Reset search
PORTUGAL
  • Meretli auf Reisen
  • Meretli auf Reisen

PORTUGAL

A 16-day adventure by Meretli Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    March 14, 2026
  • Meretli auf ReisenPORTUGALTraveler
    Hostel für 1 Nacht
    Too good to go Päckli mit Pastei de nataZnachtplätzli

    Aacho in Lisbon

    March 14 in Portugal ⋅ ☁️ 15 °C

    Woni bi aacho hetts gschiffet und ig bi froh, hani mi Fasi derbii. Am Flughafe hani ufe Bus gwartet und derbii ischmer ds Handy gstärbslet wüus kei Akku meh hett gha (hoppla). De hani mi haut offline zum Hostel düreghanglet.

    Mis Projekt vom Obe: too good to go Päckli reiche.    Read more

    See translation
  • Meretli auf ReisenPORTUGALTraveler
    Schöni Hüser
    Die Miniträmli si eifach supersüessPlättli wo d Plättli-Mafia NONID gchlaut hettPastei de Nata vor einem Hintergrund aus Meer und HausdächernDie Chile isch 3x abbrönnt (drum si d Süüle schwarz)Schwarze SäulenPlättli ir Pastei de Nata BeckereiFRÜSCHI Pastei de Nata 😍Im Stadtteil Alfama (Autstadt mit nume weni Touris)Kirsch im SchoggiglesliSi mole gärn Zeichnige vode HuusbewohnerInne uf d Hüser, die Frou isch 96gi u Fashion designerin gsiZug für uf SintraWe hie d Busstation zum Umstige isch de hoffsch 3x so fescht dass dr Bus würk chunnt

    Lisbon zfuess entdeckä

    March 15 in Portugal ⋅ ☀️ 18 °C

    Am Nomi hetts ä walking tour gäh mitem Motto "Lissabon durch die Augen eines Einheimischen". Mir hei äs wandelnds Lexikon aus Guide gha wo ei fun fact nachem angere über Land&Leute dropped hett:

    - die farbige Plättli ade Huusfassadene si ursprünglech nid vode Portugise sondern vode Araber
    - die typischi blau-wiiss Färbig vode Plättli isch ursprünglech ou nid vode Portugise sondern vode Chinese (die hei ou süsch vüu blau-wiisses Gschiir)
    - äs git ä Plättli-Mafia wo Plättli vode Huusfassadene stüut und verchouft
    - äs git ou ä Plättli-Polizei wo d Plättli-Mafia jagt

    Är hett ou geng betont dass d Portugise uf Platz 5 si vode unproduktivschte Länder vo Europa. Usserdem heisi ä Presidänt wo gärn Selfies und irgendwelchi random Sache macht wie zB uf Spanie wandere 🤷🏼‍♀️.

    Wüu d Tour ouno chli kulinarisch isch gsi hetts no Pastei de Nata (früsch gmacht 😍) und Kirsch usem Schoggiglesli gäh. Am Guide isches sehr sehr sehr wichtig gsi, dassmer ds Schoggi-Glesli ou würklech ässe, nachdäm mer dr Kirsch drus trunke hei (uf eim vode Föteli).

    Mittlerwile bini ir Starpine Lodge aacho woni itze ä Wuche blibe 🌊🌊🌊.    Read more

    See translation
  • Meretli auf ReisenPORTUGALTraveler
    Zmittagsplätzli
    Ussicht 2 vom Zmittagsplätzli, äs Bechli (vo linggs) wo is Meer louftKafi zum Buech läse. Nimi gärn 😊Superhärzigs Lädeli wo aues hett, gfüehrt vo 2ne Brüetsche womer d Produkt und d Region erklärt heiAuf dem NachhausewegD Kombi "mit Güetzi barfuess am Meer si" fingi guet 😊IichoufÜses ChucheliWeläs Chischtli isch äch mir? Tipp: wasi ir WG nid schaffe, schaffeni ou ide Feriä nid✨️✨️✨️

