöd würkli so ufgange wieni mer das gwünscht/vorgstellt han, aber denke de Umständ entsprechend passts 😉 Mal luegge wiener am Sunntig bim brunche gschmacklich isch 😍    Leia mais

    Ver tradução
  • ViajanteAustralie 2020
    Dia 40

    Oster-Vorbereitige

    10 de abril de 2020, Austrália ⋅ ☁️ 28 °C

    Aktion; Eierfärbe 😂
    Han Lebensmittelfarb postet zum traditionell Ostereier färbe. Fazit: Nöd nur d'Eier sind blau sondern au de Sabi ihri Händ 🙈😅🤦‍♀️ Zerst hani d'Farb is Wasser tah und denkt d'Eier nimmt d'Farb sicher ah. Denkste..🙈 nix isch passiert. Also hani halt d'Farb id Finger gno und vo Hand ahgmale. Mer het nachher ide Chuchi gseh dasi Ostereier gfärbt han 😂 Nach 24h sind den au mini Finger nüm Blau gsi 😊 --> Dank Wöschmittel 😆

    Den hani en Osterchueche bache und de isch uuuu fein. Han extra en Grosse und en Chline gmacht, dassi probiere chan ob de mir au würkli glunge isch und alles wasi dezue chan sege - de Chlini hani ganz gesse 😂😆
    Zum Schluss na Puderzucker selber hergstellt 👌

    Mjammii..chans chum erwarte bis endli Ostere isch..haha wie es chlises Chind voller Vorfreud😋😊🎍🥚🐓    Leia mais

    Ver tradução
  • ViajanteAustralie 2020
    Dia 42

    Happy Easter

    12 de abril de 2020, Austrália ⋅ ☁️ 25 °C

    En mega schöne Osterbrunch im Garte mit Meersicht 🥰

    Min Zopf het mer echt chöne esse 😂 er het au würkli Konsistänz nach Zopf gha, er isch mer eifach nöd so schön ufgange wieni mir das gwünscht hetti 😄 aber mer hend alles gha was mer füren Osterbrunch brucht 🙂

    Sogar Eiertütsche hemer gmacht nur s'Aromat het gfehlt 😂😂

    Bevor mer brunchet hend hemer en Spaziergang am Strand gmacht 😊 hend en Kater vom vorherige Abig gha😂🙈 D'Fläsche Rotwii isch irgendwie schneller weg gsi als mer denkt hend. Und zum Dessert hemer na Glace mit Amarula gha 😍😋 s'einzige gschide wo im TV amne Samstigabig gloffe isch, isch Charlie and the chocolate factory gsi 😆    Leia mais

    Ver tradução
  • ViajanteAustralie 2020
    Dia 45

    Bizzeli Heiweh

    15 de abril de 2020, Austrália ⋅ ☁️ 21 °C

    Hüt het mich s'Heimweh es bizzeli ihgholt.

    Mini Schwöstere hend mir es Briefli mitgeh woni gnau ih somne Moment han dörfe füreneh und lese! Soviel liebi Wort wo mis Herze berüehrt hend dasi nurna meh brüellet ha 😂❤ Wür eu gern mal fest fest knuddle 🤗

    Susch chömer eus amigs echt uf'd Nerve gah und ich bin froh wenni mal mini Rueh han, aber solangsam vermissi Eu 😅😘 Niemertem woni s'Züg chan wegässe (ez mueni alles alleige esse 😂), Chleider chan uslehne ohni z'fröge, heicho und hallo rüeffe (chani scho, abe niemert seit öpis), en Lachflash ha, umechiffle, eu ufd Nerve gah oder chrüzfalsch Singe im Auto etc.🙈 Zum Glück hemer ja ganz vieli Fötelis und Videos woni eu nöd vergesse chan 😋😉 Und Facetime tuet au immer guet ❤

    Zum biz Lache hani ahgfange Divertimento in Südafrika luegge. Bizzeli Heimatstimmig isch ufjedefall ufcho 😊    Leia mais

    Ver tradução
  • ViajanteAustralie 2020
    Dia 46

    Swan River

    16 de abril de 2020, Austrália ⋅ ☀️ 22 °C

    Solangsam wirds au mir biz langwilig am Strand 🙈

    Bin drum wieder mal id Stadt und um de Swan River gloffe 🚶‍♀️ S'wetter het wunderbar mitgmacht ☀️vlt. sötti s'nöchst Mal biz besseri Schueh ahlegge anstelle vo Schlarpe 😂 Bin 3/4 rundume gloffe, das sind in etwa 15 km und den isch usem Nirgendwo eifach es Boot uftaucht! Haha so guet 😊 also hani das zrugg gno, so bini au grad mal no Böötli gfahre ufem Swan River 🛥

    ✅ Um de Swan River eigentli Velofahre, aber da kein Bikeshop offe het bini halt gloffe 💁🏼‍♀️

