Nulstil søgning
Mexiko & BelizeMexiko & Belize
Rediger rute

Mexiko & Belize

marts - april 2023
  • Yannick Wettstein
  • Rahel Wettstein
Et 31-dags eventyr af Yannick & Rahel Læs mere
  • Yannick Wettstein
  • Rahel Wettstein

Liste over lande

  • Belize Belize
  • Mexico Mexico
Kategorier
Ingen
  • 4,4krejste kilometer
Transportmidler
  • Flyvning2.588kilometer
  • Gåture-kilometer
  • Vandring-kilometer
  • Cykel-kilometer
  • Motorcykel-kilometer
  • Tuk Tuk-kilometer
  • Bil-kilometer
  • Tog-kilometer
  • Bus-kilometer
  • Campingvogn-kilometer
  • Campingvogn-kilometer
  • 4x4-kilometer
  • Svømning-kilometer
  • Padling/Roning-kilometer
  • Motorbåd-kilometer
  • Sejlads-kilometer
  • Husbåd-kilometer
  • Færge-kilometer
  • Krydstogtskib-kilometer
  • Hest-kilometer
  • Skiløb-kilometer
  • At blaffe-kilometer
  • Cable car-kilometer
  • Helikopter-kilometer
  • Barfodet-kilometer
  • 30fodaftryk
  • 31dage
  • 329fotos
  • 96kan lide
FølgKalenderDelTræskoliste
Nyeste først
  • Mexiko & Belize
    🥰
    Ek Balam. Was fürne Ussicht! 😍🙊🙊🥰😅E troumhafti Oase!D Wurzle vom Boum göh öppe 20 Meter abe bis zum Wasser! 😳2😜Ja mir si nomau am gliche Ort härä. 😂Üsi Ferietradition, Guacamole zur Vorspis. 🥰🇲🇽

    21. Ek Balam & Cenote Secreto Mayo

    23. marts 2023, Mexico ⋅ ☀️ 27 °C

    So, hüt heimer wieder Programm planet.

    Mir göh no es letschts mau ga Maya Ruine luege. D Ruine bi Ek Balam si drum bsundrig wöu me no darf ufe stige.
    Am 8i duets uf und kurz druuf si mir de oh scho dört. Es isch bsunders schön weme obe ufem grosse Tämpu steit. Rundum gseht me uf aues abe. Kenni Hügle rundum sondern nur wiit und breit Natur!! 🥰
    Mir gniesse d Rueh i dene Ruine wos no nid so viu Lüt het

    Mir mache üs witer ufe Wäg zur Cenote Secreto Maya. Oh dert isch wieder so e Alag. Mä het Hängematte, Ligistühl, Restaurant, Pool und natürlich e wunderschöni Cenote zum ga bade.
    Dert verbringe mir dr Räst vom Tag mit bädele, schlafe und läsä. 😍🥰

    Mir göh am spätere Nami zrugg nach Valladolid und spaziere no kurz übere Mercado.

    Bimne Iced Coffee löhmer dä "aasträngend" Tag la usklinge und fröie üs scho wieder uf z'Nachtesse! 😍🤤🌯🌮    Læs mere

    Se oversættelse
  • Mexiko & Belize
    Troumhafts InseliImmer wieder so cooli Malereie.1Veloselfie. 😅1🍻So schön. ,😍🥰🌯🌮🌯🌮😍

    22. Holbox

    24. marts 2023, Mexico ⋅ 🌙 28 °C

    Hüt mache mir üs ufe Wäg nach Holbox. Ds isch e chlini Insle im Norde vor Haubinsle Yucatan. Zum gfüehlt 10 Mau heisst ds wider Zyt Zone wächsle. Mexiko het Gsamthaft 5 Zytzone, d Provinz Quintana Roo, wo ar Ostküste vor Yucatan Insle isch, het bispiuswiis UTC-5 und Belize oder d Provinz Yucatan het UTC-6. Drum simer immer chli am wärweise was für Zyt isch. 😅

