Reset search
Südnorwegen
  • aannasu
  • Alain Wohlgemuth
  • aannasu
  • Alain Wohlgemuth

Südnorwegen

A 32-day adventure by aannasu & Alain Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    August 1, 2022
    Südnorwegen

    Tschüss Züri

    August 1, 2022 in Switzerland ⋅ ⛅ 15 °C

    Uf die 6i simmer vom Papa-Taxi an Flughafe gfahre worde und hend ohni Problem euses Gepäck chöne abgeh. Nach de Sicherheitskontrolle und em obligatorische Starbucks bsuech für mich hemmer ois ufde weg zum Gate gmacht. Jetzt hockemer im Flugi und warted uf de abflug richtig Hamburg 🛫 🇩🇪Read more

    See translation
  • Südnorwegen
    1mer sind wieder im maske-game

    Laufe laufe laufe in Hamburg

    August 1, 2022 in Germany ⋅ ⛅ 22 °C

    Ohni Problem simmer in Hamburg mit bitzeli Verspötig acho, hend euses Gepäck entgege gno und eus ufde Weg zum Hotel gmacht. Mer hend s Gepäck deponiert und eus denn ufd Suechi nach me feine Zmorge gmacht. De hemmer in Form vomene Avocado Brötli und me Hummus Brötli gfunde und sind denn gstärkt uf en ersti entdeckigstour gange. Die isch denn echli lenger worde als plant, inklusive Hafe, Speicherstadt und schöne Bachsteihüser ide Altstadt. Wo denn s Zimmer parat gsi isch simmer churz es Stündli go ane ligge und denn Richtig Sternenschanze, womer zerst e vegani Currywurst gesse hend und denn imene Koreanische Resti es paar Dumplings. Nach me Froyo zum Dessert und nachdem mer die letschte Sunnestrahle vome chline Pärkli us gnosse hend simmer zrugg zum Hotel, womer jetzt zimlich glii schlafed. Morn wird denn s Auto abghollt und denn gahts wiiter Richtig Norde!Read more

    See translation
  • Südnorwegen

    Dütschi züg hend immer verspötig

    August 2, 2022 in Denmark ⋅ ⛅ 15 °C

    Am morge simmer nachem uschegge und chlinem Märt bsuech richtig Hamburg Hbf mit all oisem Gepäck. Det acho isch ois ufgfalle wie schlecht in Dütschland alles beschrifted isch welmer 10minute brucht hend zums Gleis 4 finde.
    Dank em 9euro Ticket chömmer jetzt für de nächst Monet mit de Regionalzüg in Dütschland umefahre. Ab uf Buxtehude. Umstige. Aschlusszug - 20min Verspötig. wie de Alain in Hamburg akündet het hend in Dütschland all züg verspötig...
    In Bremervörde hemmer den weg 2min de Bus verpasst und sind den mitem nöchste Zumne Opel händler zum euse Charre abhole. Nachere Rasche instruktion und Beladig vom Charre ischs gange in Mac go foode in Rewe go poschte und ab uf dt Autobahn go fätzee.
    Boom pätsch 4h Spöter und nach 30min im Stau simmer am Pizza esse in Dänemark. Den ab uf dt Strass und 2.5h Spöter simmer in Hirthals am Nördlichste Zipfel vo Dänemark wo sich Wikinger und Gallier über sMeer zuegwunke hend.
    Chlini Spazi as Meer bi Rege ide Dämmerig mit Lüchturm. Ufruume i eusem neue Dihei und ab is Kayhütte Bett.    Read more

    See translation
  • Südnorwegen
    s het chli gwindetaber ez bis schnell ganz ehrlich

    Fähre & Kristiansand

    August 4, 2022 in Norway ⋅ 🌧 17 °C

    Mer hend beidi sehr guet gschlafe i eusem dehei für die nögste 4 wuche und sind am 3. am morge guet erholt ufgstande. Nach me gipfeli vom campingplatz hemmer no en chline spaziergang zum lüüchtturm gmacht womer schön ufs meer, ufde camping und uf hirtshals selber gsee hend. Denn hemmer eus scho gli müse ufde weg mache zum check-in für ufd fähre. Ide Fähre hemmer s Auto inere Garage abgstellt und hend d Überfahrt uf Norwege mit lese, esse i eim vo mehrerne resti und schlafe verbracht. S schiff het meh enere art chrützfahrtschiff gliche als ere Fähre. Nach 4h isch eus denn aber irgendwenn glich echli schlecht worde und mer sind froh gsi, das mer gli acho sind. Mer hend euses auto wieder use gfahre und sind in Kristiansand uf en stellplatz gfahre, wo scho mehreri anderi camper und autos wie eusi gstande sind. Denn simmer nochli Kristiansand go erkunde, hend de Hafe und es paar herzigi und schöni Wohnviertel ahgluegt und sind am Meer entlang spaziert. Im Camper hemmer denn Znacht kochet und ide letschte Sunnestrahle gesse und die schöni ussicht vo eusem stellplatz gnosse. Nachem Znacht hets namal en chline Spazifi geh ufen ussichtspunkt, wo denn aber vo chli rege und de immer dunkler werdende wulche abbroche worde isch. Mer hend nochli glese, öppis gluegt und sache erledigt, und denn simmer gli go pfuse. Wieder erholt simmer ufgwacht und mached eus ez denn in voller regemontur uf de weg zum Zoo! 🐼🦁Read more

