Lesti Tag 🙈

Hüt isch de Ruhetag verbii und d’Valbi gaht am morge wieder go Jogge. Zoé begleitet sie mitem Velo. I dere Stund gsemmer sehr viel vo de Natue und au vom Städtli. Wieder sehr härzig. Nachem Jogge gits wieder Pancakes. Ohhh😍. Sie sind wieder super glunge. Mit volle Büch gahts jetzt mitem Velo und de Arco im Ahhänger los uf Leiden inne. De Arco macht das mitem Ahhänger würkli super! Er het sini iigwöhnigs Ziit brucht aber jetzt isch genial. Mir sind i 20min im Städtli. Und gönd z‘Fuess wiiter lerned die schöne Ecke kenne (gsehnd sogar wie eine s‘Windrad ade Windmühle zum Wind usrichtiget🙈) und tüend au nochli Shoppe. Es isch eifach toll. Zum Zmittag essed mer was chlises immeme Resti wo uffem Floss staht ufem Kanal😋 wieder sehr fein. Danach fahred mer mitem Velo wieder retour zum Campingplatz. Mached aber no en Stopp bim See ide nöchi und gnüssed dette nochli eusi Ziit.

Retour bi eusne Camper gits no e Revanche bim Dog😉 Valbi und Zoé günned dasmal. Aber mer mues sege nur sehr knapp😋

Jetzt mached mer eus ready und fahred wieder mitem Olaf nach Den Haag. Mir möched s‘Pier no gseh und nachher am Strand no fein znacht esse. Dank de Leti! derfed mer einmal uf Gschäftskreditkarte Znachtesse. Sie het de letschti Monat so fest krampft und fürd Busmieti alles gäh und dementsprechend so viel Umsatz gmacht das mir au hend derfe profitiere. Merci vielmal!

Mir gönd is Resti wo de Ex vo de Chantal schafft und hend dementsprechend scho echli en Bonus😉 Mir tuend no uf de letschti Abig ahstosse und essed ganz viel😋 Zerscht gits e Vorspies und danach en Hauptgang! Mir sinds richtig am gnüsse! Au de Arco isch am Schluss wieder i sim Wägeli. Es isch halt scho am bequemste dette.

Voll satt gönd mer wieder richtig Campingplatz. Eusi letschti Nacht bevor mer den Zemme ruumed.Read more