    Mir chöme im chline Örtli Chiquila ah und göh de uf di nächsti Fähre nach Holbox. D überfahrt duret nur öppe 20 Minutä.
    Dert acho sueche mir üses Hotel, ds isch zum Glück nach vom Hafe und mir chöi z Fuess gah. Es isch aber rächt schwär zum finge gsy. 😂🤦Wöu uf Booking het z Hotel Cabana Hermosa gheisse und agschribe isch de Casa Pajaritos gsy.. Mir hei öppe 10 Min ir brüetige Hitz gsuecht! 🔥😓

    D Sunne isch gnadelos gsy a däm Tag. Mir hei üs när es Beizli gsuecht zum chli abchüele. Üs isch dr Schweiss nur no abegloffe.

    Womer üs de chli erhout hei, simer ga es Velomiete und si zum Playa de Coco ganz im Weste gfahre.

    Bis am Abe hei mer de chli chillet und üs ufe schön Sunneungergang gfröit. Und mir si nid entüüscht worde. 🥰😍

    Nachem Sundowner simer de wieder zrügg is Stedli öppis ga znacht ässe. Mir hei hüt Lust uf Streetfood gha drum simer im Centro chli denä Ässensständ nachä. 🥰

    Iz steit no z Highlight vom hütige Tag ufem Programm.
    Am Playa de Coco chame ir Nacht Biolumineszänz beobachte. D Usgangslag isch guet wöu vor 3. Täg isch Neumond gsy. Mir schnappe üs usem Supermarkt es Bier und fahre mitem Velo wieder a Strand. Dert acho strample mir chli im Wasser ume und beobachte das Phänomen.
    Nach däm mer z Bier hei trunke und die wunderschöne Stärne hei bewunderet, isch dr Mond 🌙 verschwundä und mir hei ds Schouspiu no viu besser gseh. 🥰😍
    Öpis ungloublech schöns, eifach im Wasser z stah und weme sech bewegt lüchtet z Wasser drum um. Wahnsinnig!    Læs mere

    Se oversættelse
  • Mexiko & Belize
    ☕🥰
    ☕❄️🥰🚲💨 😜1D SandbankAm Muschlä sueche. 🥰Sundowner 😍🔥😍2Kitschig? 😜😍Sones cools VW Bösli. 😍🥰Yummy 🤤

    23. Holbox

    25. marts 2023, Mexico ⋅ 🌬 28 °C

    Tag 2 uf dr Insle. 😉
    Mir nämes so richtig gemütlich.
    Usschlafe bis churz vorem Mittag u när ga zmörgele.
    Z z'morge gseht bi üs gsund us. 😅
    Mir hei Öpfle, Banane und Rüebli kouft gester und zämä mitemne Brötli git ds es super Zmorge. 🥰

    När hocke mer ines gmüetlechs Kaffi und trinke währendem läse chli Iisch Kaffi. ☕❄️ Es isch nämlech scho wieder so heiss, dass mer gar ke Luscht hei üs zviu z bewege. Und ar bräntigä Sunne a Strand liege isch üs oh zwider.. 😅

    Öppe am haubi 4i göh mir de zum Playa Mosquito zum chli ga bädele.
    Dr Playa Mosquito isch nordöstlech vor insle und wunderschön. Es het e mega längi vorglagereti Sandbank wome Kilometer lang im Meer cha loufe.

    Nachem Bädele gömer nomau zrügg iz Stedli und mache üs parat füre Sundowner. Mit Bier 🍻 u Chips bewaffnet gömer nomau a Playa Mosquito und gniesse dr Sunneungergang. 🥰 Was gits schöners? 😍

    Dr Räst vom Abe gseht eigentlich glich us wie gester. 😅 Geile Streetfood im Centro und am 10i zum Playa de Coco für d Biolumineszänz. Mir hei no probiert ds Schouspiu z fötele mit Langzitbeliechtig und weiss nid was. 😅 Leider simer zweni professionell zum das härä z bringe.
    Mir gniesse nomau dä unfassbar schön Stärnehimmu paaret mit dem wahnsinnige Naturspektaku und si eifach glücklech. 😍🥰