    See translation
  • Südnorwegen
    Alain ohni richtige Panda
    MandalFlekkefjordKafi bi ObrestadRefnesstrandaØlberg

    Zoo, Mandal, Lindesnes, Obrestad, Ølber

    August 5, 2022 in Norway ⋅ ⛅ 13 °C

    De Zoo in Kristiansand isch schön gsi, aber weg em zimlich durchgehende Rege sind zimlich alli Tier irgendwo versteckt gsi. Es paar Highlights (Gepard, Luchs, Erdmännli, Schlegerei im Affegheg) häts glich geh. De Alain isch enttüscht gsi, will de Reisefüerer de chlini aber wichtigi Unterschied vo Panda & rote Pande nöd gmacht het und er drum kein richtige Panda zu gsicht becho het . 😞 Nachem Zoo simmer s chline Dörfli Mandal go aluege, womer vome Ussichtspunkt hend chöne über de Hafe und die viele wisse hüser drüber luege und e feini Schoggimilch mit norwegischem Gebäck gnosse hend (söll eifach niemmer fröge, was es genau gsi isch, mir hend kei ahnig aber sisch super gsi). Denn simmer wieder losgfahre richtig Lindesnes, womer ufme Stellplatz Znacht kochet hend und de schöni Sunneuntergang vom Lüchtturm ahgluegt hend. Am morge hemmer bide Bäckerin nebem Stellplatz feini Zimtschnegge gholt (mit de treffende Wort vom Alain beschribe: sisch wie wenn en Zimtschnägg und en Zopf es Baby gmacht hetted) und sind losgfahre richtig Stavanger. Ufem Weg hemmer en Halt gmacht in Flekkefjord, wieder es herzigs Dörfli, und denn namal eine bim Obrestad Fyr (Wie mer inzwüsche gmerkt hend, heisst Fyr Lüchtturm), wos es sehr feins Stuck Chueche geh het. Nebedra isch (lut Alain) eine vode beschte Flüss zum Lachs fische duregflosse, drum hett er natürlich nochli müse d Ruete ine hebe, und ich ha nochli Ort und Sache für eusi nögsti Route use gsuecht. Denn Simmer wiiter gfahre und nach eme letschte churze Zwüschestopp bim Refnesstranda simmer ufem Campingplatz in Ølberg am Meer acho. Mer hend Znacht kochet und sind de Sunneuntergang go luege, wo leider echli hinder de wulche versteckt gsi isch. Ez wird nochli glese und Film gluegt und morn gahts wiiter richtig Stavanger.Read more

    See translation
  • Südnorwegen
    Farbigi Hüsli ide Øvre Holmegate, Stavanger
    Altstadt (oder Gamle Stavanger, hihi)stellplatz nach stavangerWasserfall Nr 1Wasserfall Nr 2 + 3Wasserfall Nr 2 + 3 + LänggMini Haar hends sauglatt gfundeWasserfall Nr 4Wasserfall Nr 5Eidfjord

