Bye Sri Lanka!

Nach 3 Wuche Sri Lanka gahts für eus etz wiiter uf Singapur. Mer hend en super Zit hie verbracht, v.a. au wegem Fredi & Wiggi!
Die erschte paar ruhige Täg in Bentota hend eusi Batterie nachem busy South Africa guet ufgfüllt, dernach hemmer mim eusem Fahrer Sanath 10 Täg im Gegeuhrzeigersinn dInsle erkundet. Durch sis Wüsse hemmer vil vu dr sri lankisch Kultur glernt und en schöne Iblick ins Lebe vu dene sympathische Mänsche becho.
Nach es paar Täg tauche in Nilaveli hemmer die letschte 5 Täg im Kite Worldwide Camp in Kalpitiya verbracht. Da hemmers so richtig gnosse, de ganz Tag ufem Wasser zsi, neus uszprobiere und gueti Gsellschaft zha. Es het guet ta, nach dem lange umegfahre zwerde au chli selber aktiv zsi, dMuskle wieder zgspüre und en Wuche schuehfrei zverbringe!
DSri Lanker hemmer als sehr ufgstellts, zrughaltends und fründlichs Volch kenneglernt. Au wenn sie teilwis gar kei Englisch reded, sind immer für es Lächle zha. Es paar Mal hemmer aber scho zimli ab de mangelhafte Sprachkenntnis messe lache... wie zum Bispil rise & curry, mossarella, holliday (imene Hotelname!), donetion, sea cell (statt sea shell)... :)
Etz freuemer eus aber au uf chli meh westlichi Zivilisation und chli europäisches Esse... off to Singapore!Read more