Seljalandsfoss

Im Summer kama bi dem Wasserfall hinadura laufa, das isch hüt definitiv nid möglich gsi😂 Aaaalles volla Iiiis und Schnee!🥶❄️ Selbstverständlich hets a paar muatigi Tourista geh wo trotz Absperrig z'Gfühl ka hend, sie müassendi so noch wia möglich anda Wasserfall hera. A Teil drvo isch entweder Pflutschnass gsi oder hend dr Hügel abarutscha müassa, wills so isig gsi isch😂 dr Thomas und i hend üs uf jeda Fall köstlich amüsiert.

De kli Wasserfall ir Höhli dina isch üsa 2. Liablings-Wasserfall🥰 Versteckt öppa 500m vum grossa Wasserfall aweg hets au fascht kai Lüt. Eigentlich kann ma über a paar Stai im Wasser in dia Höhli ina, hüt isches aber eher rutschig und iisig gsi, drum hemmers nu vu dussa ahgluagt. 😉Read more