    Vo Stavanger zum Eidfjord

    August 8, 2022 in Norway ⋅ ⛅ 13 °C

    Am 6. August simmer uf Stavanger gange. S het eus sehr gfalle, mer hend es paar second hand läde gfunde und e sehr feini pizza gesse ide øvre holmegate und dete au no en kafi trunke und es stuck chueche gesse. Die wisse hüser ide Altstadt hemmer natürlich au ahgluegt und sind denn wieder zum Auto zrugg. Wills nonig eso spat gsi isch, hemmer eus entschlosse, no dt Wanderig zum Preikestolen z mache. Eigentlich hemmer gmeint, s gech 1 stund hii und 1 stund zrugg (was auscho glangt hetti, mer sind am 5i fengs abgloffe). S het sich denn aber usegstellt, das die ahgäne 2 stund nöd insgesamt gmeint gsi sind, sondern pro weg. Mer hend eus de ganz weg druff gfreut, das mer dobe denn defür vlt nöd eso vill lüt ahtreffed, wills ebe scho eher spat gsi isch. Bim Stei acho simmer leider chli enttüscht worde; mer sind zwar fasch elei gsi, aber es het so vill nebel gha, das de erwarteti blick ufde Fjord under eus usblibe isch. Aber söll keine sege, s heg sich nöd glohnt, dt wanderig isch ahstrengend aber sehr schön gsi, und ufem weg hemmer au es paar blick uf de Fjord chöne erhasche und es paar herzigi bergseeli bestuune. Bim Auto wieder acho simmer denn ufen stellplatz gfahre und hend znacht kochet (Tomaterisotto).
    Am nögste Tag simmer wiiter gfahre richtig Røldal. Ufem weg simmer amene „Lachsstudio“ verbi cho, womer hätt chöne zueluege, wie dt Fisch ufere Fischstege de Suldaslågen ufe „chlettered“. Es bitzli wiiter de Fluss entlang hets denn Fischerpause für de Alain gäh (er isch sehr begeisteret gsi nachdem mer sovill fisch gse hend) und ich ha im warme echli gläse. Mer sind wiiter gfahre und schliesslich in Røldal ufem Campingplatz acho. Nachem Znacht (Pasta mit Pesto) simmer no zude Chile spaziert und dank em chline wettrenne ufem Rückweg han au ich wieder warmi füess gha.
    Hütt morge simmer beidi go dusche und hend die am vorige abig gwäschni und ufghänkti wösch iipackt. De alain het mich überzüügt, es ründeli im Fluss go fische. Ich has zwar no schön gfunde, aber dt begeisterig fehlt mer mangels gefangener fische nochli. Vlt klappts ja die Ferie no. Ufem rückwäg hätt de alain die grandiosi idee gha, statt alles wieder em fluss entlang zrugg z laufe, über dt brugg und wieder zum auto zrugg, doch eifach dur de fluss dure laufe, er gseht ja wük gar nöd tüüf us (ich gibe zue, er het wük nöd tüüf usgseh). Lektion gelernt; Schlussendlich simmer beidi bis zum buch (ja, inklusive underhose) nass gsi, und obwohl s sünneli chli zwüsched de wulche dure gschune het, ischs für das bewiitem nöd warm gnueg gsi. Schnell simmer zum Auto zrugg eus go umzie. takeaway a dere sach, flüss sind dopplet so tüüf, wies usgsehnd, und eifach nie ufde Länggi lose bi so sache.
    Womer beidi wieder trocheni chleider ah gha hend, simmer go poschte und denn abgfahre richtig Eidfjord. Unterwegs hemmer scho 3 sehr iidrücklichi Wasserfäll gsee. Bim Camping bim Eidfjord acho simmer denn no gschwind en 4te und 5te go aluege. Denn hemmer gesse (curry mit riis) und jetzt sitzemer ufem steg im see und gnüssed de schöni usblick (musch ebe gnüsse, solangs schön wetter isch).    Read more

    See translation
  • Südnorwegen
    natursenter
    BryggenBryggen innechurzes päusli im park in bergen

    Eidfjord bis Bergen

    August 11, 2022 in Norway ⋅ ☁️ 16 °C

    Nach ere erholsame nacht simmer am 9. leider zu nöd eso goldigem wetter ufgwacht. Eigentlich hemmer welle go wandere, aber bi Rege und Nebel hemmer nöd wieder welle de glich fehler mache wie bim Preikestolen (dut immerno weh). De Reisefüerer het aber zum Glück en guete Tipp gha für Regentage und drum simmer is Norsk Natursenter Hardanger, wo mer vill glernt hend über Flora und Fauna in Norwege. Im Panoramakino hemmer no en sehr iidrückliche, wenn au sehr alte Film gluegt, wo enart en Helikopterflug dur verschiedeni Fjords und Landschafte in Norwege zeigt het. Nebed em Museum hets denn Fish & Chips geh im Resti und mer sind gstärkt zu eusem nögste Ziil abgfahre. Unterwegs hemmer wieder mal en Wasserfall gse, sind ufes herzigs dörfli gstosse und hend imene (ebefalls vom Reisefüerer empfohlene) Kafi es stuck chueche gässe (ich glaub mir rugeled am schluss zrugg id schwiiz😋). Schliesslich simmer bi eusem Rastplatz fürd Nacht acho und hend eus gad no s letschte Plätzli ergatteret. Mer hend Znacht kocht (Zimmlich spezielli Älplermakkrone, mit Broccoli, Tofu und ere Norwegische Chäsmischig, isch fein gsi aber öb mer das no cha als Älplermakkrone bezeichne…🤷🏼‍♀️) und de alain het nochli gfischt. Am nögste morge isch de alain leider mit sehr starche Nackeschmerze ufgwacht, a was es glege het wüssemer leider au nöd genau. Mer sind uf Bergen gfahre und hend s schöne Städtli trotz schmerze und mit hilf vo schmerzmittel chöne gnüsse. Mer sind dur Brygge gloffe, hend schöni hüser und de Hafe ahgluegt und sind mit ere seilbahn uf de Huusberg vo Bergen ufe, womer schön uf die ganz Stadt abe gse hend. Am Abig simmer ine Pizzeria go znacht esse und de alain het für de nögst morge gad no en Naprapati behandlig gfunde (norwegischi ostheopathie) und en termin abgmacht. Mer sind zrugg uf euse Rastplatz, bis jetzt de unschönsti und ungmüetlichsti (drum hemmer au zum erste mal usswärts znacht gesse). Bergen = nöd eso camperfründlich. S isch drum au die schlechtist Nacht gsi bis jetzt, gstört vo dene nebedra wo bis öppe am 1 no huere lut hend müse schwätze, em hafe nebedra wo immer wieder grossi schiff ii und uus sind, de strass nebedra und em unregelmässige rege plus vercheer ide strass nebedra. Am morge hemmer gschnell zemepclt und sind idt stadt für am alain sini nackebehandlig. Parkplatz suechi isch wiedermal ned ganz eifach gsi. Wommer den eine gfunde hend han ich mir zur belohnig en zimt schnegg und kafi gönnt. Am alain sini behandlig isch guet gloffe und mer sind positiv gstimmt. glichzitig isch luut de Frau wo ihn behandlet het de Summer in Norwege de schlechtischti sit 60 Jahr rege technisch. Super ussicht. Jetzt schinz aber schowieder s süneli und mer mached eus uf de weg zum nögste ziil.Read more

