Aramayı sıfırla
Norwegen
  • Simon Keiser
  • Nina Achermann
  • Simon Keiser
  • Nina Achermann

Norwegen

Simon & Nina tarafından 27 günlük bir macera Okumaya devam et
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
En yenisi başta
  • Norwegen
    1

    Annis

    6 Haziran, İsveç ⋅ ☁️ 16 °C

    Vo Abisko simmer uf Kiruna abegfahre. Det simmer is Restaurant Annis. Det simmer letscht Jahr au scho gsie und hend nomal welle gah. De Unterschied zu letscht Jahr isch gsie, dass sie das Jahr no gräucherts Rentierfleisch gha hend. Das isch letscht Jahr usverchauft gsie.Okumaya devam et

    Çeviriyi gör
  • Norwegen

    Camping Gällivare

    6 Haziran, İsveç ⋅ ⛅ 13 °C

    Da die nächste 2 Stund Rege agseid hed, simmer no es biz nach Süde zuemmene Camping gfahre wo en Wäschmaschine gha hed.
    Während mer im Camping gwäsche hend, simmer go fische. De ersti Wuff, de ersti Biss. De grösser Fisch (evtl. en Lachs?!) hed sich chönne befreie. Nachher isch s einzige wo bissd oder zumindest probiert hed z bisse, d Mugge gsie. Nach em Znacht hemmer no biz Skippo gspielt. Nachhere ruhige Nacht heds Speck zum Zmorge geh. De Simon isch de, leider ohni Erfolg, nomal en Rundi go fische gsie vor de Abfahrt.Okumaya devam et

    Çeviriyi gör
  • Norwegen
    1

    Storforsen

    7 Haziran, İsveç ⋅ 🌧 12 °C

    Nachemene churze Posti-Zwischestop und emene Picknick uf em ICA-Parkplatz simmer wiiter zu es paar Stromschnelle. De Simon isch scho s' 4 mal in Jokkmokk gsie. Einisch vor 10 Jahr mit em Herr Hug und em Herr Orler, letsch Jahr 2 mal und jetzt zum 4te mal.
    Die Stromschnelle sind den grösser und Beeidruckender gsie als erwartet. Es hed überall verteilt Führstelle und Brüggli gha.
    Mer sind de Wegli entlang ufe und abklettered.    Okumaya devam et

    Çeviriyi gör
  • Norwegen

    Storforsen - Brudforsen

    7 Haziran, İsveç ⋅ 🌧 12 °C

    Nach de Spaziergäng zu de Ussichtspünkt hemmer üs nah für en churzi Wanderig am Abig rund um de Storforsen entschiede.
    Vo dere ursprünglich gwollte churze Wanderig isches denhalt zimli 2h 10km ufe u abe gange im Wald u am Fluss entlang.
    Während de Wanderig hemmer de au üse Ort zum campe entdeckt.    Okumaya devam et

    Çeviriyi gör
  • Norwegen
    121

    Camping Brudforsen

    7 Haziran, İsveç ⋅ 🌧 11 °C

    Nach de Wanderig hemmer eus uf de Weg gmacht zumne Übernachtigsplätzli. Uf em Weg dethi simmer in es Militärisch Sperrgebiet inegfahre. Es isch d Vidsel Militärbasis gsie, en Militär- und Testflughafe. Mer hed drah entlang döffe Fahre, aber kei Fottis mache und ned ah halte. Autos vo de Securitas sind Patroullie gfahre. Euse Spot isch grad a de Grenze zu dem Sperregebiet gsie. Mer hend eus denn für en andere entschiede. Mer sind es Stückli zrug gfahre und det hi wo mer vorher dure gwanderet sind. Es isch en recht abentürlichi Strass gsie, wo euses Büssli aber mit Bravour gmeistered hed.
    Znacht hemmer euse vorkochti Riis vom Morge brötled und es hed en Itopf à la Chefe Simone geh.
    Nach em Zmorge simmer binere chline Bucht wos fast kei Strömig gha hed no gschwind go bade.    Okumaya devam et

