Es cha los gah 🥳☺️

Hüt startet eusi Ferie. Jupii💪🏼 Nachdem d’Ili & d‘Leti gester echli spöter sind de Bus go hole (cheibi Öllspur) hemmer entschiede ohni Stress und nöd alzu früeh i eusi wohlverdiente Ferie abzfahre.

So het d‘Valbi no in aller Rueh chöne go Jogge und Zoé het sie mitem Velo begleitet. Doch Zoé isch währed em Jogge/ Bike immer nervöser worde will sie vor de Ferie glich no es paar Sache zerledige gha het. Die armi Valbi het den meh möse Spuhte weder Jogge. Doch zum guete Glück hemmer den nur 15min verspötig gha bi de Ili & de Lett. Dette hemmer no Tatchräftig ghulfe die letschte Sache z‘verrume. Sie hend ganz en tolle Bus mitere Dachbox sogar! Platz für alles ;).

Nachdem mer no churzehand Tüfchüehlbox mitem Arco sim Esse in Olaf inne packt hend (Küelig het nöd funktioniert) simmer am 10:15 Uhr los. Am 11:00 Uhr hend scho die erste Hunger😁, jedoch laht Raststett uf sich warte. Zoé scho ganz nervös will sie niemert wett verhungere gseh, macht sich scho ufd Suechi nach Lebensmittelläde, aber lueg au da Gottseidank simmer den glich no ah eine anne gfahre. Nachdem es kei Parkplatz gha hend und mir scho wieder am uf d'autobahn fahre gsi wäred, wird churz entschlosse id Einbahn inne gfahre zum eus doch no en Parkplatz z‘ergattere. Nachdem mer euses Picknick kauft hend gahts wiiter. No 6h Fahrt 😉

Mir hend gschafft. Nacheme wiitere churze Stopp zum Tanke simmer am 19:15 bi eusem Camping iitroffe. Er isch wunderschön! Mir hend zwei Plätz nebetenand :) Wie wunderbar! Es isch so schön und au WC Ahlage sind TOP.

Nachdem mer eus churz iigrichtet hend gits was znacht. Teigware mit Tomatesauce und en Salat dezue wird ane zauberet😉

Nacheme strenge aber erfollgriche 1. Tag gömmer Tot kapput go schlafe. Guet Nacht😴Read more