    See translation
  • Südnorwegen

    Passfahre und Fjordgüxle im Vestland

    August 14, 2022 in Norway ⋅ ⛅ 24 °C

    Vo Bergen losdüsed und scho serst mal drama. Bim tvinnefossen seit sAuto plözlich das de Schlüssel fehlt. Nach Panischer sueche und überlegig zu de letzte Raststett zruggzfahre zum det Sueche hät en dt Anna denhguet versteckt underem chuchi möbel wiedergfunde. Den Simmer uf Flam was uf Fotis zwar cool usgseht aber es Dorf isch wo nur für Touris ufbaut isch. Es het keis einzigs historischs Gebäude stattdesse erwated eim Disneyland mässig erichteti Baute voller Souvenir shops. Dementsprechend hets en grosse bahnhof und eh Alege station für chrüzfahrtschiff. Schnell wider weg vo da und ab uf en bergpass mit ussichtsplattforme wo meh als doppelt so lang gaht wie de tunnel unedure. Det het eus es bomabstischi hochland ebeni erwartet voller Bergsee und Schaaf wo uf de strass ligged. Am Abig in Laerdalsoyri hets den ei Pizza für zwei und vo de Anna gmachte Milchriis geh.

    Nachere Ruhige Nacht im Dachzelt hets no Reste Milchriis geh und scho Simmer düüst. Eimal Fähre mit Alles und scharf und de Sognefjord isch überquert. Ab anen Lachsfluss go Fische für de Alain. Stellt sich usse isch Privat. Guet demfall nöd. Ab in Jostedalsbreen Nasjonal Park zumne Gletschersee eh chlini wanderig gmacht. Den uf de Camping go Tacos/Fajitas whatever esse.

    Morge druf simmer nomal zum Gletschersee und dasmal bis zum Gletscher gloffe. Geile Scheiss.
    Den Abdüsed. Wieder über en Pass grattered. Chlini Fisch pause für de Alain am Bergsee ohni Fisch aber zwei köder verlore. Am abig hemmers en is schöne Lom gschaft ufen Stellplatz nebedere geile Vikinger Chille.
    VegiWurst Pasta zum Znacht und ab is Bett.

    Im heisse Zelt ufgwacht simmer eus gar nöd gwöhnt bidem Scheisswetter da und lueged in Blaue himmel. Losgeiz. Ab richtig Geiranger. Wie chunt mer da zum nächste Fjord. Natürlich ümer de nächsti Pass. WoopWoop. Eine geiler als de ander. Dasmal simmer vo Kanada ähnlicher Natur überascht worde. Oder so stellemer eus Kanada zuMindest vor. Uf de Dalsnibba usichts Plattform hets Sandwhich Lunch geh und eh chlini Bekanntschaft mit Schwizer (ca 70i) gmacht wo da mitem Cabrio unterwägs sind. 14 Mönet sind ih ihrem läbe scho in Norwege gsi wemmers zeme zellt. Crazy dudes. Sie hend es Fabrfoti vo eus gmacht und mir eis vo ine. Ab zum geiranger. Underwegs natürli zwei drü wasserfäll gseh. Und uf de Fjord Cruise am Abig nomal 6-7. mitere Wasserfall überdosis und Vegiburger und Fish&Chips im Buch simmer den über de nächst Bergpass richtig Eidsdal wommer nacher dt Fähri nach Sylte gno hend. Det ufem Camping acho hets eh Wösch und Duschi geh. Jetzt simmer da und freued eus Morn richtig alesund ufzbreche.
    Stay tuned liebe Fründe.
    Anna & Alain    Read more