    Çeviriyi gör
  • Norwegen
    1122

    Camping Bergom

    8 Haziran, İsveç ⋅ ☁️ 13 °C

    Hüt hemmers gmüetlich gno. Nach em spate Zmorge und em Bade simmer erst churz vor em Mittag los. Nach de Abfahrt hemmer Elch Nummer 6 gseh. Mega nöch hed er über en Hügel neb de Strass gügsled. Bim Zrugfahre nach em Wendemanöver hemmeren leider nur no gseh devo trotte. De Plan vo hüt isch gsie das mer langsam südlich fahred und en gmüetliche Platz gfindet.
    De Platz wo mer userkore hend hed en Fürstell gha. Drum simmer no es guets Stuck Fleisch go poste.
    Wo mer bi dem Platz acho sind hed scho zwoi Camper det gha und komischi Lüt wo luut "Voodoo"-Musig glost hend. D Wiiterfahrt isch au no versperrt gsie, da zwoi Bäum quer uf de Stras glege sind. Nachere gfühlt 20 Punkt-Wendig simmer wiiter. De zwoiti Platz isch bimene Bergseeli gsie. De Weg isch holprig, eng und voller Schlaglöcher gsie. Und hed amene Grabe gendet. Das mal isch keis Wende möglich gsie drum heds en gueti Strecki im Rückwärtsgang geh. Am Afang vo de Strass zum Bergseeli hemmer euse Nachtplätzli den amene Badeplatz wo Camping erlaubt isch gfunde. Es Füür isch schnell gmacht gsie und mer hend euse Znacht chönne grille. Während em Esse hemmer de Sunneundergang chönne gnüsse. Wo mer zrug im Büssli gsie sind, hemmer no en Bsuecher entdeckt. En Biber isch direkt vor eusem Büssli im See underwegs gsie.
    Am morge simmer als erst go bade, bevors den es feins Zmorge geh hed.    Okumaya devam et

    Çeviriyi gör
  • Norwegen
    2

    Camping Trosa Havsbad

    9 Haziran, İsveç ⋅ ☀️ 14 °C

    Hüt ischs wiiter südwärts gange. Immer mal weder hemmer es churzes Päuseli gmacht. Für d Nacht hemmer en gmüetliche Camping underhalb vo Stockholm ufere vorglagerte Insle gfunde. Uf de Insle hemmer no Reh und Hase entdeckt. Znacht hemmer Bolognese koched und hend nachemene chline Spaziergang no chle Rookie gluegt. Am Morge hed no es Eichhörndli verbi gügsled. Noch em Zmorge simmer no is iischalte Meer ghüpft, bevor mer wiiter gfahre sind.Okumaya devam et

    Çeviriyi gör
  • Norwegen

    Camping Öre Strand

    10 Haziran, İsveç ⋅ 🌧 13 °C

    Hüt hemmer eigentlich früeh en Platz für d Nacht welle sueche, wo mer no einisch en Rundi hätted chönne Fische. Leider hed s Wetter ned so ganz mit gspielt. Wells so gregnet hed bis spat am Abig simmer mit es paar chline Stops wiiter bis Helsingborg gfahre. Det simmer den uf en Camping. Znacht hemmer es Bombay Curry gmacht und bi richtige Sturmböe eus zu Rookie i eusi Schlafsäck kuschlet.
    Es hed den so fest gwindet und gregnet, das mer Dachzelt hend müsse ablah. Es hed bi de Lüftigsöffnige und bi de Riiisverschlüss möge inedrücke. Am Morge simmer nacz em Zmorge uf d Fähri vo Helsingborg nach Helsingør. Ciao Schwede, Hello Dänemark.    Okumaya devam et

    Çeviriyi gör
  • Norwegen
    1

    Camping Bretterbude

    11 Haziran, Almanya ⋅ ☁️ 15 °C

    Mer sind gmüetlich dur Dänkemark gfahre und hend nur en Stop fürs Zmittag gmacht. Mit de zwoite Fähri simmer uf Dütschland. Nach de Insle Fehmarn hemmer uf en Camping welle. Obwohls so vell gha hed, isch es richtig kompliziert worde. Entweder hends kei Lust meh gha ad Reception cho, hend s Telefon nümme abgno oder nimmed kei Lüt wo nur ein Tag chömed. Mer hend eus den Entschiede zu dem Hotel z fahre, wo mer vo 1.5 Jahr scho gsie sind. Die hend vor usse en chline und unkomplizerte Bulli-Stellplatz. Mer hend denn det us eusne Reste was feins köcherled, sind de Sunneundergang von Steg go luege und hend euses Schlössli weder gfunde wo mer dazumal here gmacht gha hend. Zum Abschluss simmer no id Bar en Rundi Uno go spele.Okumaya devam et

    Çeviriyi gör
  • Norwegen

    Hamburg

    12 Haziran, Almanya ⋅ ☀️ 23 °C

    Am Morge hemmer alles Fertig packt und sind den no schnell is Meer ghüpft.
    Denn simmer losgfahre richtig Hamburg. Uf em Weg hemmer s Büssli no gsuged, putzt und hend en Stopp imene grosse Outlet gmacht. Det hemmer eus Pommes vo de Frittenbude gholt. D Büssli abgab isch schnell und ohni Problem gange. Mit em Taxi simmer zum Flughafe und hend s Gepäck abgeh. Au das mal hends euses Zuesatzgepäck weder neu müsse bueche.Okumaya devam et

    Çeviriyi gör
  • Norwegen

    Home

    12 Haziran, İsviçre ⋅ 🌙 20 °C

    Nach e chli Stau simmer dihei acho. S Wäsche und s Ufrume hemmer uf morn verschobe und defür d Tami und d Ruby chle kunddlet.

    Çeviriyi gör
    Gezinin sonu
    12 Haziran 2025
  • 2025© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga