Tyhjennä haku
Mexiko & BelizeMexiko & Belize
Muokkaa reittiä

Mexiko & Belize

maaliskuuta - huhtikuuta 2023
  • Yannick Wettstein
  • Rahel Wettstein
31-päiväinen seikkaillu — Yannick & Rahel Lue lisää
  • Yannick Wettstein
  • Rahel Wettstein

Luettelo maista

  • Belize Belize
  • Meksiko Meksiko
Luokat
Ei mitään
  • 4,4tajetut kilometrit
Kuljetusvälineet
  • Lento2 588kilometriä
  • Kävely-kilometriä
  • Patikointi-kilometriä
  • Polkupyörä-kilometriä
  • Moottoripyörä-kilometriä
  • Tuk tuk-kilometriä
  • Auto-kilometriä
  • Juna-kilometriä
  • Bussi-kilometriä
  • Matkailuauto-kilometriä
  • Karavaani-kilometriä
  • Neliveto-kilometriä
  • Uima-kilometriä
  • Melonta/Soutu-kilometriä
  • Moottorivene-kilometriä
  • Purjehdus-kilometriä
  • Asuntolaiva-kilometriä
  • Lautta-kilometriä
  • Risteilyalus-kilometriä
  • Hevonen-kilometriä
  • Hiihtäminen-kilometriä
  • Liftaus-kilometriä
  • Cable car-kilometriä
  • Helikopteri-kilometriä
  • Paljain jaloin-kilometriä
  • 30jalanjäljet
  • 31päivää
  • 329valokuvat
  • 96tykkäykset
SeuraaKalenteriJaaToivelista
Uusin ensin
  • Mexiko & Belize
    1Boiiing 747Zwischenhalt in Mexico City

    1. ZRH-FRA-MEX

    3. maaliskuuta 2023, Meksiko ⋅ ☀️ 20 °C

    D Vorfröid isch riiisig uf vier Wuche Mexiko und Belize.
    Itz startet üsi Reis mitem Flug nach Frankfurt und nähr gad aschliessend nach Mexiko City. Z Flüge isch üs chli z'widder aber ghört haut drzue.
    Mexiko mir chöme. 😅😁

    Update:
    Auso bis Mexiko City hets glängt. Leider isch dr planet Flug nach Cancun nid müglech gsy. Mir hei öppe 1h45 bir Iireis verlore. Nähr heisi z Gepäck nüm agnoh und mir hättes müesse dür di normali Sicherheitskontrolle näh. Mit auem womer hei drbi gha unmöglich.

    Iz heimer dr Flug uf morn morge am 6i umbuechet und hoffe es klappet. Ds heisst am 3 ufstah für dasmer am 4i am Flughafe si.

    Holprige Start aber mir si zueversichtlech. 😁👍    Lue lisää

    Katso käännös
  • Mexiko & Belize

    2. Cancun bis nach Tulum

    4. maaliskuuta 2023, Meksiko ⋅ ⛅ 30 °C

    Am 3 am Morge lütet der Wecker für das mir pünktlich a Flughafe chöme.
    Gester dr Flug verpasst, das passiert üs nüme!
    Am 6i geit dr Flüger nach Cancun und scho am 4i heimer z Gepäck müesse ufgäh.
    Nach langer Wartezeit chöimer i Flüger und am 9i lande mir in Cancun.
    Mir chöi gad aaschliessend üses Outo ga hole, ä wunderschöne Chevrolet😅 Juhu itz geits ändlech richtig los. Ungerwägs göh mir scho mau mega fein ga zmittag ässe🤤
    Z Tulum hei mir äs wunderschöns Hotel. O d Stadt gfaut üs sehr guet. Leider isch aber dr Strand komplett verboue. Mä chunnt niene zuche weme nit äs Hotel diräkt am Strand het oder ine Beach Club geit, chli schaad... Bis itze heimer dr strand afa uf Google Maps gseh. Drum ziehts üs morn witer nach Punto Allen.