    See translation
  • Südnorwegen

    Alesund hät Gold im Mund

    August 16, 2022 in Norway ⋅ 🌧 14 °C

    Vo Sylte simmer am morge früeh richtig Andalsnes ufbroche. Dezwüsche liit, wie hets anders chöne sii, wider en bergpass. Dt Anna het denkt sisch eifach en booring Pass aber da het si sich tüscht. Am Endi vo de Pass liit nemlich de vo touriste wüki gar nöd überloffni Trollstigen Abstiig (siehe Fotos). Zersch isch de Alain no gschwin go Fische wärend Dt Anna wacker Harry Potter glese het. Ohni Fisch und schlecht gluunt hemmer den de obe erwähnti Trollstigen bestuunt. En Kafihalt mit Zmittag in Andalsnes het eus wieder ufgmuntered und de Priis für es hi und rückticket uf de huusberg mit de gondel het eus dt Stimmig grad wider versaut. (110 Stutz für 2 Persone). Den wiiter uf Alesund. Nach 1.5 Stund fahre und einigermasse günstig Tanke simmer am meer in Alesund acho. Zersch mal eggfried noodles kocht den isch de alain go fische und das sogar erfolgriich (siehe bilder). Eimal en blue whitling und eimal en cuckoo wrasse gfange fallses irgendepper juckt. Ab is bett und am morge idt stadt. Alesund het es nur mässig beidruckt aber isch overall ganz cute. Ufm huusberg no gschwind ussicht gnosse und scho simmer richtig aquarium düsed. Det Otter und Seehund füterig gluegt war ganz geil. Den simmer richtig atlantikküste losdüset aber direkt mal in fiirabig stau cho. Woop Woop. Churzi fährfahrt und chli cruisn und scho simmer ade berüemte Atlantikstrass acho, wommer nöd gseht wels so verdammt neblig isch. Herdöpfelstock und Vegibular hets zum Znacht geh und scho isch de Tag verbii.

    Fun Fact: es isch die Strass wo au im neuste Jamesbond vorchunt wonner in Norwege über eh brugg im meer Fahrt.

    Liebe Grüsse, leave a like or Comment, subscribe und bis nächst mal.

    PS: für alli wo es video wommer de Camper zeigedhwennd gseh schribed de Anna oder mir uf Whatsapp oder slided i eusi DM's.    Read more

    See translation
  • Südnorwegen

    Vo Innedalen bis Trondheim

    August 18, 2022 in Norway ⋅ ⛅ 16 °C

    ide nacht ufde 17. august hemmer eus erst zum zweite mal die ferie entschlosse, statt obe im zelt z schlafe, une im auto dt sitz verstelle und im auto schlafe. S het de ganz abig scho gregnet und gwindet und gemäss wetter app kein ende in sicht bis am 11i am morge, und obwohl s zelt natürlich nöd dure laht, isch eus die sach nöd eso ghüür gsi. Sisch nöd so die erholsamsti nacht vo allne gsi, dt matraze isch obe eifach bequemer und wegem wetter isch sehr luut gsi. hänu🤷🏼‍♀️ uf jede fall simmer denn am nögste morge nachme mini zmörgeli im „bett“ (chocopops mmmmmmh) losgfahre zude bereits erwähnte atlantikroute (jaja james bond). Sehr iidrücklich.
    Denn simmer wiiter gfahre richtig Trondheim und hend unterwegs en abstecher gmacht is „schönste Tal vo Norwege“ in Innerdalen. Das hemmer eus natürlich nöd welle entgah lah, hend eus dt wanderschue gschnappt und sind los marschiert. Nur öppe e stund simmer gloffe, bis mer zu herzige hüüsli mit grasüberwachsene tächer und me sehr schöne see cho sind. De Nebel het leider vill vode Natur wo sicher auno schön gsi wer verdeckz. Eis vo dene hüüser isch enart berghütte gsi mit ere schöne grosse stube, womer eus waffle und en tee gönnt händ. De alain isch no es zitli go fische (und hät wieder mal köder verlore, langsam hani s gfühl er machts extra) und ich bin ide wärmi chli am döse gsi. Womer eus öppe e stund spöter ufde rückweg gmacht hend, simmer no vo es paar geissli es stückli begleitet worde😅. bim auto acho simmer zum nögste camping platz gfahre, womer znacht gässe hend (pasta mit pesto rosso mmmmmm) und sind go schlafe.
    Hütt morge simmer beidi halbe verfrohre im zelt ufgwacht, warum dases plötzlich so chalt gsi isch (sust hemmers i eusne schlafseck immer schön cozy gha) isch eus bis ez nöd klar. S sünneli het defür vom komplett blaue himmel abe gluegt, da isch dt luune schochli besser worde. Mer sind de reschtlich abschnitt richtig trondheim düüset (wüki düüset, end endlich mal meh als 80km/h döfe fahre). Auto abgstellt und mitme elektrotrotti („voi“) id stadt. Trondheim het eus sehr guet gfalle, e schöni stadt mit vill farbige hüser und fründliche lüüt. De alain het ime secondhand shop no e super jeans gfunde (isch zit worde, die ander hani langsam nüme chöne zäme flicke; chum hani gnäht, isches anders loch ufgange🤷🏼‍♀️) und natürlich hätts inere bäckerei au wieder mal öppis süesses gäh. Nach 15‘000 Schritt hämmer nüme so möge ume laufe und mer sind mitem Bus zu eusem Parkplatz zrugg gfahre. Nomal 40 minute spöter wieder richtig süüde gfahre und mer sind ufeme camping acho. Mer hend znacht gmacht (fajitas) und de alain hett jetzt wieder sis rüeteli packt (de fluss bim camping söll wieder mal eine vode „beste lachsflüss in norwege“ sii, das isch hingege scho oft behauptet worde) und ich lise nochli.
    👋🏻👋🏻👋🏻    Read more