    ✅ Böötle ufem Swan River

    Was ganz speziell isch sind die schwarze Schwän wos nur in Australie und Neuseeland git 🦢

    Was mir ah Australie bsunders gfallt sind die riesige Pärk. Sie sind so pflegt und eifach ihladend zum uf'd Wiese sitze und nüt mache 😊

    Da ich ja scho ide Stadt gsi bin hani grad na chöne bi mim Lieblingschleiderlade go verbigügsle isch nämli au de einzigi Lade wo offe het, sonen Zuefall au😂 muen mer ja grad usnütze 😄 und han sogar es Bikini gfunde, mer chan ja nie gnueg vo dene ha 😁 und isch schliesslich erst mis 2te und eis hani weggworfe.

    Am Abig ah dem schöne Örtli na luegge wied Sunne verschwindet 🌇

    Perth gfallt mer echt u mega, nöd zu gross aber au keis chlises Städtli :-)    Leia mais

    Ver tradução
  • ViajanteAustralie 2020
    Dia 47

    Goodbye Perth

    17 de abril de 2020, Austrália ⋅ ☁️ 23 °C

    Wer hetti das denkt dasi Perth so schnell verlahne? Und vorallem mit dem Transportmittel 😂 ---> ⛵ ab goge Segle..Schiff ahoi 😊

    Han hüt de letzti Sunneuntergang vom Strand us gnosse 😁 nach 5 Wuche segi jetzt Tschüss Perth 👐 es isch ih zwüschezit mis Diheime worde und ich wird min tägliche Spaziergang am Meer vermisse, min Uslauf ufem Boot wird nüm allzu wit si 😂

    Was het das mitem Segle eigentli uf sich;
    En Australier wo in Darwin wohnt muen sis Boot zrugg segle und isch uf de Suechi gsi nach 4 Backpackers wo ihm uf dem wite Wäg begleited. Han mich bereits endi März scho druff "beworbe", aber wegem Corona isches leider abgseit worde. Am Zistig hani nomale Kontakt ufgno und det hemer ahgfange alles id Wäg leite. Und ja morn gats los 😁 ich weiss soguet wie nüt und das bin susch sogar nöd ich 🙈 lerne grad selber eh neui Site vo mir kenne; kein Plan ha isch au en Plan und de chan sich doch au zu was guetem wende 😉 S' einzige woni weiss das die ganzi Reis ca. 6-8 Wuche gat. Also hani mis Visum verlängeret und nomale ein Monet meh unbezahlte Urlaub becho, vorussichtlich bliebi mal na bis Endi Juni 😎 Ich nimm alles fortzue 😊

    Morn stahni ez mal an Stäg in Fremantle und warte bisi ufglade wird 😂 all 4 Backpackers befindet sich ah unterschiedliche Ort ade Küste und da s'Reise mitem Auto nöd erlaubt isch, aber mitem Boot scho, tuet er eus uflade 😆 achh..das wird mer ja es Abendtüür. Ich freu mich riesig und chan das alles erst glaubi wenni morn ufem Schiffli bi ⛵

    Hüt zum z'Nacht het en usgwanderere Schwizer Rösti kochet 😍 sooo fein gsi und en super Abschluss.

    Han de ganzi Tag min Rucksack packt, nach solanger Zit isch das u schwierig und es het sich halt scho s'eint oder s'anderi ahgsammlet 😅 aber woni mi gfröget han was mir am wertvollste isch, isch mir zerst mis Reisetagebuech in Sinn cho woni vo Hand gschriebe han und natürli d'Briefli vo mine Liebste. Vieles wür mich reue, aber isch ersetzbar. Denn schlussendli sind eh all Erinnerige ih mim Herze und det wärders au immer bliebe ❤ gnau drum macht eim Reise richer!    Leia mais

    Ver tradução
  • ViajanteAustralie 2020
    Dia 51

    DELAY due to bad weather

    21 de abril de 2020, Austrália ⋅ ☀️ 23 °C

    Befinde mich immerno uf sichererm Territorium😂 Ide letzt paar Täg hets sofest gwindet dasi echt froh bin isches nanig uf hohi See gange. Mer wird scho schlecht bim Gedanke dases so fest chönt schaukle 🤢

    Bin also immerno in Perth, es isch warm bi 23 Grad, sunnig, aber sooooo windig 🌬
    Da nix mit gross Sünnele isch, hani endli en Lade gfunde woni es Stirnband und Händsche cha poste - mer weiss nie ob mers doch na brucht 🧣🧤 han ehrlichgseit nöd demit grechnet dasi das Equipment uf minere Reis bruche 🙈 jetzt bin au ich ready und chans chum erwarte 😊⛵👐

