Ersti Nacht im Canper :)

Ili und leti händ sehr schlecht gschlafe die erst Nacht. Da es eh richtig grausams surre im camper gha het. Mir hend gmeint dass es irgensdwie vom TK oder Küelschrank gsi isch drum hemr den halt de strom abgstellt. Was dazue gfüehrt het dass d'ili chalt becho hät 😏.
Sie hend drum au bis 9.30 gschlafe😴. Valbi und zoe hend i dere ziit am morge scho gmüetlich zmörgelet.

Wo den ili und leti au ufgstande sind, hemmer gmerkt dass da surre vom wasser tank cho isch.. e voila hoffemer die nöchst nacht wird besser .. 😁

Churzehand hemmer eus am morge parat gmacht und sind los gflizt mit eusne velos, trotti und ahhänger für de Hund.

Es het eus in Nationalpark "volwassene" gfüehrt.

Da simmer mal quer durch de park gfahre. Mir hend au serst mal de arco im Ahhänger mitgüehrt.. no findet ers ned so cool. Aber arco isch nüm de jüngst und mir mönd nochli uf sini glänk luege. Er wird sich no tra gwöhne.

Gege spötere Namittag simmer de zrugg gfahre. Die Fahrt isch dennoch länger gange, well de arco eifach nöd het welle im ahhänger bliibe. Gfühlti 100mal isch er ine und use 🙄

Zrugg im camper nehmers eus es wohlverdients Bier/sirup😜 .

Ned wiit weg vo eusem campingplatz hemmer es herzig idyllischs resti gfunde. Es isch super fein gsi. Da sresti zfuess erreichbar gsi isch hemmer nachem znacht no chöne verdaue.

Zrugg bim campingplatz heissts guet n8. Isch nemli doch viel gsi für de ersti Tag aber au wunderschön 🥰🙂‍↔️Read more