Azoren

Mhhm jo wa chani verzelle über d Azoren... Mega schöni und abwechsligsrichi Natur sehr empfehlenswert. Het super viel Wanderige ob lang oder kurz. Es schmökt meistens mega noch Blueme wells überall Hortensien het 😆. S Meer isch mega wild aber me chan scho bade ade einte oder andre Orte. Mir sind eigentlich immer mitem Mietauto unterwegs. Es het zum Glück nöd viel Verkehr. Je noch Ausflugsziel hets aber schochli Touris bsp Sete Cidades, aber me chunt scho anenand verbi es verteilt sich recht. Aber wemer echli spöter losgoht hetmer d Natur wieder fast für sich ällai... D Wanderig gester am spote Nomi simer praktisch ällai gsi und die isch au bide Sete Cidades um de Ecke gsi. Esse isch echli schwierig es het wenig Restis wemer nöd gad ide Stadt isch und d Azore choched au nöd sonderlich guet bsunders Vegi isches mängmol e herusforderig. D Ortschafte gsehnd us wie useme andere Zitalter irwie hets was 😊. Aber d Hauptstadt lohnt sich üsere Meinig no nöd. S Wetter isch momentan mängmol schono warm, so drückend aber es änderet über de Tag... Mängmol luftets fest, oder es chömed Wolke uf und es tröpflet kurz. Bim Wandere gohts meistens guet im Wald isches ahgnehmer oder ufem Berg isches gester au küähler gsi. D Sunne goht amel am 9i erst unter und bis den chamer eigentlich au guet was mache, guet für Spotufsteher wie mir😁.Weiterlesen