Fahrt nach Sámara

Am 4:50 Uhr am morge bin ich mit em öffentliche bus zrugg nach San Jose gfahre. San jose isch en knotepunkt im land und recht wichtig für alli wo mit em öv unterwegs sind. Nachdem mer im bus min sitznachbar 1000 kompliment gmacht und mich grad na uf en joint ihglade het, (woni natürlich abgnlehnt han 😂) bin ich guet in San Jose ahcho. Nach em usstige hani die lüt dete gfreget wo min ahschlussbuss nach Sámara fahrt. Die hend mich anen taxifahrer verwise womi uf die ander site vo de stadt het selle bringe. Im taxi het de gueti maa, die ganzi ziit vomene "huelga" in san jose gredet. Nach emene ziitlich hani denn au verstande das "huelga" streik heisst und bis am mittwuch kein einzige bus meh nach Sámara oder us dere stadt fahrt. Denn het de taxi Chauffeur ahfange organisiere. Telefon hie und her, het mer s telefon sogar wiiter geh dassi mini situation chan erklere aber streik isch halt nun mal en streik.
Also het er mich mit sim taxi uf San ramón gfahre. Werend de fahrt, wo ca. 1 stund duret het, het er mir en ahschluss bus buechet.
In San ramón het mich de busfahrer scho uf mich gwartet und gfreget öb jetzt ich die melina seg wo uf Sámara muess. So bin ich vo taxifahrer und bus chauffeure dur s land begleitet worde. Ich bin sehr froh gsi wonni denn endlich in Sámara ahcho bin und vo mine gasteltere abgholt worde bin.
Mini befürchtig, dass die ganzi reis vo puerto viejo nach Sámara es stuck türer wird als plant het sich denn au bewahrheitet. So hani würkli es halbs vermöge usgeh. Aber schlussendlich bini guet ahcho und freu mich jetzt da ganz viel neus z erlebe.もっと詳しく