    1. Tag Meer und Surfe 😍

    March 16 in Portugal ⋅ ☀️ 20 °C

    Tagesstart mit Porridge, denn ab go surfe (hütt hetts afe white water gäh), näre ab a Strand zum Zmittag pignigge, denn käfele, näre gmüetlech iichoufe und sech vode Verchöifer ä To do Lischte loh gäh wasme aues no sött mache hie, aaschliessend gmüetlech ufde Klippene heispaziere mit Güetzistopp ungerwägs, im Hostel die wüudischti Yoga Session vom Läbe ha, nachere wunderbar warme Duschi nomou uf d Klippene, d Ziit vergässe bim Bewundere vom orangige Himu und de schöne Wäuä und dä erschte Stärne am Himu, Znacht chöcherle und ässe und zum Schluss Wiisse trinke mit zwöine Gästinne woni afe sit 24 h kennä.

    Doch, s Läbe isch schön.    Read more

    See translation
  • Meretli auf ReisenPORTUGALTraveler
    Üse Surfspot hütt 😍.
    D Brätter si zwäg.Chönnt eewig zueluegeDr Praia Grande wo s paar Minute vom Hostel wäg isch.ZmittagsplätzliMeh MeerLesen und Meer schauen

    2. Tag am Surfe

    March 17 in Portugal ⋅ ☀️ 15 °C

    Hütt simer chli südlecher ah Praia de Carcavelos go surfe. Schiins d Geburtsstedt vom portugiesische Surfe, seit ömu dr Ralph üse Host.

    Ig bechume s Level 2 vode Aafängerbrätt umd ig ha dr teacher gfrogt, öb ds schwiriger isch zum Ufstoh. Sini Antwort: "No it's still a boat, so it's easy to get up (Nei, esch geng no s Boot, auso eifach zum Ufstoh)."

    D Wäuä heimer guet pässlet hütt 😊. Am Aafang hetts no gd chli vüu Lüt im Wasser gha. Aber die einti und angeri white water Wäuä (ds si die Wäuä wo scho broche si, auso wiisses Wasser, eifacher zum Surfe wüusi weniger Energie hei) hani scho säuber verwütscht (yaaiii 🥳).

    Wüumi s Surfe am Morge hett möge uspowere hani näre am Nomi ou nümme vüu meh gmacht aus käfelet, Meer beobachtet, gläse und gmüetlechs Yoga 😊.    Read more

    See translation
  • Meretli auf ReisenPORTUGALTraveler
    Codfish o Croà (oder so) with a view
    1Klippe vo unger (1)Klippe vo unger (2)D Strossebeschriftige si geng so schön gmacht 😊.1Klippe vo obe (1)Klippe vo obe (2)Klippe vo obe (3)Klippe vo obe (4)Me myself and I (1)Klippe vo obe (5)Me myself and I (2)D Houzwäge wosi am boue si.Dä wär äbe gsperrt gsi, hoppla.Surflodge

    Surfe und Spaziere 🌊

    March 18 in Portugal ⋅ 🌬 17 °C

    Fürs Surfe simer wider ah gliich Strand wie geschter. Hütt hetts aber dütlech meh Strömig gha, mir hei rächt kämpft zum Usecho. Am Aafang hetts vüu Inputs gäh, wasmer aues sötte mache. Ig ha aber für mi gmerkt, dass die Bewegige de mit dr Ziit chli outomatisch chöme und mes nid zfescht darf verchopfe.

    Zum Zmittag bini mit dr Laura (eini vor Surflodge) go Fisch mit säubergmachte Chips und Zibelesauce ässe. Superfein gsi 😋.

    Am Nomi bini chli uf d Klippene go spaziere. Dört sisi aui Houzwäge am nöi mache gsi. Ig ha gfrogt, öbi düre darf, bevori bi druf gange. Woni de am Ändi vom Wäg bi gsi, hani aber ungeremne Absperrbauke düremüesse. Gd ih däm Momänt isch no ä Polizischt düregfahre, wo scho chli blöd gluegt hett 😂. Aber esch ihm äuä z dumm gsi öbbis zsäge, är isch ömu ohni aazhaute wiitergfahre 😁.    Read more

    See translation
  • Meretli auf ReisenPORTUGALTraveler
    Praia Grande
    Praia Grande churz nachem Surfeufe Bus warte (1)ufe Bus warte (2)Im Städtli Sintramega vüu grüen 🌿Eine Strasse in Sintra.gäubi Chappe, gäubi Jagge (Achtung ds hettsech griihmt!)Plättli Plättli PlättliSintraIm Kafi wosimer im Miniature Supermarkt empfohle hei vornes paar Täg.S hett so Gebäckzügs gha.voui Täuer, lääri Siitevoui Siite, lääri TäuerSintra Autstädtli, definitiv zvüu Tourischli Räge, chli chaut, tja, chame nüt macheGrüen Grüen GrüenFarbegi Hüsli.