    Äbäfaus simer froh morn d Velo wieder abzgäh wöu üs beidne z Füdle weh tuet vo denä Velosattlä! 🤦😜😂    Læs mere

    Se oversættelse
  • Mexiko & Belize
    Fähre nach CozumelPaloma 😍1🥰😍🌯🌯🌮

    24. Insuhopping 🏝️

    26. marts 2023, Mexico ⋅ ☀️ 28 °C

    Hüt wächsle mir d Insle, vo Holbox geits nach Cozumel. Ds isch di letschi Feriedestination bevor mir wieder dörfe hei cho. 🥰

    Am morge früh packe mir üsi 7 Sache und bringe d Velos zrügg. Am viertu ab 8i stöh mer am Stäg bereit und warte uf d Fähre zrugg zum Festland.

    In Chiquila hole mir üses Outo und fahre schnurstracks nach Playa del Carmen. Dört wartet nämlech scho di nächsti Fähre wo üs nach Cozumel bringt.
    Am 2 chöme mir uf Cozumel ah und si sehr positiv überrascht.
    Es isch zwar e grossi Insle mit viu Tourismus aber sehr agnehm, suber und eifach gmüetlech. Oh hie chöme Krüzfahrtschiff ah und bringe düre Tag viu Lüt und am Abe ischs de derfür umso ruhiger. 😍

    Mir hei es härzigs & schöns Hotel für die letschte 4 Nächt. Es het nur öppe 7 Zimmer und het e schöne Garte, mit Pool, Ligistühl und e Outdoorchuchi. Ds highlight isch d Paloma e 5 Monat alti Hündin wo üs aube duet Gsellschaft leiste. 😍🥰
    Mir weis üs ide letschtä Tag no so richtig la guet gah, chille, touche u fein ässe.
    Drum göhmer de am Nami no ga ichoufe, dass mir üs öpis feins znacht chöi mache. Uf das hei mir üs nämlich mega gfröit. Immer nur uswärts isch nämlech uf d Duur oh längwilig.

    Witer sueche mir nachere Touchschuu womer für morn es plätzli zum touche finge.
    Mir wärde fündig und fröie üs uf 2 Touchgäng morn. 😍🐠🦈🐟🪸

    Zrugg im Hotel göhmer üs im Pool ga abchüele und gniesse no chli d Sunne.
    Nachem Dusche choche mir üs mega feini Gmüesburritos und gniesse ds schöne Ambiente.😍    Læs mere

    Se oversættelse
  • Mexiko & Belize
    Drücker-FischSo es tolls Biud. 🐢🐢🐢👋1😋Braui 🥰

    25. Cozumel

    27. marts 2023, Mexico ⋅ ☀️ 29 °C

    Soo, hüt isch wieder mau touche agseit. 🥰🐟🦈
    Am 10 vor 8i träffe mir üs bim Dive Center. Mir fahrä aui zäme mitem Taxi zum Hafä. Anschinend hets hie uf Cozumel ä spezielle Hafe wo nume Touchboot si😅
    Mir hei hüt ganz ä cooli Truppe ufem Touchboot, 4 dütschi Päärli und mir😊
    Z'Touche isch für üs e zimlechi Umsteuig gsy, wöus ä starchi Strömig im Meer het gha. Eigentläch no gäbig wöume sech im Wasser hätti chönne la tribe. Aber wöus haut schwieriger isch gsy zum kontrolliere womä härä wott, ischs zimläch aasträngänd gsy.