    See translation
  • Südnorwegen

    Über Königswäg is Hochland

    August 20, 2022 in Norway ⋅ ⛅ 17 °C

    Am Morge früeh vorem Losfahre isch de Alain nomal go Lachsfische während dt Anna friedlich wiiter döst. En Bruefsfischer us Schland het am Alain verzellt das Lachs sobald si im Fluss sind nüme essed weshalb sie sehr schwer zfange sind. Mer warted eigentlich druf das si us reflex zueschnapped und ned us hunger. Anyway fertig Fischtalk und wiiter Südwerts. Nach trondheim am vortag hemmer überigens de nödlichst punkt vo eusre Reis erreicht. Über de Alti Königswäg simmer den is Land vode Moschusochse und Rentier cho. Uf dere Hochebeni simmer eh chruzi wanderig go mache leider ohni Huuftier sichtig. Den no churz eh Chille go aluege und scho simmer uf de Stellplatz direkt amne Flüssli om Wald (gschützt vom chalte wind da uf de Hochebeni) parkiert. Den hets es Rumy und nachr Curry geh. Nach de Dämerig simmer zeme churz go Fische und dt Anna het ihre ersti Fisch gfange🎉. Am nächste Morge simmer uf de Snohetta Gloffe wommer über eh installierti TeleKamera Moschusochse agüxle cha. Moschusochse sind vo Grönland importiert worde hemmer no glernt. Zum Zmittag hemmer Brathersöfpel Spiegelei mit Salat gmacht. Im Bergwerk Folldal simmer am Namitag ufe Füerig wommer miteme Zügli tüf in Chalte Berg inegfahre sind und über de Kupfer und Schwefel abbau glernt hend. Durch es schöns Tal ah Flüss und Berge verbii hemmer no zwei churzi Stops ah Ussichtspünkt gmacht. Bim einte het en Architekt eh Plattform baue lah wo Beton und Bäum in einklang sind. Amne schöne Bergsee hemmer den euses Lager fü Nacht ufgschlage wommer ganz elei gsi sind. Mac n Cheese zum Znacht und den good morning vietnam fürs entertainement. Guet nacht peace out. Am Morge simmer losdüesed richtig Jotunheimen.
    Stay Tuned liebe Fründe und Familie.    Read more

    See translation
  • Südnorwegen
    JotunheimenJotunheimen

    Über Jotunheimen uf Lillehammer

    August 22, 2022 in Norway ⋅ ⛅ 11 °C

    nachde nacht uf eusem solo plätzli simmer am 21te august losgfahre zum jotunheimen natiomal park. unterwegs isch s übliche gsichtet worde (2 flüss und 2 chile). debi hemmer eus schön ziit la und sind ca am 5i ufem camping acho. Vo dete simmer no füre an fluss ide nöchi gloffe, aber de rege het nöd eso zu langem verwiile motiviert und mer sind wieder is auto gflüchtet. Nachem znacht (burger mmmmmm) isch denn dt sunne doch namal füre cho, aber zum dusse sii ischs glich z chalt gsi. Drum simmer eifach nochli dinne ghöcklet, hend gläse, spieli gspillt und sind chli fuul gsi. Hütt morge simmer wieder mal imene sehr chalte zelt ufgwacht, sind drum au nöd lang ligge bliebe. Mer hend wieder mal duschet (25 NOK für 5 min warm wasser gopf) und hend eus denn zude usgsuechte wanderig uf de weg gmacht. Unterwegs hets no en chline stopp geh bi zwei chline flüssli womer entlang gloffe sind. Bim startpunkt vo de wanderig hemmer no churz en salat gesse und sind losgloffe. Mer sind eus nöd immer sicher gsi wo de weg isch und es paar mal simmer ganz eidütig chli querfeldein gloffe (debi natürlich vo schaf begleitet). Sisch sehr e schöni rundi gsi und mer hend dt natur namal richtig chöne gnüsse bi super wätter. Öppe 2-3h spöter simmer wieder bim auto acho und sind richtig Lillehammer gfahre. Mer hend no ghalte ufme pass bime herzige kafi, binere chline bierbrauerei womer es bier kauft hend (s erste mal alkohol sit mer da sind) und bimene fluss und sind denn nach öppe 2.5h fahre da acho. Mer hend en super stellplatz, direkt nebed de Skisprungschanze! S het tomaterisotto (mmm) geh zum znacht und jetzt simmer wieder chli am läse und freued eus morn s bis jetzt sehr herzig ussehende Lillehammer azluege.
    👋🏻👋🏻👋🏻    Read more

    See translation
  • Südnorwegen

    Dt Anna altered und drum gaz uf Oslo

    August 23, 2022 in Norway ⋅ 🌙 12 °C

    Am morge vode Anna ihrem Geburi simmer in Lillehammer ufgwacht und sind zerschmal bi de Skisprungschantze de Sportler go zueluege bim abespringe. Den simmer in Lillehammer go Creppes und Omelette zmörgele worufhii schli Shopping geh het für dt Anna (Neui Sunnebrülle und schöns Summerchleid). Den Simmer wiiter südwärts richtig Oslo gfahre mit zwei zwüschestopps. Einisch hemmer in Gjøvik inre Schoggifabrik ghalte für paar Geburipraline und den im Kvistefoss museum - enere Kunstustellig im Park mitsamt Gebäudekomplex vom Bjarke Ingels (dänische Architekt, uf Netflix Abstract Serie hets eh Folg über ihn - Chani empfehle.)
    In Oslo simmermden uf de einzigi Camping wommer gueti drüviertel Stund agstande sind da Rezeptionistin di absolut schnellsti Computer userin ever gsi isch. Nachere Duschi und umzieh ischs idt Stadt füren Geburi znacht. Inere Pizzeria hemmer usgibig gegönnt es grosses danke an Ändy und dt Mony fürs iilade❤️    Read more