    Usflügli uf Sintra

    March 20 in Portugal ⋅ 🌧 16 °C

    D Wäuä si superstarch gsi, eigentlech zstarch für üs zum Surfe. Drum hanis ou chuum gschafft ufzstoh ufem Brätt. Derfür bini ih diversä Wöschmaschinene glandet, yaaii.

    Am Nomi bini uf Sintra mitem Bus. Esch no härzig dört. Aber je nöcher me am Autstedtli chunnt, desto meh Touris hetts. Z Kafi woni bi gsi, isch ou vou gsi mit Touris. Zeichne hani aber gliich chönne 🖌.Read more

    See translation
  • Meretli auf ReisenPORTUGALTraveler
    Packt zum z letschte Mou am Praia Grande go surfe
    s letschte mou ds ZmorgebuffetPro im Porridge überladeCiao ColaresDie Strecki bini vüu gfahre die letschte Täg, bi aune mügleche Wätter und Tagesziite.2ds Outo isch nigunagunöi und sammlet siner erschte Kilometer mit mir 🚗💭: "Ig hanes richtig nices Outöli und ha tschegget wies funktioniert, ds gits gar nid, pffff 😂"Grünes Portugal 🌿2Ussicht vom Hostel Dach ✨️besti Pizza vor Wäut am Strand, cremä, uf ds hani lang gwarteteifach, für Dessär bruuchts kener Gründ

    Ab ih Süde 🧭 ⬇️

    March 22 in Portugal ⋅ ☀️ 14 °C

    Hütt isch äs cremä Tägli gsi:
    - d Wäuä si cremä gsi, dr Douarte (Surflehrer) hettmi no ufnes paar grüeni Wäuä to
    - d Reis zrügg uf Lissabon isch cremä gsi (ussert dassi 2 Uber bruucht ha für vom Bhf zum Flughafe wüumi dr eint zersch ah fautsch Eggä gstöut hätt und ig 45 min (😱) hätt gha für uf die angeri Siite zloufe) (ig ha aber müesse ih 10 min dört si fürs Outo miete, wär hätts dänkt)
    - ig bi mit 2 Ahlöif cremä us Lissabon usegfahre und mi ab denn nümme verfahre
    - die beschti Pizza vor Wäut am Meer ggässe, cremä cremä    Read more

    See translation
  • Meretli auf ReisenPORTUGALTraveler
    Zmorge im Hostel
    Morgestimmig z Vila Nova de MilfontesLetschte Tag mit längr HoorS Chäreli isxh scho zwäg.😍eifach hübsch✨️🌊2🪨🏃🏼‍♀️🌊🌊🌊✨️Türkis2Türkis trifft WiissPorto CovoHeftigi Industrie hingerem kaluxmit däm Brätt hani z erschte Mou säuber gsurfet😍Obestimmig z Vila Nova de MilfontesPizzzaaaanöime am Meer, houptsach ke Dütschi

    1. Mou älei surfe 🏄🏼‍♀️

    March 23 in Portugal ⋅ ⛅ 13 °C

    Am Morge bini bim Praia do Malhão ufuess ungerwägs gsi. Langsam entwickleni gloubs ä Allergie gäge dütschi PilgererInne mit nöie Wanderschueh, zipbare Hose, neonpinke Funktionsshirts und sexy Sunnehüet. Vorauem wenni no kes Zmittag ha gha.

    Und am Nomi hani bi Kalux äs 7.0 soft board gmietet und ha am Praia de São Torpes miner erschte Wäuä catcht 😍. Äs si Bebewäuä gsi und d Moräne uf dr Siite mache se eifacher zum surfe. Aber s paar grüeni hetts sogar ou derbii gha 😍.

