Dag 3- Istanbul

Die mense begin al vroeg vroeg raas hier in die strate, maar ons kon darm bietjie inlê... Na ons opgestaan en reggemaak het, het ons die strate ingevaar... Oppad na die Grand Bazaar ( Een van die grootste en oudste onderdak markte in die wêreld), het ons gou by 'n straat restaurantjie gestop en "ontbyt" gekry. Die kosse hier is vreeslik vleis gerig en dit maak ons net gelukkig! Ons is toe na die Grand Bazaar toe, waar ons vir lank rondgeloop het. Daar is miljoene (okay, ek oordryf seker so bietjie) winkeltjies met die mooiste goedjies! Ons het na die Bazaar toe gou hotel toe gegaan om bietjie af te koel en 'n slapie te vat. Na ons slapie het ons 'n haarkapper gaan soek en toe nou bietjie my hare baie korter gesny... Die haarkapper was baie oulik en snaaks. Soos hy my hare afgesny het, het hy dramaties neergegooi en na die tyd vir my gesê; "I feel so relaxed now!" Shame, die arme dingetjie het my hare probeer uitkam... Na die uitstappie salon toe, het ons na die Blue Mosque toe gegaan, maar dis onder konstruksie en mens kan basies niks sien nie. Goeiste en die mense se voete stink! Ons het toe op die Arasta Bazaar afgekom en heerlik daar rondgeloop. Daar was so oulike winkeltjie waar mens kan aantrek soos in die Ottoman dae en dan 'n klein fotosessie het. Ons het dit gedoen en die vroutjie wat die foto's neem is nogal op dit! Na dit het ons by 'n Hookah restaurant gesit, Turkse tee gedrink en 'n rerige Turkse Hookah gerook. Ek rook oor die algemeen nie enige iets nie, maar when in Rome... Of well, Turkye dan... Dis nogal indrukwekkend met die heel pynappel as geur middel. Daarna is ons na 'n Rooftop restaurant vir aandete. Dis rerig nogal iets besonders om die wêreld van daar bo af te beskou. Ons het uitgekyk oor die kanaal en die liggies van die Asia kant van Turkye. Ons het so oulike aandete bestel wat hulle die vleis in 'n kleipot gaar maak, dit dan voor jou bietjie in die vuur warm maak en die pot dan oopbreek en jou kos uitgooi. Baie nice! Hagia Sophia Mosque is 24 uur oop en ons besluit toe net na tien om daarna toe te gaan, want dit sal mos stil wees... Toe nou nie! Ons het op die mat gesit en wag dat die klompie klaar bid en toe bietjie rondgekyk. Dis oorspronklik gebou as 'n Christelike Katedraal, toe 'n Katolieke katedraal, toe later verander in 'n Moskee, daarna in 'n museum en nou is die weer 'n Moskee. Daar is beide Christelike en Moslem goed op die dakke geverf. Ons het verby so mooi fontein met liggies geloop oppad huistoe en gaan nou weer lekker slaap. Dit voel vir ons of die mense hier nooit slaap nie, aangesien nog baie winkeltjies oop was oppad huistoe (na 11 die aand), hulle asbliklorries asblik sake optel en hulle strate skoon maak in die aand. Daar is nog baie mense wat rondloop en dis eintlik nog baie besig. Maar die twee besige bytjies het nou weer ons slapie nodig!
Baie groete en liefde!♡

The people here start their day quite early and make a lot of noise. Atleast we had some time to stay in bed a bit later. After we finished preparing for the day, we went to the Grand Bazaar. It is one of the biggest and oldest underroof markets in the world. On our way there we stopped for a quick "breakfast". The food here are very meat oriented and we love every second of it. We then scrolled through the Bazaar for quite some time, it's got thousands of little shops, with the most beautiful things in it... After that, we went back to the hotel to cool down and take a quick nap. When we finished our nap, we went on a hunt for a hairdresser and I cut out a lot of my hair. The guy who did it, was very nice. He threw my hair very dramatically as he cut it and afterwards informed me that he feels very relaxed now. Shame, he tried to brush out all of my knots... From there we went to the Blue Mosque, but it's currently under construction and we could barely see anything. Oh my word, a whole building full of people taking of their shoes, can be stinky stink! We discovered the Arasta Bazaar and scrolled through there. There was this cute little shop where you can dress up and they have a mini photo session with you. The lady taking the photos are quite on it. We then went to a Hookah restaurant, drank some Turkish tea and smoked a traditional Hookah. It's impressive when they bring it to you and the "flavor" consists of a whole pineapple! Afterwards we went to a rooftop restaurant and had the amazing view of the Turkish Asia across the water with all its lights. We ordered a dish that they cook in a claypot and then break it open for you to enjoy. We finished off the night at Hagia Sophia Mosque, thinking it will be quite. The complete opposite. It's very impressive. We finished the night by scrolling past a wayer feature with lights and everything. As we walked back, after 23:00, we realised that these people never sleeps. They also do cleaning of the streets, as well as pick up the garbage bag at this time. We are going to have a fantastic sleepy time now...
All our love and regards!♡Read more