    Mir heis trotzdäm sehr gnosse und hei ganz viu gseh. Schildkröte 🐢🥰, Haie, Igeufische (öppis wine Chugufisch), Drücker-Fische, Barracudas und no viu meh.
    Natürlich simer absolut begeistert gsy vo dä härzige Schildkröt 🐢, wie immer 🥰🥰.
    Da üsi Touchschuu nur rein mexikanisch isch, heisis oh nid so pressant gha. Nach 2 Touchgäng chöme mir ersch am 4i zrugg i Hafe. 😂

    Mir si när no ga ichoufe für z Znacht. Ufem Plan wäre Teigware mitere Avocado-Louch-Pesto gsy. Jedoch heimer nachem Touche so Heisshunger gha, dass blöderwiis no paar Donuts im Wägeli si glandet und mir üs im Hotel ä rise Schüssle Guacamole hei gmacht😅

    Am Abä hei mir üs no mit äs paarne Lüt vom Touche troffe zum öppis ga z trinke. Mir hei ä Cerveceria gfunde wo säuber duet Bier braue. Natürlech hei mir dert aui Bierli müesse probiere u si dämenstprächend chli versumpfet🍺🍻😂 (so fescht versumpfet dass dr Yäni mir Text muess diktiere wüu är Taste nüm trifft😂😂)    Læs mere

    Se oversættelse
  • Mexiko & Belize
    1🛵💨🤭
    Mango 😋🤤11🍺Dä heimer no imne Beach Club gseh.Outdoor Chuchi isch cool! 🥰2😅🤤😋

    26. Cozumel

    28. marts 2023, Mexico ⋅ 🌙 26 °C

    Hüt morge heimers de öppe gar nid pressant. 😅
    Mir schlafä us und mache üs öppis feins z'Morge. Spiegu-Ei und Avocado-Tomatä Toasts 🍅🥑. Eifach dr Wahnsinn. D Avocado si eifach unfassbar cremig und lecker. 🥰

    Mir reläxe no chli im Hotel und göh nachem Mittag ga ä Roller mietä. Einisch d Insle umrunde und amnä schöne Ort dr Sunneungergang luege isch z Ziu für hüt.

    Uf dr Ost-Sitä vor Insle ischs sehr wiud. Es paar Beizli, Restaurants und Souveniershops am Strand für di Krüzfahrttouris us de USA, mehr nid. Für die isch aues in US Dollar agschribe und übertüüret. 😅 Mir göh trotzdem ines Beizli eis ga zieh und bewundere ds ruuchä Meer mitemne starchä Wäuägang.

    Womer de scho wieder uf dr West-Sitä ach si, luege mer fürnes Beizli womer de de Sundowner chöi ga näh. Mir finge es gmüetlechs Plätzli und vertribe d Zit no mit läse. I der Ferni chöi mer no zueluege wie gad 3 Krüzfahrtschiff vo Cozumel wieder i See stächä. 🙊
    Nach däm d Sunne am Horizont verschwundä isch göhmer zrügg iz Hotel für z Znacht.

    Es git e Pasta are Louch-Avocado Sauce. 🥰🥑 (Mir hei eifach mau öpis ikouft und chli chöötzet, es Rezäpt gits leider nid.🙊). Es isch aber mega fein cho und mir hei e riiiise Pfanne vou hingerä tischet. 🤤😋🥰
    Mitemne vouä Buuch gniesse mer iz no dr Abe.    Læs mere

    Se oversættelse
  • Mexiko & Belize
    🍞🍅🥑🥰2🥰1🥰1Chli verspiut. 😂👻1Sundowner 🥰😍Kochä 😍Bruschettas 😍Chlini Burritos 🌯🌯

    27. Cozumel

    29. marts 2023, Mexico ⋅ ☀️ 29 °C

    Hüt gniesse mir üse letscht ganz Tag uf Cozumel.
    Dämentsprächend mache mir üs es feins z'Morge.
    Leider hei es paar Ameisi üses Brot kolonialisiert, drum bini no churz i Supermarkt ga es früsches hole. Es het när feins Ciabatta mit Früschkäs, Tomate und Avocado gäh. Eifach numä himmlisch. 🤤🤭

    Nachem Zmorge göhmer no iz Zentrum und bsueche äs paar Lädeli. D Rahel het sech no ä wunderschöni Läder Handtäschä kouft. Natürläch gömer mau no ga es Isch Kaffi trinke und zwar gad bire Kaffiiröösterei. 🤤🥰

    Wos üs de z Heiss wird verbringä mer de dr Räst vom Nami im Hotel am Pool, düe chli läse, Bierli näh u gniesse. Stets ir Gseuschaft vor junge und verspiute Paloma, Dr Hotelhund. 😍

