April - July 2021
  • Day83

    Back Home

    July 10 in Switzerland ⋅ ⛅ 23 °C

    Nach über 28h heimreis via Costa Rica und Dom. Rep. inkl. 8h ufenthalt in San Jose simer erschöpft z Züri glandet. Da nur knapp 40 lüt im Airbus A-330 si gsi u mir üs hei chönä breit mache, hei mir zum glück paar stund schlaf gfunge.
    Nach witere 2h stung im zug hei mirs de äntlech gschafft u hei üses gwohnte daheim erreicht.
    Überrascht simer worde vo dä vilä schönä wiukommens Gschänkli.
    nachere churze nacht heimer de bim nä super brunch üsi familiä ändlich ume gseh!

    Üsi reis isch aso nach 12 wuche z änd gange. Mir fröiä üs aber scho ufz nächste abentür.

    Cheers Kenneth & Jess
    Read more

    Ines Thönen

    Schön sit er wieder da🥰

    Margrith Deuschle

    Schön syt dier wider zrügg 🥳 übrigens 💐 happy birthday 💐 mier ghöre üs 💐🥰💐

     
  • Explore, what other travelers do in:
  • Day82

    Panama City

    July 9 in Panama ⋅ ☁️ 26 °C

    mir hei di letschdä täg in panama city i volle züg gnosse.. 😀 am letschde tag heimer speed Sightseeing gmacht und bim spaziergang ufe cerro Ancon no eis äs fuutier chöne beobachte 🦥 d schläuse vom panamakanal heimer leider nur vo witem chöne gseh „covid bedingt isch z visitorcenter gschlosse“... egal mir hei spontan am letschde abe z walliserpäärli (pädy&corinne) ir altstadt vo panama troffe! Di zwöi reise iz für paar mönet dür d wäld😍 mir hei ihne „z’ reise zepter“ übergä und ä meega lustige abe zämä ka! 🍻 häbet sorg dir zwöi wünsche euch ä unvergässlich schöni ziit!

    Mir chöme hei🇨🇭
    so schnäll isch di ziit verbi! Nach 12 wuche simer am änd vo üsere unvergässliche reis! unbeschribläch schöni momente womer üses ganze läbe niä wärde vergässe!😌 all di coole lüt womer troffe hei.
    Mir fröiie üs uf d schwiiz, ungloublich fest uf euch alli!🧡

    iz geits ab ah flughafe in panama när witers nach san jose (costa rica) mitem nä ufenthalt vo 8h..🙇
    vo dert flüge mir ufgrund vo z weni buechige i di dominikanischi für 2h ufenthalt u när ab nach zürich🇨🇭

    Mir gseh üs gli!

    Cheers kenneth & jess
    Read more

    Margrith Deuschle

    Chömet de ömel guet heim 👍🥰👍

    Jessica Thönen

    Danke birchimueti🥰

    Corinne Marty

    so cool gsi, euw kennuglehrt zha🤩heit en churzwiligi heimreis✈️👋🏼

    Jessica Thönen

    Wück cool! Häbet sorg 🐑 😎

    5 more comments
     
  • Day79

    Bocas del Toro - Isla Bastimentos

    July 6 in Panama ⋅ ⛅ 29 °C

    Uf dr insle Bastimentos heimer am red frog beach äs wunderschöns u ruhigs plätzli gfunge.
    Jede morge simer vo wäuä gweckt worde.
    Di täglichi yoga stung het üs dr perfekt start i tag verschafft! Stunde heimer versuecht wine seiltänzer uf dr slackline chöne z balanciere.. so hei mir di letschde täg am strand gnosse us üs la guet ga :)

    iz geits zrüg nach Panama City ✈️

    Cheers Kenneth & Jess
    Read more

  • Day74

    Boquete

    July 1 in Panama ⋅ 🌧 19 °C

    boquete äs chlises stettli uf 1200 meter. z perfektä klima für kaffi, orchideä, ärdbeeri und pensionierti amerikaner! „all in“ heimer üs gseit u gad am erste tag ä raftingtour gmacht! Mit paar coole lüt vo überall uf dr wäut heimer üs dr rio chiriqui abekämpft!
    dr tag druf simer zur dr finca lerida gfahre. Dr cesar wo scho sit chli uf ir kaffiplantage schaffet het üs umegführt. dr abou vo kaffi isch spannender aus mir dänkt hei! nach dr füherig heimer glert wi d profis kaffi degustiere! aui si mega närvös wöu nächst wuche dr „best of panama“ kaffi wettbewärb startet!
    Am letschdä tag in boquete heimer mitem nä e-bike no chli d gägend erkundet.