    Z'Nacht gässe heimer ganz eifach immne chline Strasse-Restaurant. So guets ässe heimer scho lang nüme gha. Mir si im Glück. 🥰😁🤤    Lue lisää

    Katso käännös
  • Mexiko & Belize
    11

    3. Tulum - Punta Allen

    5. maaliskuuta 2023, Meksiko ⋅ ☀️ 29 °C

    Für hüt hei mir üs folgendes vorgnoh: d Maya Ruine vo Tulum erkunde und nach Punta Allen fahre wo mir üsi nächsti Unterkunft hei.
    Punta Allen isch äs Fischerdörfli mitts im Nationalpark Sian Ka'an.
    Di Maya Ruine si idrücklech gsy, mir si froh hei mir üs entschide am Morge früeh z gah (08:30), wüu äs si Bösse wiis Lüt aacho nachdäm mir zrugg ufem Parkplatz si gsy.
    Im grosse und ganze mega schön aber eifach wie ganz Tulum e riiiiiise grosse Kommerz!
    Dr Wäg nach Punta Allen isch ei längi Strass nach Süde der Küste entlang. Z Usmaas von dene notabene schöne Hotels zeigtsech üs ersch no. Uf meh aus 10 km hesch ke Zuegang zum Strand. Alles isch verboue.
    Ufgrund vo dere riisigi Kommerzialisierig hei mir üs entschide Tulum z verlah. 😉
    Uf Punta Allen fahre mir ca. 3 Stund quer düre Nationalpark ufere seeehr houprige Strass. Äs hetsech aber glohnt, z Dörfli isch mega härzig und dr Strand/Meer wunderschön!
    Am Strand hie hets aber leider ziemlich viu Seegras, mir hoffe aber dases witer südlich de weniger het. ☺️    Lue lisää

    Katso käännös
  • Mexiko & Belize
    11Für d Andrea 😘1Für d Andrea😘

    4. Sian Ka'an

    6. maaliskuuta 2023, Meksiko ⋅ ☀️ 27 °C

    Am 7i am morge hets mi usem Näscht kehrt. D Rahel hani oh gad mitgnoh füre Sunneufgang ga z luege. Mir hei die Nacht diräkt am Strand imne Zäut übernachtet u hei drum nur usem Bett chönne usetroole☺️
    Nach däm spektakuläre Sunneufgang wärde Kokosnüss vor Palme gschlage, ufgschnitte und dä Gest serviert.

    Hüt machemer e Tour düre Nationalpark Sian Ka'an.
    Da dä Park eigentlich ä sehr grossi Lagune mit Mangrovä isch simer mitemne Böötli umedüüset.
    Mir hei Delfine, Vögel und Wasserschildkröte gseh. Z schnorchle isch leider chli "Achtung Wort Witz" is Wasser gheit. Z Wasser isch sehr trüb gsy.
    Dr Usflug isch mega schöön gsy!

    Nachdäm mir wieder im Hotel si acho heimer üsi 7 Sache packt, si ga z Salzwasser abwäsche und hei üs wieder ufe wäg nach Tulum gmacht.
    So chöimer morn dr Wäg iz südlich glägnige Mahahual aträtte.    Lue lisää

    Katso käännös
  • Mexiko & Belize
    1Faus öpper öppis brucht. Mir näme bstellig bis morn abe uf 😜😜1D Amis.......

    5. Mahahual

    7. maaliskuuta 2023, Meksiko ⋅ ☁️ 28 °C

    Hüt isch ä Tag gsy wo nid viu isch gloffe. Im wahrsten Sinne des Wortes, wüu hüt simer meh gfahre 😅👍 Vo Tulum geits nach Mahahual. Mahahual ligt äbäfaus ar Küste und het e guete Ruef zum ga Touche. Da simer scho mega gespannt druf 🥰.
    Womer in Mahahual si acho heimer äs fasch usgstorbnigs Stedtli atroffe. Es het aber Resti um Resti und Lädeli um Lädeli gha. Bsunders di viele Taxis si üs ufgfaue. D Strasse si vou mit gäubä Outos gsy.

    Womer am Anfang imne Beizli hei öpis trunke, si üs zwöi grossi Krüzfahrtschiff ufgfaue, wo diräkt ufe gross Stäg zuestüre in Mahahual.
    Nachem ichecke is Hotel und emne Pöiseli het ds verschlafene Stedtli de ganz anders usgseh. Vouu mit Amis wo eifach jedes Klischee abdecke 😂 6'000 Passagiere wo i ds Stedtli chöme. Eifach Krass..
    Drum hets oh so viu Taxis gha. Eifach vom Schiff iz Dörfli und vom Dörfli wieder zum Schiff.

    Mir hei iz für morn 2 Touchgäng buechet und für am Donstig nomau 3. Da gömer de uf d Insle Banco Chinchorro. Es Naturschutzgebiet mit ere gwautige Unterwasserwelt.
    Mir fröie üs riesig!!! 😍🐟🐙🐋🦈🐠🦑    Lue lisää

    Katso käännös
  • Mexiko & Belize
    1

    6. Z Erste mau Touche 🐠🦑🐙🐟

    8. maaliskuuta 2023, Meksiko ⋅ ☁️ 27 °C

    Hüt morge si mir z erste mau ga Touche in Mexiko☺️

    Bevor z Abentüür het chönne starte heimer no Bargeld brucht, da touche ja ir Regu nid für schmaus Gäud isch. 😅
    1 Stund simer in Mahahual undem Näbäort umegfahre bismer e ATM hei gfunde wo erstens funktioniert und zwöitens nid nur US-Dollar git...
    Schliesslich heimer dr letscht ATM gfunde und chönne Nötli entlocke.