    Vorem Znacht weimer no es letschts mau dr Sundowner ga näh. Mitemne feine Daiquiri und Margarita bewaffnet cha das fasch nid schief gah. 😅

    Znacht gits nomau ultra feini Gmüessburritos mit es paar Bruschettas 😍😅🤤

    Ds isch quasi dr letscht vou Ferietag gsy. Ab Morn heissts Outo zrügg gäh in Cancun, am Fritimorge flüge mer nach Mexiko City und am Fritiabe geit zrügg id Schwizz. 🥰😍👋🇨🇭🇨🇭

    Mir fröie üs scho uf üsi Familie und Fründe dahei!! 😘    Læs mere

    Se oversættelse
  • Mexiko & Belize
    Cancun isch mega schön! 😂

    28. Cancun

    30. marts 2023, Mexico ⋅ ☀️ 28 °C

    Hüt morge dörfe mir z Paradis Cozumel verlah.

    Mir mache üs nomau es feins Zmorge im Hotel und göh am 11i richtig Fähre.
    Diä fahrt planmässig am 12i ab und bringt üs nach Playa del Carmen.

    Mir hole vom Parkplatz üses Outo ab und fahre nach Cancun. Ds Cancun sötte mir spätestens am haubi 5i z Outo abgäh.
    Mir fahre in Playa del Carmen am 1 ab und gmäss Navi häts nid meh aus 1 Stund 15 söue dure. Aber kurz vor Cancun hets eifach brutau afa chnoorzä. Mir si im Stop & Go Verchehr bis nach Cancun ine.

    Am 3 chöme mir i üsem Hotel in Cancun ah und wei afa ga d Rücksäck ids Zimmer due. Nur leider simer bim fauschä Hotel... 🙈 Uf Booking heisst z Hotel Casa Balam und weme ds uf Maps i git chunnt es anders Hotel wo oh Casa Balam heisst. Und ds wo uf Booking Casa Balam heisst heisst in Google Maps Palapas Boutique Hotel. 😂🤦

    Guet de fahre mer zum andäre Hotel. Womer dert achöme und ke Iigang finge sondern eifach e Türe mitemne Zahleschloss wärde mer chli stutzig.

    Iz schicke diä eim es Mail mitemne Link zum ds Zimmer z zahle när bechunnsch dr Code für ine. Ds Mail heimer natürlich nid gseh bismer vor dr Tür si gstande. Und weme nid innerhalb vo 24 Stund zahlt wirds outomatisch storniert. Da mer ds gester morge hei buechet heisst ds witer sueche. 😂

    Langsam wird d Zyt chli knapp und mir bueche es witers Hotel.
    Dert isch zwar genau glich mit Schlüssu Code, aber mit derä heimer kurz chönne Whatsapple und si het üs de afa dr Code gseit ohni das mir scho hei müsse zahlä.

    Aber es het glich nüm glängt d Rucksäck ga z deponiere. Drum simer när wi dr Blitz zur Outovemietig ga z Mietouto abgäh und haut mit de schwärä Rucksäck e viertu Stund zum Hotel gloffe.

    Nachdem mir im Hotel si göhmer de no chli in Cancun ga umeluege und chöme zum Schluss das ds nid schön isch.
    Mir göh fein ga znacht ässe, nomau mexikanischi Spezialitätä🤤

    Morn geits am 5i richtig Flughafe drum isch hüt früh Bett agseit. 😅    Læs mere

    Se oversættelse
  • Mexiko & Belize
    z'Mittag
    Da simer chli düre MäritPositiv ÜberraschtChinatownSi hei so spezielli Süessi Dumplings. Heimer natürlich müesse probierä. 🤤E grossi Bäckerei für öpis z Zvieri 😍KathedralePlaza de la Constitucion🍔

    29. Mexiko City

    31. marts 2023, Mexico ⋅ ☀️ 26 °C

    Ja.. Wo söumä da afa. 😅
    Am Donnschti Abä heimer afang wöue iichecke füre Flug vom Friti Abä. Jedoch heimer üse Flug niene gfunde u si de chli stutzig worde. Mir si de däm chli nachägange u hei miter Hiuf vor Nati usegfunde dass dä Flug storniert isch worde. Nur leider het das üs niemer gseit!

