Nationalpark Torres del Paine

Ahcho ineme alte aber härzige Hotel uf ere Insle simmer denn easy früeh go penne zum am nägste Tag fit z sii für die 8.5 stündig Wanderig "Base Torres" zu de richtige Torres del Paine (22km). Völlig unvorbereitet simmer denn nacheme Zmorge zum Startpunkt vo de Wanderig gfahre. Die erste 2km sind richtig chillig gsi und mir hend eus scho lustig gmacht über d Ziitahgabe. Nacjer ischs denn aber de Bärg durufgange und mir sind schnell ruhig gsi. Jenschti lüüt hämmer ufem wäg troffe. S highlight sind 2 Assi-Dütsche gsi mit airmax und Buuchtäschli 😂 uf jedefall het sich dä wäg det ufe extreeeem glohnt u d es isch en meega schöne Ort gsi zum die obligatorische Olive ässe 🙂 Total hemmer denn doch nur 6.5h fürd Wanderig gha. D chnüü hemmer denn aber mega gspührt.
Am nägste Tag isch de Stephan im Hotel bliebe und het no was fürd Schuel gmacht dad Opfer. Ich bin zum Lago Grey und em entsprächende Ussichtspunkt. S isch aber zuuu härt windig gsi zums chönne gnüsse. Denn de Stw go abhole und zrug uf Natales gfahre zum s Auto abgeh.
Am Abig ime Resti hani denn eifach per Zuefall na de eint usem Zivilschutz Winti troffe 😂
Am Mäntig gahts denn miten Bus uf Argentinie (Calafate).
TschääseeRead more