S.E.A. Acquarium

Zur Vorbereitig vu de hütige Zermatters GV het sich de Sämy die halb Nacht umd Ohre gschlage - somit hemmer de hütig Morge/Mittag numal fuul im Bett verbracht. Womers am Namittag endlich usem Hotel gschafft hend, isch eus dHitz wienen Wand entgegecho. Die letschte paar Täg sind scho schwül gsi, abet hüt hemmers dusse fascht nid usghalte... Darum simmer uf Sentosa ins S.E.A. Acquarium gflüchtet, eis vu de grösste Acquarie vu dr Welt mit über 100'000 Tier. In fein temperierter Umgebig gseht mer v.a. Haie und Mantas - bsunders het eus au de Ocean Dome gfalle, da sitzt mer vor emene riesige Schaufenster wie ufem Meeresgrund und cha in aller Rueh de Fisch zueluege.
Dena simmer nu am Singapore River entlang gschlenderet und de Sämy isch nu zu sim langersehnte Sushi cho :)*Read more