Groningen City Tour

D‘Valbi und Zoé sind nachem Ufstah direkt wieder go Jogge. Hüt stönd 40min ah. Zoé wie immer begleitet mit em Velo.

Nachdem Sie wieder retour cho sind wird Fett zmörgelet. Es git Toast mit Frischchäs, Avocado und es „pochiertes“ Ei😋 Mir hends emal probiert ;) Wow was für en Start in Tag.

Jetzt mached mir eue ready zum mitem Velo und Ahhänger und Trotti Groninge z‘erkundige. Anstelle 35min hend mir nachher fast 1h gha für en Weg😅 Dazu biigstüred het, de Arco mit Schnüffel schnüffel, Zoé wo e Abzwiegig verpasst het, de Ahhänger wo kei Luft meh gha het und de Wechsel vom Bike zum Trotti😉

Entli ahcho tüemer euses Bagage parkiere (nachdem mer zrechtgwisse worde sind au ah de richtige Stell😋) und schlenderet los. Es gaht drum zum echli ummenand z‘gugge und en Kafi ztrinke. De Märt hemmer au no gfunde und hend dette Fish& Chips gesse.

Nach de Stärchig und nochli id Läde ine luege gahts uf de retour weg. De Arco machts scho viel viel besser im Ahhänger drin. Super machsch du das🥳

Zrug ahcho wird eifach nochli gsi und Zoé bereitet sich ihre Znacht scho vor. Bi ihre startet nämli am 17:30 Uhr ihri Schuel. Wärend sie dette dra Teilnimmt mached sich Ili&Leti& Valbi ihre Znacht. Nachem Esse wird Filmli glueget und Zoé isch fliessig ide Schuel bis am 9ii.

Scho im Bett gits en Knall. Uf de Markise bim Bus vo de Ili& de Leti liet zviel Wasser. Also springet mer alli churzerhand im Pijama in Rege und tüend die Markise inne näh. Mit viel Frauenpower klappet das guet. Und mir hend die zimli schnell drin. Jedoch nöd ohni das mir alli Flutschnass sind😂

Nachdem mer eus umzoge hend haltet eus niemert meh vom schlafe ab😂😴 Guet Nacht!Læs mere