    See translation
  • Südnorwegen
    21

    Oslo, Kanufahre und Fredrikstadt

    August 26, 2022 in Norway ⋅ ⛅ 17 °C

    Am 24. simmer Oslo go aluege. Mer hend dt Opere ahgluegt, fein Zmittag gesse im Streetfood Oslo, hend wieder mal es paar super Vintage läde gfunde, sind in Vigeland Skulpturenpark, hend chli über Lachsproduktion glernt, sind namal im Streetfood öppis go Znacht hole und hend wieder de Bus gno zum Campingplatz, womer namal e Nacht gschlafe händ. Am nögste morge simmer namal go dusche, händ euses Auto zeme packt und sind zum Vansiø gfahre, en See, womer es Kanu scho vorgmietet hännd. Womer det acho sind isch niemmer ume gsi, mer hend eus denn gemäss Bestätigungsmail selber mit Equipment versorgt, s Boot gschnappt, wo parat gstande isch, und sind los gfahre. Mer händ zwüschedure ufeme schöne Ptätzli an Land Zmittag gässe, sind echli wiiter gfahre, händ ufeme herzige Inseli öppe 1-2 Stund chillt und eus denn langsam wieder mal uf de Rückwäg gmacht. Debi hämmer endlich mal badet (de see isch nur bitzli chelter gsi als de Zürisee)! De alain het nochli gfischt und öppe am 6i simmer zrugg gsi. Au denn isch wieder niemmer ume gsi🤷🏼‍♀️ und mer händ eifach alles wieder versorgt. Scho bim anefahre hämmer gmerkt, das de Parkplatz vom Kanu Rental glichzitig au en Stellplatz isch und mer hend entschiede, hütt Nacht daa z blibe, wills wük sehr es herzigs Plätzli am See isch.
    Am morge, nach dem de Alain no en huufe Johannisbeere gerntet het, hemmer eus den uf de Weg zum südlichste punkt vo eusere Reis gmacht. Es stettli namens Fedrikstadt. Det hemmer fein zmittag gesse und sind den ide Altstatt und im Fischerdörfli go umeguene und en Epplecak esse. Den simmer go poschte für de vegi bolognese znacht wommer uf eusem schöne camping platz am meer den zuebereitet hend. K.O vom zvill Pasta esse simmer de go pfuuse zum eus für die letzt etappe vo eusere Reis zerhole.    Read more

    See translation
  • Südnorwegen
    im schöne chleid im mc am warte 👌🏻

    Tschüss Tschau uf Widergüx Norwege

    August 29, 2022 in Denmark ⋅ 🌙 14 °C

    am 27. am morge hemmer eine vode vile spazierweg ustestet, wo vom campingplatz zum meer gfüert hend. Mer hend es schöns plätzli am meer gfunde & hend dete churz chillt, denn simmer wieder zrugg. Bevor mer wieder abgfahre sind simmer no go dusche und hend usem restliche risotto no en milchriis kocht und in küelschrank packt zum mitneh. Denn simmer abgfahre richtig Åsgårdstrand, ufem weg det here hemmer no zwei buurehöf gfunde, wo herzigi lokali sache verkauft hend. Mer sind mit de fähre vo Moss uf Horten und denn in Asgardstrand acho. Sehr es härzigs chlises dörfli, womer ufde wiese am meer chli ane glege sind, glese händ und die restliche täg nochli plant hend. Am abig hemmer welle usswärts gah, de alain het endlich mal no welle rentier probiere. Nachdem eusi suechi nach guete resti immer meh gfailt isch will dt restis entweder zue gha hend (obwohls online gheisse seg sie seged offe), privati aläss drin statgfunde hend oder direkt nebedra es rock konzert stattgfunde het, wo euser meinig nah die schön abigstimmig schüch versaut het, simmer denn nüme so moti gsi, hend mega hunger gha und de alain het sis rentier irgendwenn müse ufgeh, aber au mit de tüfere standards hemmer nüt guets gfunde, und will mer bi somene low point acho sind, simmer denn schlussendlich im mc glandet. Dete zwei vegiburger bstelt und denn ab zume schöne plätzli ide nöchi vom hafe zum de reste vom sunneuntergang no gnüsse. De Vegiburger het denn de abig au nüme würkli grettet (de norweger-mcdonalds chönted sich da e schiibe vom schwizer abschnide). Mer hend eus denn müse ufd suechi begäh nach me stellplatz fürd nacht, und natürlich, passend zu dem abig, isch de einti voll gsi und de ander abgsperrt. Hänu, chli wiiter gfahre ufen campingplatz, womer zimlich direkt go schlafe sind. Am negste morge hemmer denn gmerkt, dases eigentlich mega en schöne camping gsi isch, mit me schöne chline seeli nebedra, womer am abig vorher im dunkle natürlich nöd gse hend. Mer sind sind denn no euse platz go zahle und wieder wiiter gfahre zumene Wasserfall. Dete chli spaziert. Denn uf Skien zrugg gfahre, womer no en park ahgluegt hend mit wunderschöne blueme und ere super sicht ufs städtli. Det hets no es medium feins stuck chueche geh und denn simmer wiiter uf sandefjord. Mer sind de strandpromenade entlang, hend es alts walfangboot beguetachtet, es glace gesse und sind denn zum camping, wo wieder mal sehr schön glege isch ufeme halbinseli. Mer hend Znacht kochet und so guet wie möglich no eusi reste verwertet. De alain isch nochli go fische und ich ha glese. Zum Dessert nochli Milchriis und de neu Top Gun gluegt (ich widerwillig, aber er isch doch nöd soooo schlecht gsi). Am negste morge nachem usschlafe simmer go dusche und hend euses bsteck und alles chochzüg no blitzblank abgwäsche. Bis mer das alles erledigt hend hemmer no zit gha zum in sandefjord go zmittag esse und s walfangmuseum go aluege, wo sehr iidrücklich und irgendwie au chli bedrückend gsi isch. Denn hemmer eus scho müse uf de weg mache uf Larvik zu eusere Fähre, wo denn pünktlich am 17.20 abgfahre isch. Sisch sehr e schöni ruhigu überfahrt gsi mit vill läse und sehr sehr schönem sunneuntergang überem meer😍. Jetzt simmer wieder in Dänemark acho und ufem weg uf arhus.Read more