    Am Sunntigabig tueni immer Kübel usestelle, ich 😅🙈 ach...ich hasses! Han mir selber gseit wenni je hürate, denn muen das min zuekünftige Ma mache 😂 ich tuen liebend gern Wäsche, Glette, Putze etc.
    Abfalltrennig isch in Australie auch ganz andersch und het chli Zit brucht zum drihcho, also verstah tuenis immernanig, aber weiss zumindest so halbe woni was inetue muen😋
    Da de Bsitzer vom Huus nöd ume gsi isch hemer nöd gnau gwüsst wele Abfall sie am Mäntig abhole, drum hemer all Chübbel ad Strass abegstellt 😂😂

    Zum an Strand gah isches biz windig, aber wenn d'Sunne da gsi isch isches doch sehr warm gsi; also bin trotzdem mitem Bikini uf de Balkon und han zwei Tüechli debi gha zum mich jederzit chöne ihmummele wenn eh Wulche cho isch 😂👙

    Ih Zwüschezit hani mal eh Software abeglade zum mich druff Vorbereite, wenni mi im Summer bide Skyguide bewirb. Bin nach de Ihleitig scho so kaputt gsi, dasi nödmal han chöne ahfange mit de Üebige 😅 Cheibe ahstrengend wenn mer mal wieder biz was mache müen 🙈

    En Mitbewohner isch Choch und er het scho es zweitsmal es mega Menu für eus zuebereitet 😍

    Interessant findi das in Australie d'Löhn wüchentlich uszahlt wärdet, au zahled sie Mieti jedi Wuche. Was mich gschockt het sind Chündigungsbedinige wo sie da hend. Es variiert natürlich aber meistens sinds 2 Wuche 😮

    Ich hoff jetzt dases spötistens am Dunnstig losgat ⛵ d'Australier sind so gechillt ih allem und bin erstunt wie easy ich das ganze nimm 😊 wenn nöd hüt den ev. Morn oder susch übermorn 🤷‍♀️😁 Geduld ha und abwarte isch nöd si mis, aber halte mich guet würi meine 😄 bliebt mer ja au nüt anders überig haha    Leia mais

    Ver tradução
  • ViajanteAustralie 2020
    Dia 53

    Boarding

    23 de abril de 2020, Austrália ⋅ ☀️ 22 °C

    Langsam bini scho eher gnervt und ungeduldig worde 🙈 jede Tag hets gheisse und morn...aber morn den sicher..han also scho nüm drah glaubt das mich de Sailersam ufladet 😂

    Und endli hani hüt ufs Boot chöne 👐 bin mitem Zug uf Mandurah gfahre und det staht s'Segelboot moment no will mer na paar Sache müend repariere. Z.b. es neus WC ihbaue haha ganz wichtig natürli 😉

    OMG das Schiff isch ja riesig 😅😆 Kapazität 9 Lüüt, mer sind 1 Italo, 1 Hölländerin, d'Family mit 4 Kidis 🙈😅 und ich- also vollzählig. Euses jüngste Crewmitglied isch 17 Mönet, herzig wenner schlaft aber brutal stressig wenner wach isch.

    Ide nöchste Täg söttis den losgah richtig Norde ⛵ schiff ahoi!    Leia mais

    Ver tradução
  • ViajanteAustralie 2020
    Dia 55

    Home sweet home

    25 de abril de 2020, Austrália ⋅ ☁️ 21 °C

    Das isch mis "Zimmer", het gwüssi Ähnlichkeit wie de Crewbank im Flüger - fühl mi also richtig diheime haha 😂👐

    Han s'Zimmer zvorderst forne verwütscht und erst eu erfahre dases det am meiste schaucklet 🙈🤦‍♀️ das wird mer ja lässig 😁Leia mais

    Ver tradução
  • ViajanteAustralie 2020
    Dia 56

    Standup Paddle

    26 de abril de 2020, Austrália ⋅ ☀️ 21 °C

    Bisschen Spass muss sein 😉

    Vode Nachbere hend mer die tolle Standup Paddle dörfe uslehne und im Hafe umerueddere oder bessergseit mit de Kidis Pirates spiele 😂 chan dezue nur sege, sWasser isch chalt 🙈

    Interessant, ih dem Hafe wo mer eus befindet hets einige Huusboot und au susch Lüüt wo sit Jahre uf ihrem Katamaran lebe 😮 wow bin fasziniert, han mer das irgendwie gar nie überleit gha dases das git.

    Ufem letzte Bild sött mer Delfin gseh 🐬 die chömed des öfteren goge Sali sege! Hüt Abig wo mer unter Sternehimmel ghocket sind sinds z'vierte nomale cho😍🌠 den rüeffeds enand, so herzig 😊

    Han also Chappe und Händsche scho ihgweiht 😅🧤🧣 haha hoffe abr bruche die ez nöd des öfteren. Zum Glück isch im Norde Tag und Nacht 30 Grad - mini Temperatur 💁🏼‍♀️😊    Leia mais

    Ver tradução