    Znacht: Pizza Milfontes vo Pizza la Sicilienne (gueti Sache dörfe widerhout wärde).    Read more

    See translation
  • Meretli auf ReisenPORTUGALTraveler
    Praia do Beliche (1)
    Praia do Beliche (2)es war einmal ein Schoggigipfeli in PortugalPraia do Beliche (3)nöie BiifahrerInSalty Caramelwilde Klippen unter dem LeuchtturmBalancetraining bim über d Steine loufesie ging die steinerne Küste entlangnöch am Abgrundu de hani mi plötzlech gfrogt: wieso steit dä Föus eigch einzu im Wasser?Seriousdie Klippe hani lang aagluegt und derzue Gedanke loh zieh ✨️90 °Klippenkompositions Meer ischsech am zrüggziehnümme so ärnschtWäg zum LüchtturmShe is strong.Toast Greek: toaschtets Brot, Geissechäs mit Chrütter, Boumnüss, Mandle gröschtet, Gonfi, HonigAm Shoppe 👕.🌈Greder geit nümme.Niemer do ussert ig.u de isch d Sunne furtLüchttürm beiidrucke mi.Obelouf

    1. Tag z Sagres

    March 25 in Portugal ⋅ ☁️ 16 °C

    Vom Hostel uus chani äs Softboard und ä Wetsuit miete, gad für mehreri Täg. Drum chani itze säuber ah d Stränd go.

    Dr Beliche Strand isch dr erscht gsi. Zersch simer zfüft im Wasser gsi und am Schluss de numeno ig.Read more

    See translation
  • Meretli auf ReisenPORTUGALTraveler
    feins Pastei de Nata amne Strand mit weni Charakter
    dä Föus = dr Charakter vo däm StrandEt voilà, ä Strand mit Charakter: Praia do Castelejo.wüudi Wäuä, dunkle Steidanke ah aui Chinderjohr ar Ämme womer hei glehrt über söttegi Steine zloufeDramatisch (1)Dramatisch (2)Dramatisch (3)Dramatisch (4)Dramatisch (5)über s Meer am luege 🌊d Hoor mache ignöbbisGras trifft fast auf MeerGrün trifft fast auf BlauAlienkommunikation oder sooMe myself and my (gmietets) surfboardso gseh Parkplätz uus wes Wäuä hettHostel Black Sheep drinnenHostel Black Sheep draussenLagoSCHEine gewöhnliche Strasse in Lagos.Ein ungewöhnliches Haus in Lagos.Eine verwirrte Meret in Lagos.Ein Platz mit Statue in Lagos.Ein Surfladen in Lagos.

    Tag 2 z Sagres (wenni mi nid verzöut ha)

    March 26 in Portugal ⋅ ☀️ 17 °C

    Am Morge bini uf dr Suechi nach Wäuä ufne mega schöne, wüude Strand troffe mit schuumige Wäuä und dunklem Stei. Ganz dramatisch gsi!

    Am Mittag hani de Wäuä gfunge am Praia do Beliche. Gueti 2.5 h bini finnr gsi, die erschti Stung bini aber gfüut nume ufem Brätt umeghocket.

    Nachem Umesurfe hani nones Usflügli gmacht uf Lagos (me seit übrigens LagoSCH, me seit ou SagreSCH). Äs Küschtestedtli mit Lädeli, Beizli und Bsetzisteipflaschter.    Read more

    See translation
  • Meretli auf ReisenPORTUGALTraveler
    Praia do Beliche am Morge (1)
    Praia do Beliche am Morge (2)Stäge zum Praia do BelicheCiao SurfbrättWäg vom Strand zrügg uf SagresReady zum nordwärts fahreon the roadQuark vorem Spiegu (1)Quark vorem Spiegu (2)Käfeli nach 3.5 h fahre (1)Käfeli nach 3.5 h fahre (2)Aussicht mit MöweGolden hour über SesimbraGolden hour über Sesimbra mit Möwewow (2)wow (1)

    Richtig Norde - ab uf Sesimbra

    March 27 in Portugal ⋅ ☀️ 16 °C

    Am Morge nomou zum Praia do Beliche s knapps Stüngli is Wasser, bevori mi näre schwären Härzens vom Board trennt ha und ab ih Norde bi gfahre.