    Itz cha z Touche los gah!
    Mir hei e Dütschi aus Divemaster gha, ds het üs dr Iistieg gad chli erliechteret. Si isch sit öppe 4 Jahr in Mexiko und het drum oh chli Erfahrig. 😉
    Mir si mitem Boot nur öppe 5min usegfahre u si da am Riff vo Mahahual ga touche. Äs isch meeega schön gsi! Soo viu schöni und intakti Koralle, vili farbigi Fischli, Moräne, Languste, ä risige Zackebarsch und no viu meh hei mir gseh🥰

    Nachem touche chame üs aber aube nüm für viu bruuche😅 Mir hei ä gmütleche Nami verbracht und fein Znacht gässe am Strand☺️
    Mir fröie üs scho mega ufe morgig Tag!!! Es geit nämlich witer mit Touche. 🐟🐙🦈🐋🐠🦑    Lue lisää

    Katso käännös
  • Mexiko & Belize
    Mir am Morge früh richtig Divecenter
    RahelIgRiffhai3Rahel bim Znacht. Fertig

    7. Banco Chinchorro 🥰🦈

    9. maaliskuuta 2023, Meksiko ⋅ ☀️ 25 °C

    Hüt am 8i isch dr Träffpunkt im Divecenter gsy.
    Nachdäm sech jede usgrüstet het isches am haubi 9i mitem Boot richtig Banco Chinchorro gange. 🛥️
    1 Stund simer ungerwägs gsy bismer das Atoll erreicht hei. Banco Chinchorro isch z grösste Atoll i dr nördliche Hemisphäre!
    Mir hei 3 Touchgäng vor üs. Ds heisst strängs Programm für üs!

    I denä 3 Touchgäng hei mir die schönschti Ungerwasserwäut erforscht wo mir je gseh hei. So ungloublech viu Fische und Koralle uf eim Huufe hei mir no nie gseh. Es isch eifach schön sones intakts Koralleriff z gseh!
    Mir hei zämä mit Amme- und Riffhaie chönne z Riff erkunde.
    Mir hei usserdäm Adlerroche, Seefledermäuse (Batfish), Languste, Horse-Eye-Jack und no viiiu meh gseh. 🐟🦈🦑🐋🐙🐠
    Di verspielte Ammeheie si aber es absoluts Highlight gsy. 🥰
    Währendem Touche si si eim richtig nöch cho und i mi isch sogar mau eine dri gschwumme.
    Dr Füürfisch (Lionfish) isch e invasive Fisch und het ke natürliche Feind i dene Gwässer. Drum het d Divemasterin e Speer derbi gha und die Lionfishe wosi het gseh ufgspiesst. Sobald si tot si wärde si vo de Ammeheie gässe.

    I de pouse simer mega guet verpflegt worde mit Schoggibrötli, Ceviche und Panini.
    Di zwöi Stund Boot fahre heisech so öpis vo glohnt!

    Fertig    Lue lisää

    Katso käännös
  • Mexiko & Belize
    Kurz vorem Gränzübertritt-Skandal
    Northern "Highway" 😅FähreErkundig Caye Caulker2StachurocheStachuroche1Stachuroche und IgSundownerDr abe la usklinge1Hie no e Ammehai bim Stäg. 🥰🥰