    Mir hei auso praktisch die ganzi Nacht vo Donnschti uf Friti drmit verbracht usezfinde wies itz witer geit. Z Problem isch gsi das d Airline seit si chöi dr Flug nit umbueche dass muess dr Reiseverastalter mache. Dr Reiseverastalter seit aber si chöi nit umbueche sondern nur ä Guetschrift mache.

    Scho gli isch 5i am Morge und voruse wartet üses Taxi wo üs a Flughafe söt bringe füre Inlandflug uf Mexiko City. Mir probiere z Cancun am Flughafe no diräkt ä Flug id Schwiiz z bueche, hei aber ke Chance. Die meischte flüge über d USA oder Kanada u dert brüchte mir no äs Visum was so churzfrischtig natürlech nit müglech isch.

    Auso flüge mir mau nach Mexiko City. Nach ewigem hin u här zwüsche Airline und Reiseveraastalter entscheide mir üs eifach säuber ä nöie Flug z bueche ir Hoffnig dasmer de das Gäud vor Reiseversicherig zrügbechöme. Leider finde mir aber ersch ä Flug für am Samschti Abä, aber houptsach mit chöme irgendwie hei!

    Nach däm riiiise Theater gö mir afang mau öppis feins ga z'Mittag ässe😅 Mir bringe üsi Sache is Hotel u erkunde am Nami de no chli Mexiko City.
    Mir si sehr positiv überrascht gsi vo dere Stadt! Wunderschöni Gebäude u Strassä, so hätte mir üs das gar mit vorgstellt😁

    Zum z'Nacht gits ä feine Hamburger und Tortas u nähr gö mir aber de gli is Hotel. Nachdäm mir letscht Nacht quasi nüt hei gschlafe fröie mir üs scho mega ufs Bettli😴😴    Læs mere

    Se oversættelse
  • Mexiko & Belize
    Zmorge 🥰
    I liebe Märitä!😅🤦🇨🇭🇨🇭🇨🇭Im Flüger nach Paris.

    30. Mexico City

    1. april 2023, Mexico ⋅ ☀️ 28 °C

    Eigentläch wär dä Itrag ganz eifach gsy. Mir lande z Züri u göh hei. 😂
    Iz müesse/dörfe mir no ä Tag meh in Mexiko City verbringä.

    Wöumer ir Nacht vom Donnstig ufä Friti praktisch nüt gschlafe hei, düe mer chli Schlaf nachehole. 😴
    Am Mittag näme mir när es Uber richtig Roma Viertu womer es härzigs Kaffi hei entdeckt.
    Dert düemer es Käffeli näh und öpis Zmorgä ässe.
    Mir loufe no chli dür ds schöne Viertu und und gniesse z warme Wätter.
    Mir loufe no amne Märit verbi und göh düre um no chli Mitbringsu z choufä. Leider ischs meh odr weniger nur e Läbensmittu Märit.

    Mir sueche und finge när dr Mercado de Artesanias. Dä het viu handgmachti schöni Sachä womer no öpis chöi choufe.

    Nachem Märit loufe mer no chli di grossi Strass mit de Hochhüser entlang und nämä när dr Bös für zrügg zum Hotel.

    Im Hotel göhmer no ga Dusche und am haubi 7i gömer a Flughafä ga z Gepäck abgäh! Aues klappet wi am schnüärli und mir chöi entspannt no öpis ga ässe und es Kaffi trinkä.

    Schwiiz 🇨🇭🇨🇭 mir chöme! 🥰😍    Læs mere

    Se oversættelse
  • 2025© FindPenguins
  • Hjem
  • Om os
  • Gruppesporing
  • Presse
  • Betingelser
  • Privatliv & Cookies
  • Hjælpecenter
  • Aftryk