Balloon 🥰

Valbi und Zoé hend scho bim Jogge abendtür erlebt😅 D‘Valbi het sich super vorbereitet am Vorabig und extra scho d‘Joggingroute usgsuecht, leider het sie e abzwiegig zfrüe gno und Zoé het mit em Velo en richtige Fuessmarsch möse bestriite. Ade chüeli mit Hörner verbii und durchs Hochegrass trotzt dem hend sie den die rundi überstande ;)

Ili und d‘Leti hends entlii mit de Heizig anne bracht 😋💪🏼 sie hend die nacht mal warm gha. Bis zu de Endi vo de Ferie hemmers den voll im Griff.

Nachem Zmorge und zemme ruume gahts los zum nöchste Platz. Jedoch wird no en sehr en wichtige Stopp iigleit. In Peeterburen wird Uffangstation vo de Robbene bsuecht. Wow sind die Süess! Es isch mega spannend mer gsehnd sehr viel und bechömed wichtigi Infos mit über.
Zoé entscheidet sich no für e Pateschaft vom Baloon. Er het e truurigi Gschicht hinder sich. Er het sich verhederet immeme Bändeli vomeme Wunschbalon wo us England chunt. Zum guete Glück isch er ide Uffangstation wieder ufpepelet worde und wird bald wieder frei glah. Zoé wird wens so wiit isch den Fotene und Videos vo de Uswilderig erhalte. Wie schön isch den das.

So fertig gstuunt wiiter gahts. Nöchste halt isch am Meer. Es windet so fest, drum chömmer so guet Kitesurfer beobachte. Wow richtigi Akrobate. Nachem fertig stuune fahred mer zu eusem nöchste Platz. Da bliibet mer nur 1 Nacht. Nachdem mer ahcho sind wird alles usgruumt und miteme Bier ahgstosse. Mir beschlüssed no is Dorf z‘fahre da d‘Valbi echli Snacks brucht😉

Dette ahcho stüred mer de Coop ah😅 au im Usland gits de. Jetzt hemmer alli Hunger. Drum beschlüssed mer churzerhand grad dette immeme Resti z‘Esse. Es isch sagehaft fein gsi😍 drüü gäng hend nur 35 Euro kostet. Was für e Priisleistig. Doch bim Esse chunt eus no e Schnapps Idee. D‘Leti freged ah ob mir e Privatttour fürs Wattwandere chönd ha. Und siehe da am Dunnstig am Morge am 6:30 Uhr derfed mer das Glück ha. So cool!

So jetzt heissts schnell zrug z‘Raddle damit mer eus sowiit chönd ready mache das mer ganz früeh chönd de Platz verlah.

Glücklich und voller Vorfreud falled mer is Bett😴Read more