    8. Belize 🇧🇿 Ab nach Caye Caulker

    10. maaliskuuta 2023, Meksiko ⋅ ☀️ 29 °C

    Ds tönt ja ersch mau ganz cool. Mir fahre mitem Mietouto vo Mahahual nach Belize Stadt und göh ufd Fähre. ⛴️
    So eifach wie dir und mir üs das vorstelle ischs äbä de nid gsy.
    Bis zur Gränze nach Belize isch natürlich aues guet gange. Mir hei no ikouft und si mit Fröid im Gsicht richtig Gränze gfahre.
    Hie di 7 Schritte wime üs d Ferie es bizzli z verleide macht. 😡
    1. Verlange ä Usreisegebühr in Mexiko vo ca. 60 Chf
    2. Verlange 5.- bim Übertritt nach Belize für Quarantäne Reinigung wo überhoupt rein gar nüt isch gmacht worde, ussert äs Zettäli usfülle und abstemple.
    3. Immigrationskarte usfülle und Pass abstämple.
    Nachdäm heimer dänkt ok! Mir chöi gah. Aber Achtung...
    4. Seperate Schalter dasmer z Mietouto chöi überenäh. Git es Zetteli wome muess mitnäh. Und e Stämpu i Pass!!!!
    5. Dusse bim Outo verlangt när eine 15 Dollar für irgendwelchi Administrationsgebühre.
    6. Nähr heimer a Gränzübertritt chönne womer nomau eim hei müesse zeige dasmer dä Stämpu im Pass hei! Notabene isch dä Grenzübertritt öppe 5m vom Gebäude mit auem andere entfernt..
    Iz häbet nech: Dä ar Barriere wo dr Stämpu und Pass kontrolliert seit: Ok aues guet. I muess iz eifach no zu däm Fenster dert gah (3 Meter vo ihm entfernt) und däm dert inne dr Pass mitem Stämpu und dä Zettle oh no zeige. Tatsächlich hockt dert eine dinne wines Pfung Dräck und bestätigt mir wie die 5 andere vorhär, dass mir dä Stämpu dinne hei 😂
    7. Mir müesse no nachem Gränzübertritt e separati Versicherig löse für z Mietouto.
    D Rahel und ig hei üs zu däm Zitpunkt richtig verarscht und abzockt gfühlt, bis üs e mega nätte Mah bi däm Versicherigsbüro aues het bestätigt das ds so richtig sig und het üs oh no paar Tipps gäh.

    So iz cha Belize starte! (Hei mir dänkt...)
    Übere Northern Highway wei mir richtig Belize City fahre. Dä "Highway" isch aber ersch no am entstah, im Momänt isches eifach meh ä Schotterstrass😅 Eh ja hei mir haut chli lenger...
    Kurz vor Belize City, uf dr Suechi nachemne ATM und WiFi wärde mer imne chline Coffeeshop fündig.
    I wirde ufem Parkplatz aghupt wöui würklech nid so grad ha parkiert. Dr stopp dert isch aber oh nid planet gsy, wöu ig ha wöue useha für zum cherä da mir e ATM are Tanksteu hei gseh.
    Dä Typ wo us däm Outo usstigt, nachdäm ig mi Fauxpas ha korrigiert, fragt üs de oh gad öb mir Hiuf bruche.
    5 min später hocke mir mitemne Kaffi und WiFi i däm Coffeeshop und hei es mega cools Gspräch mit däm 150kg farbige Maa.
    Mir hei när chönne Gäud uselah und am Nami am 3 chöme mir de in Belize City ah. Ufem Parkplatz zur Fähre wo mir üses Outo 1 Wuche löh la stah heimer wider e mega fründliche und hilfsbereite Mah troffe woni no e chli Sympahthiedeal ha chönne ushandle.😅 Mir hei Glück u chöi gad sofort ufd Fähre richtig Caye Caulker. D Fahrt geit öppe 45min.

    D Insle gfaut üs mega guet! Richtigs Karibikfeeling hie, mir füehle üs mega wohl. Speter simer no dr Sunneungergang am Strand ga luege und hei dert üsne Ouge fasch nit trout. Dert am Strand si eifach öppe 10 Stachuroche umegschwumme😳🥰
    Nachem Sundowner göh mir ga ässe. Für mi grilled Redsnapper und für d Rahel grilled Chicken.
    Dr Abe löh mir ufem Stäg bim Fische beobachte mitemne Bier la usklinge. 🥰🐟🪸🐠

    Belize het houprig gstartet, aber het nachem Gränzübertritt mit meeega tolle und fründleche Lüt gwüsst z überzüge. 🥰    Lue lisää

    Katso käännös
  • Mexiko & Belize
    Riff HaiNo meh vo denä 🦈😁Z Motto vor Insle. GO SLOW!Überau Barbecue 😋Mhmmmm 😋Sundowner1Sundowner1Und no e Drink 😍

