Last day of kitesurfing

Nach 5 Täg hie in Kalpitiya isch hüt Zit füre Abschied worde. Einersits hemmer eus am Morge vum Fredi und Wiggi verabschiedet, wo hüt uf Colombo sind zu morn zrugg id Schwiz zflüge. Anderersits isch nach 5 top Wind-Täg au euse letscht Kite-Tag gsi. Mer werded die guet Gsellschaft und dBewegig vermisse!
Au hüt isch de Wind so starch und böig gsi, asmer fascht die ganz Bucht für eus gha hend. Aber hüt hemmer richtig gmerkt, asmer eus die letschte Täg voll uspowered hend - mer hend am Nami trotz super Bedingige fascht nüm möge... Fazit vum Kite: absolut fun und underhaltend, aber körperlich knüppelhart!
Vu dr Lagune zum Camp hemmer hüt es TukTuk gno - das isch au es mini Offroad-Abentür gsi! Zerscht am Strand ufem herte nasse Sand, denn durch de tiefer Sand deruf schlingernd... wienes Putschiauto uf Schmierseifi :)
Bi eusem letschte Abigesse da in Sri Lanka hemmer nur en dezimierti Mannschaft vor Ort gha - ca. dHälfti vu de Gäst und sogar en Instructor liged mit Buchweh und Mageverstimmig im Bett! Da simmer (bis etz zumindescht) glimpflich dervo cho. Fingers crossed!*Read more