    Morn verlömer üses chline hobbit hüsli und es geit witers nach bocas del toro...

    Cheers Kenneth & Jess
    Read more

    Patricia Deuschle

    😂😂

    Margrith Deuschle

    Hätti o sehr gärn vo däm Kaffee 🙋‍♀️🥰🙋‍♀️

     
  • Day71

    Boca Chica

    June 28 in Panama ⋅ ⛅ 29 °C

    Nach über 4,5h outo fahre ufem sehr guet usboute highway quer düre westlech teu vo panama simer in Boca Chica im Golf vo Chiriqui acho.
    Chli usserhaub vom chline fischerdörfli heimer äs wunderschöns guesthouse mit pool und bester sicht ufz meer gfunge.
    Nachem usgwognige Z Morge het üs dr iheimisch captain Jay im hafe i empfang gno. 6h heimer uf 3 verschidnige insle verbracht. Eini schöner aus die angeri. Nach dä Wanderige vo de letschde paar täg heimer die stunde unger dä paume a dä mönschäläärä stränd richtig gnosse.
    Via Liveticker heimer natürlech dr mätsch Schwiz gäg Frankrich mit vervougt.
    Zrügg im Hafe simer glücklecherwis im einzige restaurant fündig worde u hei dä sensationell mätsch chönne fertig luege.
    Kenneth het mä äuä no uf dä inslä usse ghöre juble wo dr sommer dr letsch penouty ghäbt het.
    Die Paar amis im Restaurant hei o nid würk verstange was dä im rote libli so desume gumpet wägäm nä „soccer“ game.
    But who cares..? Hopp Schwiz 🇨🇭

    Cheers Kenneth & Jessica
    Read more

    Tizian Wagner

    Super! 😂 ich seh de Kenneth grad vor mir bim Juble!

    Jessica Thönen

    ja dä het sini eigeti party ka😅😜

    Margrith Deuschle

    So öppis vo schööööön

    2 more comments
     
  • Day70

    Valle de Anton II

    June 27 in Panama ⋅ ⛅ 24 °C

    Am 4i het dr wecker glüte! Kenneth het um z verreckä uf ä india dormida (dr schlafend indianer)
    dr sunneufgang weuä ga luege.
    Jess wär liäber no chli blibe lige u het sech scho bim gedanke im stockfiisterä düre wäld z loufe fasch id hose gschisse! Nachdem mir z outo am strasserand parkiert hei isch es losgange, mit taschelampe simer dä bärg förmlich ufegsecklet. Bachnass heimer de dä gipfel erreicht und ä ungloublich schöne sunneufgang gnosse..

    Cheers jess & kenneth
    Read more

    Patricia Deuschle

    😍

    6/28/21Reply
    Margrith Deuschle

    Wunderschön 👍 das fählt am Thunersee 🙋‍♀️😘🙋‍♀️

    6/28/21Reply
     
  • Day69

    Valle de Anton

    June 26 in Panama ⋅ ⛅ 24 °C

    Nach knappe 2h outo fahre mit üsem nöiä flizzer usem grossstadt jungle vo panama city simer im grüene anton valley acho. Sofort het üs die gägend ah hawaii erinneret. Überau steinegi vulkanhügu, überwucheret mit grünem waud.
    Z Dorf Anton de Valle isch die grösti ortschaft wo sech im nä vulkankrater befindet🌋 .
    Nachem ichouf ufem lokale märit im dorf simer dr cerro la sirra, quasi ueche gsecklet. verschwitzt aber pünktlech zum sunneuntergang simer ufem gipfu acho.
    Am nächste morge heimer de 2 witeri hüglä erklomme. Dr wäg ufe cerro la iguana hei üs de die drü tierische lokalguides zeigt (lueget säuber).
    T machetene 🔪 wos hie im supermarkt für 4.95$ git heimer leider ersch am abe entdeckt. Besser aus mässer nach tinu’s schliffservice heisi ghoue u hätte üs besser düre jungle ghoufä.