    9. Caye Caulker 🇧🇿🏝️

    11. maaliskuuta 2023, Belize ⋅ ☀️ 26 °C

    Hüt Morge heimer mau wöue ga luege öbmer es Divecenter finde.
    I ha im Vorfeld scho mit öperem Kontakt gha. Zu French Angel Expeditions simer nähr gange und si hei hüt Morge scho Touchgäng planet womer no gad hei mit chönne! Juhu scho wider touche🥰👌🐙🐟 Mir fahre mitem Boot öppe 30min bis vor d Insle San Pedro. Hie isch ä Teil vom mesoamerikanische Riff (z zwöitgrösste Riff vor Wäut). 🪸🪸🐟
    Mir mache zwöi Touchgäng und hei wider z Glück mit ganz viune Riff- und Ammehaie z'touche, sooo cool🥹🦈🦈😁 Z Wasser isch so klar und äs het so viu schöni Koralle und Fischli, eifach wunderschön!🥰
    Mir mache vorem Mittag dr erst Touchgang und mache uf dr Nachbarsinsle Caye Ambergis in San Pedro ä Pouse.
    Dert isse ig es feins Ceviche und d Rahel geili Quesedillas 😍
    Nachem Mittag geits nähr zum zwöite Touchgang und nähr wieder zrugg nach Caye Caulker.
    Rückblickend isches mega cool gsy, d Rahel und ig si mitem Divemaster, dr Ricky, nid sehr warm worde. Drum wärde mir äuä mit ihne nüm ga touche.

    Am restliche abrochnige Nami informiere mir üs no für Schnorchel Toure für im Hol Chan Marine Reserve. Bis iz hei aui wo ds gmacht hei meeega grüehmt wüus sehr viu z gseh git. Drum heimer üs natürlich für morn gad zum Schnorchle agmolde 😁😁😍

    När isch natürlich Sundowner und ässe agseit. Hüt gits z'Nacht in Maggi' Sunset Kitchen.
    Für mi Fried Fish und für d Rahel Fish Filet. 😍    Lue lisää

    Katso käännös
  • Mexiko & Belize
    🐢🐢
    Anscheinend chame oh ufemne Boot e Messi si. 😳😅Adlerroche1Has nid chönne lasii 😂😜🐟🐟🦈🦈StachurocheAues Muschle vomne Fischer. I bi öppe ir mitti vo däm Ort.2 SeechüehUnd hie nomau 23Ja scho wieder...

    10. Hol Chan Marine Reserve

    12. maaliskuuta 2023, Belize ⋅ ☀️ 27 °C

    Hüt dörfe mir mau chli länger pfüüsele. Es geit ersch am 10ni ufd Schnorchutour.
    Di hütigi Tour geit is Hol Chan Marine Reserve. Hol Chan isch es Maya Wort und heisst soviu wie kleiner Kanal.
    Z mesoamerikanische Riff erstreckt sich über 1'000km vo Honduras bis Mexiko und zwüschedrin gits Passage dür z Riff düre. Und Hol Chan isch äbä ah so eire gläge.
    Für dört dörfe ga z schnorchle muesme ä Gebühr zahle. Ds Büro isch es schwimmends Huusschiff wome muess ga zahle. Sehr speziell.
    Ds Hol Chan Marine Reserve besteit übrigens sit 1987 und isch öppe 40 km2 gross.

    Mir si nach öppe 5 mau Schnorchle so richtig "Streichfähig" gsy.😂 So würds ämu z österrichische Päärli usdrücke womer gester bim Touche hei kennenglernt. D Manu und dr Röbi si hüt bim Schnorchle oh derbi gsy und mir hei e mega gueti Zyt gha mit ihne.

    Bim Schnorchle heimer gloub fasch aus gseh wasme nume cha. 😍
    Schildkröte 🐢, Adlerroche, Barracudas 🐟, Haie 🦈, Hummer, Stachuroche, Tintefisch 🐙, natürlich wunderschöni Koralle 🪸 und di schönste Fischli 🐟😍🥰.
    Z absolute Highlight si aber Manatees gsy, Seechüeh. 😍 So ungloublech luschtigi und chilligi Tier, es wahnsinnigs Erläbnis die Tier ir freie Wildbahn dörfe z gseh.

    Mir hei zwöi ganz cooli Tourguides gha, Ramiro und dr Shaw. Si hei üs ganz viu tolli Sache chönne zeige und mit spannende Geschichte i dr Pouse ungerhaute. Dr Ramiro isch bispiuswiis Speerfischer und geit ga Hummer fah. Är toucht bis zu 35 Meter töif und cha bis zu 2 min d Luft anne ha. 😅😳

    Mir si no bimne Ort gsy wo e Fischer, er isch mittlerwilä 75+, sitr 12i isch jedä Tag sini Muschu Fäng het is Meer gheit.
    Ds isch e waaahnsinnigi Mängi a Muschleschale wo dört liege. Ganz Krass... 😳

    Am Abä gniesse mir natürlich, wie chönnts oh anders si, dr Sunneungergang 😂🥰. Hüt bechöme mer no Gesellschaft vor Manu und em Röbi. Zämä gömer de no öppis ga Znacht esse.    Lue lisää

    Katso käännös
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä