Satellite
Show on map
  • Day159

    Colca Canon

    September 24, 2018 in Peru ⋅ ⛅ 6 °C

    DHauptattraktion in de Gegend vu Arequipa isch de Colca Canon, mit knapp 3'500m eine vu de tiefste Canons vu dr Welt. SMädi het eus scho vorgwarnt gha, as sie vu dem Canon nid sonderlich begeschteret gsi isch - doch ganz uslah hemmers au nid welle. Wel mer in letschter Zit gnueg gwanderet sind, hemmer eus für en klassischi Tagestour mim Bus entschiede - inkl. 80% dütschi Touris (etz wüssemer wo die sich bis etz immer versteckt hend!). Scho am 3 am Morge simmer abgholt worde, doch da dFahrt zum Canon zwüsche 3-5 Stund duuret, hemmer im Bus nu chli chenne nacheschlafe.
    De Afang vum Colca Canon isch es relativ breits aber wunderschön terassierts Tal. Durch Verschiebige i dr Plattetektonik fallt v.a. die eint Talsiite sehr steil ab - ideali Bedingige für Condor, wo sich durchd Thermik lend id Höchi la schrube. Bim Condor Cross verengt sich de Colca Canon - doch scho wie sMädi simmer nur mässig beidruckt gsi... evtl. sind mier Schwizer würkli eifach scho zimli verwöhnt.
    Ufem Weg zrugg uf Arequipa hemmer numal einigi Photo-Stopps igleit und de Sämy isch au nu churz in schön agleiti Therme - doch da dMartina hüt nid sooo zwäg isch gsi, het sie smeischte dervo im Bus verschlafe. DRückfahrt übers hüglige und eher öde Hochland het sich zimli zoge - eusi Guide Maria hets zwar super gmacht, aber so Bus-Reise und v.a. dReise-Gspänli sind nix für eus!
    Read more