Skydive 🪂

G’day, mate! 👋🏻

Hüt ide Nacht währenddesse mir gschlofe hend isch plötzli en Typ ufem Fahrersitz ghockt. Schinbar het en Engländer so tüf is Glas gluegt, dass er anstatt ii sin Camper (wo locker 50 meter eweg gsi isch) in euse igstiege isch.
Nachdem d Laura zwei mal gfrogt het: What are you doing here? ischer usgstiege. Sie het den hindedri grüeft: Please close the door. Fründlicherwiis heter das den gmacht und isch devo torcklet.
Normalerwiis hemmer s Auto würkli immer abbschlosse, aber hüt Nacht isch soo heiss gsi das mirs schnell ufgmacht hend zum lüfte.

D Laura het hüt Morge müsse uf ihre täglichi Kaffi verzichte, will mir am 8ti scho sind go Skydive.
Nach dem mir bim Skydive Spot instriert wurde sind, isch grad d Gruppe vor eus zrugg cho. Vo dere Gruppe hesch s Adrenalin im Körper richtig ahgse, bis uf eine wo us de Luft us sin Mage entleert het🤮😂

Mir sind den öbbe 20 min miteme Propällerflüger über d Whitsundays gfloge. Während mir ufegfloge sind hend eusi instructor‘s eus ahschnallt. Bide Nadia ischs ahschnalle biz schwerig gsi will ihre Typ nur no 2 Finger het ade einte Hand. Chillig z‘gse uf 4500 Meter 🙂

Fazit: SOO GEIL GSI dur d Wolke z gheie! 😍 und het de besser Effekt als de täglichi Morge-Kaffi.Read more