Buenos Aires 1/2 🇦🇷

Läck het de Eron de Schisser gha vor soneme lange Flug (s erste Mal übersee). Woni denn d Nachricht übercho han, dass er in Buenos Aires isch und no läbt, isch natürli au mir es Härz uf de Stei gfalle 😂 Öppe 30min später bin denn au ich in Buenos Aires glandet. Nur blöd, dass mer nid am gliche Flughafe glandet sind (hani erscht am Vorabig festgstellt🙂) So hemmer also beid ganz alleige mösse s Taxi/Uber is Hostel näh. Nach ere Übersetzig mit em Eron sim Taxifahrer dimmer denn, als wäred mir Seeleverwandti, genau gliichziitig as Hostel anegfahre.
Guet ändlich hemmer eus also wieder gha. Und was mached 2 gueti Fründe, nachdem sie sich 3 Wuche nümme gseh hend? Genau, sie gönd in Mercado san telmo go Empanadas frässe 🙂
Nachdem mer für irgendwie 7 Franke beid satt gsi sind, hetts au scho euses 2. Bier geh.
Am Namittag hemmer en Chindheitskolleg und sis Weib troffe und händ zämme in Boca (Stadtteil wo aubs Boca Juniors Stadion staht) de Abig verbracht. Dete lauft immer öppis und s sind alli am umenandschreie als wür grad es Derby vo Boca gege River laufe.Read more