    Cheers jess & kenneth
    Read more

    Patricia Deuschle

    😂

    6/27/21Reply
    Margrith Deuschle

    Das isch mega schön 👍

    6/27/21Reply
     
  • Day68

    Panama City

    June 25 in Panama ⋅ 🌧 23 °C

    nur churz für ei nacht heimer üs in panama city iquartiert. Mir hei di ziit gnüüzt für näs speed sightseeing dür d altstadt. Dr abe heimer ir hostel rooftopbar la usklinge.

    los geit üsi rundreis für zwöi wuche!.. 🇵🇦

    Cheers kenneth & jess
    Read more

    Ines Thönen

    🥰

    6/26/21Reply
    Barbara Joss

    🥰

    6/26/21Reply
     
  • Day66

    Playa del Carmen

    June 23 in Mexico ⋅ 🌙 27 °C

    zrüg vo üsere rundreis dür mexiko! 🇲🇽
    Mir hei ä mega schönii zit ka u di 4 wuche si mega schnäll verbi gange! di unzählige maya-ruine, d eroberig vo dä spanier, di bunti architektur und natürlich dr kulinarische höheflug! I jedem land uf jedere reis gseht me ou unschöni sache, d schäri zwüsche riich und arm isch hiä sehr gross!
    mir chöi üs glücklichschetzä! u ds söte mir aui jede tag!

    I dä letschde zwöi täg in playa del carmen, heimer houptsächlich üsi witerreis nach panama planet.
    z letschde land uf üsere reis! 🇵🇦 fröiie üs if di letschdä wuche!

    Cheers kenneth & jess
    Read more

    Ines Thönen

    🤣

    6/24/21Reply
    Patricia Deuschle

    😂😂🤘🏻

    6/24/21Reply
     
  • Day64

    Isla Holbox

    June 21 in Mexico ⋅ ⛅ 31 °C

    Üses outo heimer z chiquila chöne deponierä u vo dert d ferry nach isla holbox gno. Ersch womer si acho heimer gmerkt ds paar schwümmflügeli für zum hotel z cho no ganz praktisch wäre gsi... (siehe video)
    Schwein heimer ka, ab den womer si acho isch z wätter perfekt gsi!
    Am Hotelpool heimer de äs holländische päärli lerä kennä und ab denn isch es mit de läbäräwärte bärgab gange! 🍻 😎 mir si zämä ga kajake, im nä Beach Club ä süüfige Tag verbracht und jede abe dr food vo holbox gnosse! ungerangerem ä Lobsterpizza (siehe foto)

    ufere Bootstour zwüschem Golf vo Mexiko und er Karibik heimer de chöne fische. mitem Ziel das mir när äs vom Captain früsch zuebereites ceviche chöi gniesse! Nid ganz so eifach gsi, am Fischerfade ä hagä mit fischköder und d gambä! Ohni ruetä natürlich! Leider het de üsi truppe z weni fisch gfange u dr captain het im nächste dörfli müesse ga fisch choufe😂...

    Am letschde abe simer mitem Tizian&Laura wo mir in Costa rica hei lerä kenne und dä holländer ga z nacht esse. Da kenneth ä mega holland fään isch heimer natürlich z fuessballspiel am nächste Tag nid verpasst!

    Di ziit in holbox isch so schön gsi! Pudderzucker-strand mega klars und spieguglatts meer. Eine vo üsne absolutä around the world favorite!😜

    Iz geits ab nach Playa del Carmen, dert dümer üs vorbereite für d wiiterreis🥰

    Cheers Kenneth & Jess
    Read more

    Patricia Deuschle

    So brun bisch😍😍

    6/23/21Reply

    Wahnsinnig schön Meer, dä Sand & di Bootcamperin…💪😉☀️😎🍹👙 [Meli W.]

    6/23/21Reply