Surfe und Spaziere 🌊

Fürs Surfe simer wider ah gliich Strand wie geschter. Hütt hetts aber dütlech meh Strömig gha, mir hei rächt kämpft zum Usecho. Am Aafang hetts vüu Inputs gäh, wasmer aues sötte mache. Ig ha aber für mi gmerkt, dass die Bewegige de mit dr Ziit chli outomatisch chöme und mes nid zfescht darf verchopfe.

Zum Zmittag bini mit dr Laura (eini vor Surflodge) go Fisch mit säubergmachte Chips und Zibelesauce ässe. Superfein gsi 😋.

Am Nomi bini chli uf d Klippene go spaziere. Dört sisi aui Houzwäge am nöi mache gsi. Ig ha gfrogt, öbi düre darf, bevori bi druf gange. Woni de am Ändi vom Wäg bi gsi, hani aber ungeremne Absperrbauke düremüesse. Gd ih däm Momänt isch no ä Polizischt düregfahre, wo scho chli blöd gluegt hett 😂. Aber esch ihm äuä z dumm gsi öbbis zsäge, är isch ömu ohni aazhaute wiitergfahre 😁.Read more