    Ungerwägs bini ah Orangeplantagene düregfahre wos fein nach Orangeblüete gschmöckt hett 🍊. So öbbis wie Korkplantagene hani gloubs ou gchrüzt.

    Ds Sesimbra hani mi bi sehr wiit entfernte Verwandte iiquartiert. Si si mega härzig. Bi Golden Hour und wiiter Ussicht übers Meer hetts Shrimps, chliini Peperoni, Shrimpcurry, Olive, 2 verschideni Chäse, Brot und natürlech Wii gäh. D Tocher (ds wär mini Coucoucousine gloubs)und dr Vater hei regumässig Diskussione gfüehrt über d Musig womer söue lose und mir isch versicheret worde, dass mi Ougeberiich gliich isch wie dä vom Brüetsch vor Muetter 🤷🏼‍♀️. Whatever, esch ä luschtige und spannende Obe gsi 😊.    Read more

    See translation
  • Meretli auf ReisenPORTUGALTraveler
    s blaue Tassli isch mir
    D Leonore und d Liliufem Wäg uf Lisboauf dr Golden Gate Bridge vo Lisboas louftEsch a match gsi, aues hett passt. Aber itze sägi: Obrigada, ciao!ig muess ufpasse dassi bir Musig nid luut mitsinge wie im Outo 😂Lisboa by day (1)Lisboa by day (2)Lisboa by day (3)zfrides Hostel isch inne nid ganz so schäbig wie vo usseha scho vergässe wie stotzig dass d Strosse vo Lisboa sigetting an earpiercingby Queen of HeartsLisboa by sunsetwede guet luegsch gsehschesFrämsledsch äs Lisboeta, superguet!zrügg am Tejo, hie hani mi erscht Obe z Portugal verbrochtRossio square wes fiischter ischRossio square in Bewegig wes fiischter ischLisboa by night (1)Lisboa by night (2)Lisboa by night (3)afe chli düreKoje für die nöchschte 2 h

    S letschtä Tägli z Portugal

    March 28 in Portugal ⋅ ☀️ 18 °C

    Am Morge isch slow morning aagseit gsi: Käfele hööch überem Meer, die erschte Sunnestrahle iifoh, plöiderle, Avocadotoast mit Ei und Lachs.

    Ume Mittag hani mi de ufe Wäg gmacht Richtig Lisboa, Outo wäsche (1. Mou im Läbe), Outo zrügg gäh, Hostel sueche und iiquartiere. Sone Samschti im März haut.

    De ab id Stadt go Öhrli pierce und Znacht främsle. Näre ä Nachtspaziergang dür haub Lisboa "für am Bus entgäge zloufe". Füre letscht Bitz hani de gliich no Bolt bruucht.    Read more

    See translation
  • Meretli auf ReisenPORTUGALTraveler
    auf gehts
    durch die Strassen von Lisboa (1)durch die Strassen von Lisboa (2)Jeeeii einigermasse wach am Flughafe aachohallo Flughafehallo Flügerciao Lisboasalut SchwiizHmm wo muessi düre?Mmmerci MmmigrosSBB für heizue (u wieso stige do so vüu Lüt ih?)dört steit Bern1Olà, Bärn. Zrügg däheim ✨️.

    Heicho ✨️

    March 29 in Switzerland ⋅ ☁️ 4 °C

    Dr Wecker hett am viertu ab drü tschäderet u de bini ah Flughafe glüffe, ha mi mit vüune angerne Lüt dür d Sicherheitskontroue kämpft und ab ih vou Flüger. S Morgerot über Lisboa u ds Lied Bälpmoos hei dr Start begleitet ✨️.

    Drü Ussage vo Lüt vo Portugal blibemer und heimi geng wider begleitet:

    Francisco (walking tour Lisbon) über d Kriminalität u so:
    "It's Portugal, really nothing happens here."

    Este (Hostin Hostel z Sagres) über s Surfe:
    "If the conditions are good, go as FAST as you can."

    Este (Hostin Hostel z Sagres) über s Surfe:
    "You know best, what kind of waves you like."

    OBRIGADA, Portugal ✨️.    Read more

    See translation
    Trip end
    March 29, 2026
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice