Strand plus/ Vorstelligsgspröch

Hüt isch Ruhetag bim Jogge😋 Das isch grad sehr glücklich den hüt wemmer am 9:30 euse Platz verlah. Den Zoé het am 10:30 es Vorstelligsgspröch. Drum heissts zmörgele und den sowiit parat mache das mer grad chönd losfahre:)

De Plan isch, das mer in Noordwijk an Strand gönd. Dette hets nämlich en Hundestrand. Und während d‘Ili, Leti und d‘Valbi sich bereits am Strand räcklet tüend, het sich Zoé im VW Büsli iihgrichte damit s‘Vostelligsgspröch chan starte. Am 12ii stosst sie den au zu de Gruppe. Es isch guet gloffe:) und wiiter gsemmer den. Leti und de Arco sind scho wieder go Bädele. Dasmal sogar mitem Standup. Es gseht super us😍💪🏼

Jetzt staht nochli sii und es chlises Zmittagesse ah. Bim Zmittag holle isch Zoé grad no in Shoppingluune und gönt sich es neuis Chleidli. Es isch meega!

Nachem Zmittag wird no es Exit Spieli gspielt. Wer het denkt das die Ziit wie im Flug verbii gaht. Mir gnüssets und packed so uf die 4ii eusi Sache. Mir gönd wiiter zu eusem letschte Campingplatz. Um die 5ii checked mer ihh und hend wieder en super Platz. Echli weg und glich nöch ahbunde ade Hauptstrasse. Mir sind echli em Ecke und hends voll gmüetlich.
De Znacht bestaht us Reste. Ganz genial😉 Diversi Salt, Hamburger und Teigware.

Nachem Znacht gönned mer eus no e Rundi Dog. Päärli gege Päärli. Am Schluss staht Unentschiede. Beidi Teams hend alles gäh😂

So und jetzt wird wieder gschlafe. Morn tüemer eusi letschti Tag voll gnüsse.Read more