D Noémie mues uf China

Mir hei üs gester de glich scho chli zfrüeh gfreut und womer de nomal zu üsere trekking argentur si sind üsi plän für die nächsti Wuche chli uf eis gleit worde. Er het no keis Pony chönne catche, wo mir aber bruche für de trek und ou für de see bruchts es permit wo mir zu spät dranne si zums no pünktlich überzcho. Nur liecht niedergeschlage simer de zrüg zu üsem Hostel und hei üses "kochte" Znacht gässe und ganz viu über üsi Optione diskutiert. Mir hei üs de entschide glich de bus znä und mau luege was si a de Checkpoints meine.
Ufem erste Teil vo de Busfahrt simer de dementsprechend nervös gsi aber die Frou am Checkpoint het de chli ume telefoniert und üse Schwizer-Pass agluegt und üs de zimlich schnell düreglah :)
So heimer d Fahrt uf de 2 höchsti Pass vo de Welt sogar chönne gniesse und üsi Vorfreude uf de Pangong-See isch immer grösser worde.En savoir plus