    See translation
  • Südnorwegen
    Hamburg du bisch Sch***se
    Workingbeein Hamburg läuft ÖV Top!im Zpaate volle zug mit vill gepäck belavrTschüss automan merke V-Power isch ned srichtigeWikinger Ample in AarhusIm Nachtzug

    Aarhus nice, Hamburg scheiss

    September 1, 2022 in Denmark ⋅ ⛅ 22 °C

    Am Abig spaat simmer ufem Stellplatz in Arhus aacho und zimlich direkt go schlafe. Am 30. simmer denn Arhus go aluege; Botanische Garte, Altstadt, verschiedeni secondhand stores, fein esse und en museumsbsuech fasst euse tag da guet zäme. adere stell es dankeschön adt nadine fürs empfehle vo dem schöne stettli. am nomitag hemmer eus nach zwei churze stopps imne park und am meer, richtig hamburg uf de wäg gmacht. euse unglücksstrecki nimmt en zweite ahlauf. nach dem mer in dütschland eh super günstigi tankstell gfunde hend, hanich (alain) leider schlimm verkackt und sTüüre diesel v power gno und 20 euro zvill zallt. immerhin hemmer jetzt „klimafründlichere“-diesel. uf de suechi nach Raststette Znacht wird ei usfahrt verpasst und den zwei mal noimets ghalte wo sresti zue het.
    Spaat am abig und erschöpft simmer den in Bremervörde ufme Camping acho. Am morge hemmer sauto putzt und Packt. Mit vollgstopfte Köffer hemmer den sAuto zrugg bracht und grad no müsse de Kaputt Spiegel zahle (shet en mini Unfall geh vor 2 Wuche wo mer ufere enge Strass Spiegel ah Spiegel mitme andere Fahrzüg cho sind). In Bremervörde hemmer den de Zug gno uf Hamburg. Und nei eusi unglücksstrecki isch nanig verbi. Bim umstiige in Buxtehude simmermden in Falsche Zug wel eifach alles so verwirrend agschribe isch woruf hi mer den nomal hend müsse umstiige und inen ultra volle zug inequetsche wo 20minute verspöted gsi isch. Fazit- Dütschi Züg hend immer verspötig, findet jetzt au dt Anna. In Hamburg acho simmer ines schöns Kafis das dt Anna scho chli chan Vorschaffe fürs Unispital. Geg de Abig simmer den no go Znacht esse und an Bahnhof zum euse verspöteteti Nachtzug zneh. Dt Nacht ich weniger gmüetlich gsi. Nöd wegem Ruckle vom Zug sondern weg de Schräge, igmuldete, Matraze. Suscht eigentlich gmüetlich im Nachtzug gsi. In Züri simmer leider ned pünktlicn sondern ZFRÜE acho. Scho hockemer im Zug uf Thalwil und schomal es danke vorweg a dt Moni fürs abhole am Bahnhof.
    Adere Stell verabschided mir eus vo eusere treue Leserschaft. Danke fürs fliisig Kommentiere und mitlese. Bis zum nächste Reisli den. Vill Liebi
    Anna & Alain❤️🇨🇭🇧🇻

    (im zug uf Thalwil het de Alain gmerkt er het keis Billet und isch den vode Kontrollörin devo gseckled und het jetzt kei Buess🎉)    Read more

    See translation
    Trip end
    September 1, 2022
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice